પરિવાર દ્વારા પુરાવાનો નાશ કરવાનો પ્રયાસ થયો હોવાની શંકા વ્યક્ત કરવામાં આવી.

આ પ્રકરણમાં શાળાના સંચાલકો ઉપરાંત અશોક ત્રિવેદી નામનો એક વ્યક્તિ હાલ ચર્ચામાં આવ્યો. તેણી કામગીરી સામે શંકાસ્પદ ?

સુરતના સચિન વિસ્તારમાં આવેલી સરસ્વતી હિન્દી વિદ્યાલયના ધો.9ના વિદ્યાર્થીની તળાવમાંથી મળી આવેલી લાશની ઘટનામાં પરિવારના ગંભીર આક્ષેપોને પગલે પોલીસે તપાસ શરૂ કરી હતી પરંતુ, હજુ સુધી કોઈ પુરાવા હાથ લાગ્યા નથી.જિલ્લા શિક્ષણ અધિકારી ભગીરથસિંહ પરમારે જણાવ્યું હતું કે, તેમને શાળાના સંચાલનમાં અશોક ત્રિવેદી નામના વ્યક્તિની સંડોવણી અંગે જાણ કરવામાં આવી છે અને તેઓ સરકારી શાળામાં પણ ભણાવે છે તેવી પણ માહિતી છે. આ અંગે તેમણે પોતાના ઇન્સ્પેક્ટરને તપાસ કરીને સત્યતા જાણવા જણાવ્યું છે. અશોક ત્રિવેદી ભલે કાગળ પર સંચાલક ન હોય પરંતુ તેઓ સંચાલકની ભૂમિકા ભજવતા હતા કે કેમ તે અંગે શિક્ષણ વિભાગ દ્વારા તપાસ શરૂ કરવામાં આવી છે. આ અંગેની ઔપચારિક ફરિયાદ પણ જિલ્લા શિક્ષણ અધિકારીને મળી છે. એક સરકારી શિક્ષક તરીકે ખાનગી શાળાના સંચાલનમાં તેમની દખલગીરી નિયમોનું ઉલ્લંઘન ગણી શકાય કે કેમ, તે એક મોટો પ્રશ્ન છે.

જોકે, પોલીસ દ્વારા સ્કૂલ અને ત્યારબાદ મૃતક વિદ્યાર્થી તળાવ સુધી કઈ રીતે પહોંચ્યો? તેના CCTV આધારે તપાસ કરી રહી છે. ઘરેથી સાયકલ લઈને નીકળ્યા બાદ ત્રણ કિ.મી. દૂર તળાવ નજીક જતો હોય એવું CCTVમાં કેદ થયું છે.

જોકે, આ મામલે એક પછી એક ચોંકાવનારા ખુલાસાઓ થઈ રહ્યા છે. હવે આ કેસમાં શાળાના આચાર્ય, સંચાલકો અને સરકારી શાળાના શિક્ષકની ભૂમિકા પર ગંભીર સવાલો ઉભા થયા છે. ખાસ કરીને CCTV ફૂટેજના DVR ખરાબ હાલતમાં મળવા અને અશોક ત્રિવેદી નામના વ્યક્તિની શાળાના સંચાલનમાં કથિત દખલગીરીએ તપાસને વધુ રહસ્યમય બનાવી દીધી છે.

ગત 30 જૂનના રોજ બપોરે વિદ્યાર્થી મયંક ઝા પ્રિન્સિપાલની કેબિનમાં ગયો હતો. ત્યાં શું બન્યું તે અંગે પોલીસ હાલ તપાસ કરી રહી છે. પરિવારનો આક્ષેપ છે કે, પ્રિન્સિપાલે વિદ્યાર્થીને તમાચો માર્યો હતો. જોકે, વિદ્યાર્થીઓના નિવેદન મુજબ પ્રિન્સિપાલે ફક્ત ઠપકો આપ્યો હતો. આ વિસંગતાને કારણે પ્રિન્સિપાલની કેબિનમાં બનેલી ઘટના અંગે રહસ્ય ઘેરાઈ રહ્યું છે. પોલીસ CCTV ફૂટેજના આધારે તપાસ કરી રહી છે. શાળામાં કુલ 60 જેટલા CCTV કેમેરા છે. પરંતુ સૌથી ચોંકાવનારી બાબત એ છે કે, પ્રિન્સિપાલની ઓફિસ, ગ્રાઉન્ડ અને એન્ટ્રી-એક્ઝિટ ગેટના CCTV ફૂટેજના DVR પોલીસને ખરાબ હાલતમાં મળ્યા છે. આ DVRને FSL (ફોરેન્સિક સાયન્સ લેબોરેટરી)માં મોકલવામાં આવ્યા છે જેથી સ્પષ્ટ થઈ શકે કે પ્રિન્સિપાલની ઓફિસમાં વિદ્યાર્થી સાથે શું થયું હતું.

