સુરત શહેર ના ઉધના વિસ્તારમાં સિટી બસના કંડક્ટરે રવિવારે બપોરે એક યાત્રીને માર માર્યો હોવાની વાત થઇ રહી છે. 305 નંબરની સિટી બસના કંડક્ટરની દાદાગીરીનો એક વીડિયો સોશ્યિલ મીડિયા પર સામે આવ્યો છે. લોહીલુહાણ હાલતમાં યાત્રીનો વીડિયો સોશ્યિલ મીડિયામાં વાઇરલ થયો છે. સિટી બસ ઉધનાના બીઆરસી તરફથી આવી રહી હતી. ત્યારે યાત્રીને કંડક્ટર સાથે ટિકિટના પૈસા મુદ્દે માથાકૂટ થઈ હોવાની વાત સામે આવી છે. આ અંગે ઈજા પામેલા પોલીસમાં ફરિયાદ કરી ન હતી. જેથી પોલીસ મથકમાં કોઇ ગુનો નોંધાયો ન હતો. પરંતુ બસનો ચાલક અને કંડક્ટર બંને ઉધના પોલીસ સ્ટેશને આવ્યા હતા અને પોલીસને કહ્યું કે યાત્રી પીધેલો હોવાનું અને ટિકિટના પૈસા આપતો ન હોવાની વાત કરી રહીયો હતો. ઈજા પામેલો યાત્રી આવે ત્યાર પછી સાચી હકીકતો બહાર આવી શકશે.

ઘટના મુજબ પેસેન્જર સાથે કંડક્ટરનું ટિકિટ બાબતે પૈસા મુદ્દે બોલાચાલી થઈ હતી. જેમાં કંડક્ટરે કાયદો હાથમાં લઈ યાત્રી પર હુમલો કરી દીધો હતો. યાત્રીને લોહીલુહાણ હાલતમાં રસ્તામાં ઉતારી દીધો હતો. જેના કારણે લોકોના ટોળા એકત્ર થયા હતા અને બસને રસ્તાની વચ્ચે અટકાવી દેવામાં આવી હતી.

સચિનમાં શુક્રવારે રાતે ચોથા માળે ગેલેરીમા સુતેલો યુવાન ઉંધમાં જ નીચે પટકાતા મોતને ભેટયો હતો. નવી સિવિલથી મળેલી વિગત મુજબ સચિન જી.આઇ.ડી.સી રોડ પર ૨૮ વર્ષીય દિપક રાજેશ સીંગ ડાયમંડ ઇન્ડસ્ટ્રીયલમાં બિલ્ડીગમાં રહેતો અને ત્યાં મજુરી કામ કરતો. ૨૮ વર્ષીય દિપક રાજેશ સીંગ શુક્રવારે રાતે ત્યાં ચોથા માળે ગેલેરીમાં સુતેલો હતો. જોકે દિપક ભર ઉંધમાં જ નીચે પડી જતા ગંભીર ઇજા થઇ હતી. જેથી તેને સારવાર માટે ૧૦૮ એમ્બ્યુલન્સમાં નવી સિવિલ હોસ્પિટલમાં દાખલ કર્યો હતો. જયાં ફરજ પરના ડોકટરે તેને મૃત જાહેર કર્યો હતો. આ અંગે સચિન જી.આઇ.ડી.સી પોલીસે તપાસ હાથ ધરી છે.

સુરત શહરનાં સચિન વિસ્તારમાં બિમારીથી કટાંળી જઇને યુવાએ આત્મહત્યા કરી મોતને વ્હાલુ કર્યુ હતું. નવી સિવિલથી મળેલી વિગત મુજબ સચીન જી.આઇ.ડી.સીમાં પાલીગામમાં સાંઇ પેલેસમાં રહેતો ૨૦ વર્ષીય સુજીત લક્ષ્મણ કુસ્વાહ શુક્રવારે સાંજે પેટમાં દુઃખાવો થાય છે. એવુ તેની બહેનને કહીને ઘરે આવ્યો હતો. બાદમાં રાતે બહેન ઘરે આવી ત્યારે સુજીત પંખા સાથે દુપટ્ટો બાંધી ગળે ફાંસો ખાધેલી હાલતમાં મળી આવ્યો હતો. પોલીસે કહ્યુ કે સુજીત મુળ બિહારનો વતની હતો. તેને પેટમાં દુઃખાવો સહિતની તકલીફ હોવાથી આ પગલુ ભર્યુ હોવાની સકયતા છે.

