સચિન GIDCમાં ઇન્ડસ્ટ્રીયલ ઓફીસમાં ધંધો નહીં જુગારધામ ચાલતું ઝડપાયું.
સુરતના સચિન જીઆઈડીસી વિસ્તારમાં ઓફીસની અંદર જુગાર રમાડતા અને જુગાર રમી રહેલા લોકો ની સાથે કુલ મળી કુલ ૪ લોકોની પોલીસે ધરપકડ કરી છે. જે પુલીસ બાતમી ના આધારે તપાસ કરતા હકીકત જાણીતા. પોલીસે ત્યાંથી 1.80 લાખની રોકડ, 4-મોબાઈલ અને ત્રણ ફોરવ્હીલ મળી કુલ 14.34 લાખનો મુદામાલ કબજે કર્યો હતો.
સચિન જીઆઈડીસી પોલીસને બાતમી મળી હતી કે સચિન જીઆઈડીસી આશીર્વાદ ઇન્ડસ્ટ્રીયલ એસ્ટેટ સ્થિત પ્લોટ નંબર 59માં આવેલા ભંગારના ગોડાઉનની ઉપર ઓફિસમાં ઓમપ્રકાશ ગુપ્તા નામનો વ્યકિત એ બહારથી લોકોને જુગાર રમવા માટે બોલાવે છે. અને તેઓને જુગાર રમવાની સવલતો પૂરી પાડી રહ્યો છે. બાતમીના આધારે પોલીસે અહી દરોડો પાડ્યો હતો. પોલીસે અહીંથી જુગાર રમાડી રહેલા ઓમપ્રકાશ નેહરુલાલ ગુપ્તા તેમજ જુગાર રમી રહેલા રફીક બદરૂદિન ખેરણી, કૈલાશ દેવીદાસ પાટીલ અને અનચલકુમાર રાજકુમાર ગુપ્તાને ઝડપી પાડ્યા હતા.
પોલીસે ઘટના સ્થળેથી અંગઝડતી તેમજ દાવપરના રોકડા રૂપિયા મળી કુલ 1.80 લાખની રોકડ, 1.04 લાખની કિંમતના 4-મોબાઈલ ફોન, 3 ફોરવ્હીલ તેમજ જુગાર રમવાના સાધનો કાર મળી કુલ 14.34 લાખનો મુદામાલ કબજે કર્યો હતો. ઝડપાયેલા તમામ જુગારીઓ સામે સચિન જીઆઈડીસી પોલીસે કાયદેસરની કાર્યવાહી હાથ ધરી હતી.