સુરતના અઠવા વિસ્તારમાં આઠમી જૂને 23 વર્ષીય અંજલિ વરમોરા નામની મોડલે દુપટ્ટા વડે ગળે ફાંસો ખાઇ જીવન લીલા સંકેલી લીધી હતી. અંજલિ વરમોરાની મોતના કારણે અનેક સવાલો ઊભા થયા હતા. હવે તેના આપઘાતનો ભેદ ઉકેલાયો છે. આ આપઘાતમાં હવે પ્રેમ પ્રકરણનો ખુલાસો થયો છે. પોલીસ તપાસમાં સામે આવ્યું કે, અંજલિના પ્રેમીએ મૃતક સાથે પ્રેમ સંબંધ બાદ લગ્નના ખોટા વાયદા કર્યા હતા. જોકે, બાદમાં બંને વચ્ચેના સંબંધમાં ખટાશ આવતા પ્રેમી તેને જાતિ વિષયક શબ્દો બોલી તેનું અપમાન કરતો. સતત કરવામાં આવતા આ ત્રાસથી મોડેલ કંટાળી ગઈ હતી અને તેથી તેણે પોતાનું જીવન ટૂંકાવવાનો નિર્ણય લીધો હતો. હાલ, પોલીસે આ મામલે પ્રેમી ચિંતન સામે ગુનો નોંધી વધુ તપાસ હાથ ધરી છે.

નવસારી બજાર ખાતે આવેલા કાર્તિક એપાર્ટમેન્ટના પાંચમા માળે અંજલિ પરિવાર સાથે રહેતી હતી. અંજલિના માતા દક્ષાબેને જણાવ્યું હતું કે, તેમની પુત્રી અંજલિ અને ચિંતન વચ્ચે છેલ્લા ચાર વર્ષથી પ્રેમ સંબંધ હતો. અંજલિ, ચિંતનને સાચો પ્રેમ કરતી હતી, પરંતુ ચિંતન તેનો માત્ર ઉપયોગ જ કરતો હતો. દક્ષાબેને જણાવ્યું કે ચિંતન અવારનવાર અંજલિને હેરાન કરતો હતો અને કોઈને કોઈ બહાનું કાઢીને લગ્ન ટાળતો હતો. આપઘાત કરતા પહેલાં પણ અંજલિએ ચિંતન સાથે 16 મિનિટ વાત કરી હતી. દક્ષાબેને ખુલાસો કર્યો કે ફિઝિયોનો અભ્યાસ કરતી અંજલિને ચિંતન મોડેલિંગ કરાવવા લાગ્યો હતો અને અંજલિના બેંક એકાઉન્ટનો ઉપયોગ પણ ચિંતન જ કરતો હતો. લગ્ન માટે ચિંતન ક્યારેય તેના પરિવારને અંજલિના ઘરે લાવ્યો ન હતો અને જ્યારે પણ લગ્નની વાત થતી ત્યારે તે પરિવારને મનાવી રહ્યો હોવાનું જણાવતો હતો. તેણે જાતિમાં ઊંચનીચ હોવાનું બહાનું પણ કાઢ્યું હતું. છેલ્લે, માતાની બીમારીનું બહાનું કાઢીને તેણે લગ્ન કર્યા ન હતા.