ગોડાદરા પોલીસને યુવક દ્વારા તમાચો મારવાની ઘટના સામે આવી છે. ગોડાદરામાં બે યુવકો વચ્ચેની માથાકૂટમાં કંટ્રોલરૂમના ફોન બાદ વચ્ચે પડેલી ગોડાદરા પોલીસના એક એએસઆઇને ગાળાગાળી કરનાર યુવકે, હું તમને જોઇ લઇશ કહી તમાચો મારી દીધો હતો.

પોલીસથી મળેલી માહિતી મુજબ પોલીસ કંટ્રોલરૂમ તરફતી ગોડાદરા પોલીસને માહિતી મળી હતી કે, ગોડાદરાના ચિન્મય રો હાઉસ નજીક હળપતિ વાસમાં ઝઘડો થઇ રહ્યો છે. ગોડાદરા પોલીસના એએસઆઇ રજનીકાંત ખુમાભાઇ સહિત અન્ય સ્ટાફ ત્યાં પહોંચ્યો હતો. ત્યારે ત્યાં ગિરજા શંકર તેરસનાથ યાદવ નામનો વ્યક્તિ ગાળાગાળી કરતો હતો. પોલીસે તેને સમજાવવાનો પ્રયાસ કર્યો ત્યારે ગિરજા શંકર વધુ ઉશ્કેરાઇ ગયો હતો અને તેણે એએસઆઇને રજનીકાંતને તમાચો મારી દીધી હતો. ત્યારબાદ તેને કહ્યું કે, મારા પર અગાઉ પીધેલાનો કેસ કર્યો હોય હું તમને બધાને જોઇ લઇશ. પોલીસે આ ગીરજાશંકરની સામે ફરજમાં રૂટાવકનો ગુનો નોંધી તપાસ શરૂ કરી છે.

સાયણ ગામે મુખ્ય માર્ગ પર આવેલ કોમ્પ્લેક્ષમાં ઇલેક્ટ્રિકના દુકાનદાર પર હુમલો કરવા સાથે જાનથી મારી નાખવાની ધમકી આપી ભાગી છૂટવાની ઘટનાએ વિસ્તાર માં ચકચાર મચાવી હતી. ઓલપાડ તાલુકાનાં સાયણ ગામે મુખ્ય માર્ગને અડીને આવેલા સંકલ્પ એવન્યુ નામના કોમ્પલેક્ષમાં દુકાન નંબર-6 માં પરિયા ગામ શુકન બંગલો ખાતે રહેતા પંકજભાઈ બાબરભાઈ લાડ (52) ની શ્રી સાઈનાથ ઇલેક્ટ્રીક નામની ઇલેક્ટ્રીક સામાન વેચવાની દુકાન આવેલી છે. ગત રોજ શુક્રવારને બપોરે 4.30 વાગ્યાના અરસામાં દુકાન માલિક પંકજભાઈ પોતાની દુકાનમા હતા ત્યારે સંકલ્પ એવન્યુમાં બીજા માળે રહેતા વિધર્મી પરિવારનો દીકરો નીચે આવી પંકજભાઈ ની દુકાન આગળ મૂકેલા એલ.ઇ.ડી સ્ટેટ લાઈના બોક્ષ લઈને ચાલી જતાં તેને ઊભો રાખી ઠપકો આપેલ. ત્યારે પૂછયા વિના લાઈનું બોક્ષ લઈ જનાર સાજીદના દીકરાને ઠપકો આપવાની વાતે તેણે અદાવત રાખી લાકડીના ફટકા સાથે તેના મિત્ર અમજદ સહિત બીજા અન્ય લોકોને પોતાની સાથે લઈ આવી શ્રીસાઈનાથ ઇલેક્ટ્રીક દુકાનમા ધસી આવી દુકાનમા બેઠેલા પંકજભાઈ ને માથાના ભાગે ફટકો મારી લોહી લુહાણ કરી દેવા સાથે ગાળો આપી જાનથી મારી નાખવાની ધમકી આપી ભાગી છૂટેલા. ત્યારે નજીવી બાબતે દુકાનદાર પર હુમલો કરવાની ઘટનામાં પોલીસે ત્રણ વિરુદ્ધ ગુનો નોંધી કાયદેસરની કાર્યવાહી કરી હતી.