મોડેલ અંજલિ વરમોરાના કોલ ડિટેઈલની પ્રાથમિક તપાસમાં આપઘાત પહેલાંના અઢી કલાકમાં કુલ 23 કોલ હોવાનું સામે આવ્યું છે, જેમાં મિસકોલથી લઈને તેણે કરેલા કોલ પણ સામેલ છે. આ 23 કોલ્સમાંથી 12 કોલ ચિંતન અગ્રાવતના હતા. એમાં અંજલિએ તેની સાથે 16 મિનિટ વાત કરી હતી. ઉલ્લેખનીય છે કે, મૃતક અંજલિ વરમોરા અલગ-અલગ કંપનીઓ સાથે મોડેલિંગનું કામ કરતી હતી. તે સુરત અને અમદાવાદના અલગ-અલગ પ્રોજેક્ટ પર તે કામ કરતી હતી. જ્યારે શૂટિંગનું કામ હોય ત્યારે જ તે જતી હતી અને બાકીનો સમય તે ઘરે રહેતી હતી. એ જે કામ કરતી હતી એમાં પરિવારનો સંપૂર્ણ સપોર્ટ હતો. 

પિતાએ કહ્યું-વિદ્યાર્થીએ માર મારી ધમકી આપી હતી,FIR ન થાય ત્યાં સુધી મૃતદેહ નહીં સ્વીકારીએ

સુરતના સચિન માં સરસ્વતી સ્કુલ માં અભ્યાસ કરતો એક વિધાર્આએ બે દિવસમાં મારી નાખવાની ધમકી પણ આપી હતી. જેથી સચીન જીઇડીસી લક્ષ્મી વિલા વિસ્તારમાં એક 14 વર્ષીય ગુમ વિદ્યાર્થીનો તળાવમાંથી તરતી હાલતમાં મૃતદેહ મળી આવ્યો હતો. પરિવાર શોધખોળ કરી રહ્યું હતું પણ પત્તો લાગ્યો ન હતો. દરમિયાન પરિવારને પોતાના એકના એક દીકરા અંગે જાણ થતા ઘટનાસ્થળે દોડી ગયો હતો. જોકે આ ઘટનાને લઈને શંકા હોવાથી ફોરેન્સિક પોસ્ટમોર્ટમ પણ કરવામાં આવ્યું છે. જેથી તે સાયકલ લઈને નીકળી ગયો હતો અને તેનો મૃતદેહ તળાવમાંથી મળ્યો હતો. ત્યાં સુધી પ્રિન્સિપાલ અને માર મારનાર વિદ્યાર્થી વિરુદ્ધ ફરિયાદ દાખલ નહીં કરવામાં આવે ત્યાં સુધી મૃતદેહ સ્વીકારીશું નહીં.

પ્રિન્સિપાલ-શિક્ષકોએ ઘટના દબાવાનો પ્રયાસ કર્યો હતો રાત્રે પિતાએ ઘરે જતા મયંકની માતા રડતા હતા અને સ્કૂલમાં જે બન્યું તે તમામ હકીકત જણાવી હતી. સવાર પડતા જ પિતા આમોદભાઈ દીકરા મયંકની સ્કૂલ પર પહોંચ્યા હતા. જ્યાં પ્રિન્સિપાલને કહ્યું હતું કે શું ઘટના બની હતી. આ સાથે જે વિદ્યાર્થીએ માર માર્યો હતો તેને પણ બોલાવવામાં આવ્યો હતો. પહેલાં તો આ વિદ્યાર્થીએ તેણે મયંકને માર ન માર્યો હોવાનું જણાવ્યું હતું. જોકે અન્ય એક વિદ્યાર્થીને બોલાવવામાં આવતા ભૈરવ નામના વિદ્યાર્થીએ મયંકને માર માર્યો હોવાનું જણાવ્યું હતું. દરમિયાન પ્રિન્સિપાલ અને શિક્ષકો પણ આ ઘટનાને દબાવતા હોય તે પ્રકારનો પ્રયાસ કર્યો હતો.

ફરિયાદ ન નોંધાય ત્યાં સુધી મૃતદેહ સ્વીકારીશું નહીં પરિવારજનોને હજુ પણ શંકા હોવાથી પિતાએ કહ્યું હતું પાણીમાં તરતી હાલતમાં મૃતદેહ મળ્યો હતો છતાં પણ તેના મોઢામાંથી ફીણ નીકળી રહ્યા હતા અને તેના ગળા પર પણ નિશાન છે. જેથી અમને હજુ પણ શંકા છે. આ સાથે જ પ્રિન્સિપાલ અને મયંકને માર માર વિદ્યાર્થી ભૈરવ સામે ફરિયાદ દાખલ નહીં કરવામાં આવે અને અમને ન્યાય નહીં મળે ત્યાં સુધી મૃતદેહ સ્વીકારવામાં નહીં આવે. મયંક ના પિતા સાથે તેના પરિવારજનો અને સગા સંબંધીઓ પણ પોસ્ટમોર્ટમ રૂમ ખાતે એકઠા થયા હતા અને ન્યાય માટેની માગણી કરી હતી.

પિતાએ સીસીટીવી જોવાની માગ કરી હતી પરિવારજનો દ્વારા મુદ્દે સ્વીકારવાની મનાઈ કરવામાં આવતા સચિન જીઆઇડીસી પોલીસના પીઆઇ સહિતનો કાફલો દોડી આવ્યો હતો. સચિન જીઆઇડીસી પીઆઇ દ્વારા પરિવારને સમજાવવાનો પ્રયાસ કરવામાં આવ્યો હતો. આ સાથે જ સ્કૂલના સીસીટીવી પરિવારજનોને બતાવવામાં ન આવ્યો હોવાનું પણ જણાવવામાં આવ્યું હતું. જેથી પિતાએ કહ્યું હતું કે તમારામાંથી બે ચાર લોકો અમારી સાથે ચાલો અને આપણે સીસીટીવી જોઈ લઈએ.

આ બધા ઘટના ક્રમ માં જો યોગ્ય તપાસ કરવામાં આવે તો સ્કુલ પ્રશાસન ની લાપરવાહી સામે આવી જેમાં પરીવારજનો ને સીસી.ટીવી.ફૂટેજ ન બતાવી ને શંકાસ્પદ ઘટના ને હકકીત માં તબદીલ કરી દેવામાં આવી. જો વિધાર્થી બે દિવસ માં કશું કરવાનું કહ્યા અને કરી બતાવ્યું કે કરાવ્યું એ તપાસ પછી સામે આવશે. આ બધા પાછળ ક્યાં સંજોગોમાં ઘટના બની તે તપાસ નું વિષય છે.

સુરતના ઉધના વિસ્તારમાં આવેલી યુ-51 નંબરની સરકારી અનાજની દુકાનમાં પુરવઠા વિભાગના નિયમોની ધજાગરા ઉડાવી, તોલાદ અને હેલ્પર દ્વારા મોટા પાયે છેતરપિંડી આચરવામાં આવી હોવાનું સામે આવ્યું છે. પુરવઠા વિભાગે દુકાન પર દરોડા પાડીને 7.24 લાખની ગેરરીતિ પકડી પાડી હતી. આ મામલે પુરવઠા વિભાગે દુકાનના સંચાલક અલ્પેશ મનહર સોની અને તોલાદ સુનિલ શ્યામલાલ સુયલ વિરુદ્ધ પાંડેસરા પોલીસ સ્ટેશનમાં છેતરપિંડીની ફરિયાદ નોંધાવી છે.