સુરતના હજીરા વિસ્તારમાં એક રાષ્ટ્રીયકૃત કંપનીમાં કામ કરતા CISF જવાનની પત્ની પર તે જ કંપનીમાં કામ કરતા સ્વીપરે બળાત્કાર ગુજાર્યો હતો. આરોપી સ્વીપરની પરિણીત છે અને એક બાળકનો પિતા પણ છે. મામલો પ્રકાશમાં આવતાં પોલીસે આરોપીની ધરપકડ કરી આગળની કાર્યવાહી હાથ ધરી છે. મળતી માહિતી મુજબ, CISFમાં કોન્સ્ટેબલ તરીકે નોકરી કરતા જવાનની પત્ની તથા બે સંતાન સાથે વેસુ વિસ્તારની કોલોનીમાં રહે છે. બે મહિના અગાઉ CISFમાં સ્વીપર તરીકે ફરજ બજાવતા હમવતની સુનિલકુમાર વેદ પ્રકાશ (ઉંમર વર્ષ 32) મૂળ રહે. બબેદ પાણીપત હરિયાણાનો, જે હજીરાની રાષ્ટ્રીયકૃત કંપનીમાં પોસ્ટિંગ થતા ફરિયાદીના પડોશમાં રહેવા આવ્યો હતો. સુનિલનો પરિવાર વતનમાં હોવાથી કોન્સ્ટેબલના ઘરે જમતો હતો. આ દરમિયાનમાં સુનિલે કોન્સ્ટેબલની પત્નીને ઉશ્કેરતા કહ્યું હતું કે, તારો પતિ સવારે મોર્નિંગ વોકમાં જાય ત્યારે મહિલા અને યુવતીઓને જુએ છે. કોઈક સાથે તેને પ્રેમ સંબંધ પણ છે. જે બાદ 24 મેના રોજ જવાન જ્યારે સવા પાંચ વાગ્યે નોકરી પર જવા નીકળ્યો, ત્યારબાદ 15 મિનિટ પછી સુનિલ અચાનક ઘરમાં ઘૂસી ગયો હતો. નિંદ્રાધિન બે સંતાનની હાજરીમાં કોન્સ્ટેબલની પત્ની સાથે જબરદસ્તી શરીર સંબંધ બાંધી કોઈને કહેશે તો મારી નાખવાની ધમકી આપી હતી.

ધમકીથી ડરીને જવાનની પત્નીએ કોઈને કંઈ કહ્યું નહીં. ગત રાતે કોન્સ્ટેબલ નાઈટ શિફ્ટમાં ગયો હતો અને તેની પત્ની તથા બે સંતાન, નણંદ સાથે સુતી હતી. ત્યારે સુનિલ અચાનક સવારે 5:00 વાગ્યાના અરસામાં ઘરમાં ઘૂસી ગયો હતો અને જબરદસ્તી શરીર સંબંધ બાંધવાનો પ્રયાસ કર્યો. પરંતુ કોન્સ્ટેબલની પત્ની ઇન્કાર કરતા તેને મોઢા તથા કમરના ભાગે ઢીકા-મૂક્કાનો મારમારી નાસી ગયો હતો. નાઈટ શિફ્ટમાંથી પતિ જ્યારે પરત આવ્યો, ત્યારે હમવતની એવા સુનીલની કરતૂત અંગે જાણ થતા વેસુ પોલીસ સ્ટેશનમાં ફરિયાદ નોંધાવી હતી. જેથી પોલીસે આરોપી સુનિલની ધરપકડ કરી વધુ તપાસ હાથ ધરી છે. આરોપી સુનીલ પણ પરણિત છે અને એક સંતાનનો પિતા છે.

સુરત શહેરના સરથામા વિસ્તારમાં રહેતા એક જ પરિવારના ચાર સભ્યોએ ઝેરી દવા ગટગટાવીને આપઘાતનો પ્રયાસ કર્યો હતો. જેમાં માતા તથા પુત્રી અને પુત્રીનું મોત નિપજ્યું હતું. જ્યારે પિતાની હાલત વધુ ગંભીર હોવાથી તેમને સારવાર અર્થે હોસ્પિટલમાં ખસેડ્યા હતાં. જ્યાં તેમનું સારવાર દરમિયાન મોત નિપજ્યું હતું. આ પરિવારમાંથી એક દીકરો અને મોટી દીકરી બચી ગયાં હતાં. આ ઘટનામાં હજી પોલીસ કાર્યવાહી કરી રહી છે ત્યાં પરિવારની મોટી દીકરીએ પણ આપઘાતનો પ્રયાસ કર્યો છે, જેથી તેને ગંભીર હાલતમાં હોસ્પિટલમાં ખસેડવામાં આવી છે.

સુરતના યોગીચોક પાસે વિજયનગરમાં રહેતા વિનુ મોરડિયા, તેમની પત્ની શારદાબેન, પુત્ર ક્રિશ અને પુત્રી ટીનાએ એકસાથે ઝેરી દવા પી આત્મહત્યા કરી હતી. વિનુ મોરડિયાએ આત્મહત્યા કરતાં પહેલાં પોતાના મોટા ભાઇને ફોન કરીને ઘરનો સૌથી મોટો પુત્ર પાર્થ તેમજ પુત્રી રુચિતાનું ધ્યાન રાખવા માટે કહ્યું હતું. દરમિયાન પોલીસે આ કેસમાં સ્થાનિકો તેમજ તેના તેમના મોટા ભાઇ સહિત પરિવારના અન્ય સભ્યોનાં નિવેદનો લેવાનું શરૂ કર્યું હતું. દરમિયાન જ મોરડિયા પરિવારના વધુ એક સભ્ય એવી મોટી દીકરી રુચિતાએ પણ આપઘાતનો પ્રયાસ કર્યો છે. તેને ખાનગી હોસ્પિટલમાં દાખલ કરવામાં આવી છે. સરથાણા પોલીસના જણાવ્યા પ્રમાણે, મોરડિયા પરિવારની મોટી દીકરી રુચિતાએ બાથરૂમમાં ફિનાઇલ ગટગટાવી લીધું હતું. જેની જાણ થતાં પરિવારજનો તાત્કાલિક તેને ખાનગી હોસ્પિટલમાં ખસેડી હતી. પરિવારના વધુ એક સભ્યએ પણ આપઘાતનો પ્રયાસ કરતાં પરિવારમાં શોકનો માહોલ છવાઇ ગયો છે.

આ ઘટનાની જાણ થતાં પોલીસ પણ હોસ્પિટલ દોડી ગઈ હતી. આપઘાતના પ્રયાસને લઈને પ્રાથમિક તપાસમાં હાલ ડિપ્રેશનમાં આ પગલું ભર્યું હોવાનું અનુમાન છે. આ દરમિયાન પોલીસે આ કેસમાં સ્થાનિકો તેમજ તેના તેમના મોટા ભાઇ સહિત પરિવારના અન્ય સભ્યોનાં નિવેદનો લેવાનું શરૂ કર્યું હતું. મોટો પુત્ર કામધંધો ન કરતો હોવાથી ઘરમાં ઝઘડો થવા ઉપરાંત તેની ઉંમર લગ્નની થઇ હતી, કોઇ યુવતીના માગા આવે એવા સમયે પુત્ર કંઇ કામ ન કરતો હોય એ ચિંતા પણ વિનુભાઇને સતાવતી હતી. આ ઉપરાંત પુત્ર સતત મોબાઇલમાં વ્યસ્ત રહેતો અને ઘરમાં નાની બહેનો સાથે મારઝૂડ કરતો. આ તમામ બાબતોને લઇ ચિંતિત રહેતા વિનુભાઇએ આખરે પરિવાર સાથે આત્મહત્યા કરી હોવાની શંકા વ્યક્ત કરાઇ છે.

સુરતમાં ઉધના મગદલ્લા ખાતે કોમલ સર્કલ પાસે ઇલેક્ટ્રિકની દુકાનમાં યુવાનના બંને હાથ વાયર સાથે બાંધેલી હાલતમાં મૃત મળી આવ્યો હતો. પરિવારના સભ્યાએ પણ દયાનંદના મોત અંગે શંકા વ્યક્ત કરી છે. નવી સિવિલથી મળેલી વિગત મુજબ ડીંડોલીમાં અંબિકા રો હાઉસમાં રહેતો 36 વર્ષીય દયાનંદ નંદકિશોર આહીરાવ ઉધના મગદલ્લા રોડ પર કોમલ સર્કલ પાસે આવેલી ઇલેક્ટ્રિકની દુકાનમાં નોકરી કરતો હતો અને તેની પત્ની નજીકમાં પ્રાઇવેટ નોકરી કરે છે.

પત્નીએ એક કોલ કર્યા છતાં રિસીવ નહી થતા તે દુકાને દોડી ગઇ હતી. જ્યાં પતિ દયાનંદ બંને હાથ વાયરથી બાંધેલી હાલતમાં બેભાન મળતા ચોંકી ગઇ હતી. તે વાયર ખોલવા જતાં તેને કરંટનો ઝટકો લાગતા ચીસાચીસ કરી હતી. ત્યારબાદ આજુબાજુના લોકો દોડી ગયા હતા. પ્રાથમિક તપાસમાં તેણે વાયર બાંધી આત્મહત્યા કરી હોવાનું બહાર આવ્યુ છે. જોકે પોસ્ટમોર્ટમ રિપોર્ટ બાદ ચોક્કસ કારણ જાણવા મળશે. તે મુળ મહારાષ્ટ્રના વતની હતો. સંતાનમાં એક પુત્ર અને એક પુત્રી છે. પિતાના મોતને લઈને બે સંતાનોએ પિતાની છત્રછાયા ગુમાવી છે.