તપાસમાં બહાર આવ્યું છે કે, સંચાલક અલ્પેશ સોની છેલ્લા બે મહિનાથી કેનેડામાં હોવા છતાં, તોલાદ સુનિલે તેની નકલી ફિંગર પ્રિન્ટનો ઉપયોગ કરીને સરકારી સોફ્ટવેરમાં લોગીન કરતો હતો અને ગ્રાહકોને અનાજ આપવાને બદલે મોટા પ્રમાણમાં અનાજનો જથ્થો સગેવગે કરી દીધો હતો.તપાસ દરમિયાન જાણવા મળ્યું કે, સંચાલકની ગેરહાજરીમાં તોલાદ સુનિલ અને હેલ્પર દ્વારા અનાજનું વિતરણ થતું હતું. સુનિલે સંચાલકની નકલી ફિંગર પ્રિન્ટ બનાવી હતી અને તેનો ઉપયોગ કરીને સોફ્ટવેરમાં લોગીન કરતો હતો. ગ્રાહકોના ફિંગર પ્રિન્ટ લઈને રસીદો કાઢવામાં આવતી, પરંતુ તે ગ્રાહકને આપવાને બદલે અનાજ સગેવગે કરવામાં આવતું. તપાસમાં 221.500 કિલો ઘઉં, 123 કિલો ચોખા, 9.200 કિલો ખાંડ, 11 કિલો ચણા અને 139 કિલો તુવેર દાળની ઘટ મળી આવી, જેની કુલ કિંમત 6,29,250 હતી. આ ઉપરાંત, ખોટી રીતે 60,000 નું કમિશન પણ મેળવી લેવામાં આવ્યું હતું. પુરવઠા વિભાગના મામલતદાર આશિષ નાયકે ફરિયાદ નોંધાવતા પોલીસે વધુ તપાસ હાથ ધરી છે.

સરકારી અનાજની દુકાનમાં 7.24 લાખની છેતરપિંડી ઉધના ગાયત્રી સોસાયટી સ્થિત અમર રત્ન એપાર્ટમેન્ટમાં રહેતા અલ્પેશ સોનીએ પુરવઠા વિભાગમાંથી સરકારી અનાજની દુકાનનો પરવાનો મેળવી યુ-51 નંબરની દુકાન ચલાવતા હતા. સરકારી નિયમ મુજબ, અનાજ વિતરણ માટે સંચાલકે પુરવઠા વિભાગના સોફ્ટવેરમાં લોગીન કરવું અને લાભાર્થીના ફિંગર પ્રિન્ટ લઈને ફૂડ કુપન કાઢવી અનિવાર્ય છે. જોકે, યુ-51 નંબરની દુકાનમાં ગેરરીતિ ચાલતી હોવાની ફરિયાદને પગલે 23 જૂને પુરવઠા વિભાગની ટીમે દરોડા પાડ્યા હતા.

પુરવઠાના નિયમોની એસીતૈસી કરીને તોલાદ અને હેલ્પર દ્વારા ચલાવવામાં આવતી ઉધનામાં આવેલી યુ-51 નંબરની સરકારી અનાજની દુકાન પર પુરવઠા વિભાગે દરોડા પાડીને રૂ.7.24 લાખની છેતરપિંડી પકડી પાડી હતી. પુરવઠા વિભાગે સંચાલક અને તોલાદ વિરૂદ્ધ પાંડેસરા પોલીસમાં ફરિયાદ નોંધાવી છે.

ઉધના ગાયત્રી સોસાયટી ખાતે આવેલા અમર રત્ન એપાર્ટમેન્ટમાં રહેતા અલ્પેશ મનહર સોનીએ પુરવઠા વિભાગમાંથી સરકારી અનાજની દુકાનનો પરવાનો મેળવ્યો હતો. તેમને ઉધનામાં આવેલી યુ-51 નંબરની દુકાન ફાળવવામાં આવી છે. સરકારી અનાજમાં ગેરરીતિ ન થાય તે માટે સંચાલકે પુરવઠા વિભાગના સોફ્ટવેરમાં લોગીંન કરીને બાદમાં લાભાર્થીને અનાજ આપવાનું હોય છે. સાથે અનાજ આપતી વખતે લાભાર્થીના ફિંગર પ્રિન્ટીથી ફુડ કુપન કાઢીને અનાજ આપવાનું હોય છે.ઉધનાની યુ-51 નંબરની દુકાનમાં ગેરરીતિ ચાલતી હોવાની ફરિયાદને પગલે તા.23 જુન ના રોજ પુરવઠા વિભાગની ટીમે આ દુકાન પર દરોડા પાડ્યા હતા. અને તપાસ કરતા તોલાદ સુનિલ શ્યામલાલ સુયલ (રહે, જલારામનગર ગુ.હા. બોર્ડ પાંડેસરા) અને હેલ્પરની મદદથી અનાજનુ વિતરણ કરવામાં આવતું હતું. વિતરણ માટે સંચાલક ન હોવા છતાં તેની ફિંગર પ્રિન્ટના આધારે સરકારી સોફ્ટવેરમાં લોગીંન કરતો હતો. જ્યારે લાભાર્થીઓને અનાજ આપવા માટે ફિંગર પ્રિન્ટના આધારે ફુડ રસીદ કાઢતો હતો.આ રસીદ ગ્રાહકને આપવાને બદલે પોતાની રીતે અનાજ આપતો હતો. પુરવઠા વિભાગની ટીમે તપાસ કરતા તપાસ કરતા 221.500 કિલો ઘઉં, 123 કિલો ચોખા,9.200 કિલો ખાંડ, 11 કીલો ચણા અને 139 કિલો તુવેરની ઘટ મળી આવી હતી. આ રૂ.6,29,250ની કિંમતની અનાજે વગે કરી દીધું હતું. જ્યારે સરકાર પાસેથી ખોટી રીતે રૂ.60 હજારનું કમીશન લઇ લીધું હતું. બનાવ અંગે પુરવઠા વિભાગના મામલતદાર આશિષ નાયકે પાંડેસરા પોલીસમાં સંચાલક અલ્પેશ અને તાલોદ સુનિલ વિરૂદ્ધ રૂ.7,24,535ની છેતરપિંડીની ફરિયાદ નોધાવી છે.

સુરતના સચિન GIDC વિસ્તારમાં આવેલી એથર ઇન્ડસ્ટ્રીઝ સાથે 30.62 લાખની કિંમતના કેમિકલની ખરીદીમાં છેતરપિંડી આચરવામાં આવી હોવાનો કિસ્સો સામે આવ્યો છે. તેલંગાણા સ્થિત હર્મ્સ કેમિકલ પ્રાઇવેટ લિમિટેડ કંપનીના ડાયરેક્ટર કૃણાલ અશોક સિગ્તીયા અને તેમના પિતા અશોક મોહનલાલ સિગ્તીયા સામે સચિન GIDC પોલીસ સ્ટેશનમાં છેતરપિંડીની ફરિયાદ નોંધવામાં આવી છે.એથર ઇન્ડસ્ટ્રીઝના મેનેજર ડેનિશ નવીનચંદ્ર દોઢિયાવાલાએ નોંધાવેલી ફરિયાદ મુજબ, 7 નવેમ્બર 2020ના રોજ તેમને હૈદરાબાદના નાચારામ ઇન્ડસ્ટ્રિયલ એસ્ટેટમાં આવેલી હર્મ્સ કેમિકલના કૃણાલ અને અશોક સિગ્તીયાનો મેઇલ આવ્યો હતો, જેમાં કેમિકલના સેમ્પલ માંગવામાં આવ્યા હતા. સેમ્પલ પસંદ પડતા, આ પિતા-પુત્રે 6 જૂન 2021 સુધીમાં અલગ-અલગ ઓર્ડર આપીને કુલ 30,62,413ની કિંમતનું કેમિકલ મંગાવ્યું હતું. આ પેમેન્ટ 30 દિવસમાં કરવાનું હતું, પરંતુ સમય મર્યાદા પૂર્ણ થયા બાદ પણ પેમેન્ટ મળ્યું નહોતું. ઉઘરાણી કરતા પહેલા બહાના કાઢવામાં આવ્યા અને બાદમાં કુરિયર મારફતે ચેક મોકલ્યા હોવાનું જણાવ્યું, પરંતુ કુરિયર કંપનીમાં તપાસ કરતા આવા કોઈ ચેક આવ્યા ન હોવાનું માલુમ પડ્યું. વારંવારની ઉઘરાણી છતાં નાણાં ન મળતા અને નોટિસનો પણ જવાબ ન મળતા, ડેનિશે અંતે સચિન GIDC પોલીસમાં ઠગ પિતા-પુત્ર વિરુદ્ધ ફરિયાદ નોંધાવતા પોલીસે વધુ તપાસ હાથ ધરી છે.