સુરતના પાંડેસરા વિસ્તારમાં આવેલા સિદ્ધાર્થ નગરમાં ઘરની બહારથી વહેલી સવારે મૃતદેહ મળતા સમગ્ર વિસ્તારમાં ચકચાર મચી જવા પામી છે. સિદ્ધાર્થ નગરમાં એક ઓરિસ્સા વાસી યુવકની હત્યા કરાઈ હોવાની ઘટના સામે આવી છે. જેમાં મૃતકની સાથે રૂમમાં રહેતા તેના સાથી મિત્રએ જ પથ્થરના ઘા ઝીંકી હત્યા કરી ફરાર થઈ ગયો હોવાની ઘટના સામે આવી છે. પોલીસે બનાવ અંગે હત્યાનો ગુનો નોંધી આરોપીને ઝડપી પાડવા તપાસ હાથ ધરી છે.

મળતી માહિતી મુજબ મૂળ ઓરિસ્સાનો રહેવાસી અને હાલ પાંડેસરા વિસ્તારમાં આવેલા સિદ્ધાર્થ નગરમાં રહેતો 36 વર્ષીય પુનો પોલાઈ છેલ્લા ઘણા સમયથી હત્યારા સાથે ભાડાની રૂમમાં રહેતો હતો અને લૂમ્સના કારખાનામાં કારીગર તરીકે કામ કરતો હતો. ગત મોડી રાત્રે પૂના પોલાઈની તેની સાથે રહેતા રૂમ પાર્ટનરે પથ્થરના ઘા મારી હત્યા કરી દીધી હતી. વહેલી સવારે હત્યા કરાયેલી લાશ મળી આવતા સ્થાનિકોએ બનાવ અંગે પોલીસને જાણ કરતા પોલીસ કાફલો ઘટનાસ્થળે દોડી આવ્યો હતો. પ્રાથમિક તપાસમાં અંગત અદાવતના ઝઘડમાં કારીગરની હત્યા થઈ હોવાનું માનવામાં આવે છે. પૂનો પોલાઈના શરીર પર ઈજાના નિશાન પણ મળી આવ્યા છે. પોલીસે બનાવ અંગે મરનાર યુવકના મૃતદેહને પીએમ અર્થે મોકલી અને હત્યારા રૂમ પાર્ટનર વિરુદ્ધમાં હત્યાનો ગુનો નોંધી તેને ઝડપી પાડવા તપાસ હાથ ધરી છે.

પુનો પોલાઈના પરિવારમાં પત્ની, એક પુત્ર અને એક પુત્રી છે, જેઓ હાલ તેમના વતનમાં રહે છે. મોતના સમાચાર મળતા પરિવાર શોકમાં ગરકાવ થયું છે અને બે બાળકોએ પિતાની છત્રછાયા ગુમાવી છે.

વેસુમાં રહેતી 29 વર્ષીય પરિણીતાનો પતિ CISFમાં નોકરી કરે છે. આરોપી સુનિલકુમાર વેદપ્રકાશ ઓએનજીસી કોલોની,વેસુ, પાસે રહે છે. 24મી મેએ મહિલાનો પતિ સવારે કંપનીમાં ડ્યૂટી પર ગયો હતો ત્યારે આરોપી તેના ઘરે આવ્યો હતો. તે વખતે આરોપીએ મહિલા સાથે બળજબરી કરી રેપ કર્યો હતો. મહિલાએ તે વખતે પતિને વાત કરી ન હતી. બીજીવાર પાછો આરોપી સુનિલકુમાર 8મી જૂને આવ્યો હતો અને જબરજસ્તી કરી રેપ કરવાની કોશિશ કરી હતી. જોકે મહિલાએ બૂમાબૂમથી લોકો દોડી આવ્યા હતા અને સુનિલકુમારને પકડી મેથીપાક આપ્યો હતો. મહિલાનો પતિ પણ દોડી આવ્યો હતો. મહિલા ગભરાય ગઈ હોવાથી જે તે વખતે ફરિયાદ આપી ન હતી. શુક્રવારે રેપનો ગુનો નોંધી આરોપીની ધરપકડ કરી છે. આરોપીના મહિલાના ઘર સાથે પારિવારીક સંબંધ હતા. આરોપી 6 વર્ષથી CISFમાં નોકરી કરે છે અને બે સંતાનનો પિતા છે.