નવી પ્રા. શાળાઓમાં ૨૦૩ વર્ગખંડો નિર્માણ પામશે: ૧૦,૦૦૦ વિદ્યાર્થીઓને ગુણવત્તાસભર શિક્ષણનો લાભ મળશે

માહિતી બ્યુરો-સુરત, રવિવાર: સુરત મહાનગરપાલિકાના સમગ્ર શિક્ષા વિભાગ અંતર્ગત રૂ. ૩પ.૪૭ કરોડના ખર્ચે મનપાના સાઉથ ઝોન-બી (કનકપુર), લિંબાયત, વરાછા-એ અને બી તેમજ રાંદેર ઝોનમાં સાકારિત થનાર ૭ નવી પ્રાથમિક શાળાઓનું ખાતમુહૂર્ત સાઉથ ઝોન-બી (કનકપુર)ના પીએમશ્રી પારડી કણદે પ્રાથમિક શાળા નં.૩૬૭ ખાતેથી મેયર શ્રી દક્ષેશ માવાણીની ઉપસ્થિતિમાં કેન્દ્રીય જળશક્તિમંત્રી સી.આર.પાટીલના હસ્તે કરવામાં આવ્યું હતું.
આ પ્રસંગે કેન્દ્રીય જળશક્તિમંત્રીશ્રીએ જણાવ્યું હતું કે, શિક્ષણ દરેક બાળકનો અધિકાર છે. ઝડપભેર સાકાર થનાર નવી પ્રાથમિક શાળાઓમાં બાળકોને ટેકનોલોજીના સંગમ સાથે જીવનલક્ષી શિક્ષણ મળશે. મનપાની શાળાઓમાં સ્માર્ટ શિક્ષણ પર ભાર આપવાના પ્રયાસોને આવકાર્યા હતા. કેન્દ્રીય મંત્રીશ્રીએ સચિનની શાળામાં છ વર્ષ સુધી અભ્યાસ કર્યો હોવાનું ગર્વભેર જણાવ્યું હતું.

સુરત મનપા વિકાસ કામોની વણઝાર સાથે વિશ્વમાં સૌથી ઝડપથી વિકસિત થઈ રહેલું ચોથા નંબરનું શહેર છે. જે આપણું ગૌરવ છે. આવનારા ૫૦ વર્ષના વિકાસના આયોજન સાથે સૂરત આગળ વધી રહ્યું છે. ટુંક સમયમાં બુલેટ તથા મેટ્રો રેલ્વેનો લાભ શહેરીજનોને મળશે એમ તેમણે ઉમેર્યું હતું. વધુમાં મંત્રીશ્રીએ જળસંચયનું મહત્વ જણાવી ‘જળ છે તો જીવન છે’ અને ‘જલ હે તો કલ હે’ સૂત્રને સાકાર કરવા માટે સૌને એપાર્ટમેન્ટમાંથી, પોતાના ઘરની અગાશીઓ તથા કોર્પોરેશનના બિલ્ડીંગોમાંથી પાણી જમીનમાં ઉતારવા માટેના પ્રયત્નો કરવાનો અનુરોધ કર્યો હતો. પાણીનો વિવેકપૂર્ણ ઉપયોગ થાય તે માટે બાળકોને નાનપણથી સંસ્કારો આપવાનો અનુરોધ કરી તેમણે સુરત મનપાના આઇકોનિક ઓફિસની વિશેષતા તથા અન્ય વિકાસકામોની સંક્ષિપ્ત માહિતી આપી હતી.
મેયરશ્રી દક્ષેશભાઈ માવાણીએ જણાવ્યું હતું કે, સૌના સહિયારા પ્રયાસોથી સુરત મહાનગરપાલિકા દેશભરમાં સ્વચ્છતા ક્ષેત્રે નવો મુકામ હાંસલ કર્યો છે. નગર પ્રાથમિક શિક્ષણ સમિતિની શાળાના અંદાજીત બે લાખ વિદ્યાર્થીઓ અભ્યાસ કરી રહ્યા છે. છેલ્લા વર્ષમાં ૬,૦૦૦ જેટલા વિદ્યાર્થીઓએ પ્રાઇવેટ શાળાઓમાંથી પાલિકાની શાળાઓમાં એડમિશન મેળવ્યું છે.
”વસુધૈવ કુટુંબકમ”ની વૈશ્વિક વિભાવનાને ચરિતાર્થ કરી દેશના વિવિધ રાજ્યમાંથી સુરતને પોતાની કર્મભૂમિ બનાવનાર લોકોના બાળકોને શિક્ષણ મળી રહે તે માટે મહાનગરપાલિકા દ્વારા ૬ ભાષામાં શિક્ષણ આપવામાં આવે છે. પાલિકાની તમામ શાળામાં સ્માર્ટ બોર્ડ સુવિધા ઉભી કરાઈ છે. આ વર્ષે ધોરણ-૧૦માં ૯૬% અને ધોરણ-૧ર માં ૯૪% રિઝલ્ટ સુમન શાળાના વિદ્યાર્થીઓએ પ્રાપ્ત કર્યુ હોવાનુ શ્રી માવાણીએ કહ્યું હતું.
ધારાસભ્ય શ્રી સંદિપભાઇ દેસાઈએ જણાવ્યું હતું કે, સુરત મહાનગરપાલિકા વિકાસના કામોમાં દેશભરમાં અગ્રેસર છે. સુરતમાં ડુમસ સી ફેસ, સુરત મહાનગરપાલિકાનું આઈકોનિક ઓફિસ બિલ્ડીંગ, તાપી રિવર ફ્રન્ટ,સુરત રેલ્વે સ્ટેશન, બુલેટ અને મેટ્રો રેલ પ્રોજેકટ જેવા કરોડોના મહત્વાકાંક્ષી વિકાસકામો ચાલી રહયા છે.
આ પ્રસંગે ડે.મેયર ડો નરેન્દ્ર પાટીલ, સ્થાયી સમિતિ અધ્યક્ષ રાજન પટેલ, કોર્પોરેટરો, પૂર્વ મેયર નિરંજન ઝાંઝમેરા, શહેર સંગઠન પ્રમુખ પરેશ પટેલ, નગર પ્રાથમિક સમિતિ અધ્યક્ષ રાજેન્દ્ર પટેલ, વિવિધ સમિતિના અધ્યક્ષો, મ્યુ. સભ્યો, શિક્ષકો, શહેરીજનો સહિત સામાજિક અગ્રણીઓ ઉપસ્થિત રહ્યા હતા.

સાઉથ ઝોન-બી (કનકપુર), લિંબાયત, વરાછા-એ અને બી તેમજ રાંદેર ઝોનમાં સાકાર થશે ૭ નવી પ્રા. શાળાઓ

૧) સાઉથ ઝોન-બી (કનકપુર )માં શાળા નં.૩૬૭ પીએમશ્રી પારડી કણદે પ્રા. શાળા, પારડી કણદે-સચિન-કનસાડ, પ૦ બેડ હોસ્પિટલની બાજુમાં, ૨) લિંબાયત ઝોનમાં શાળા નં. ૧૯પ અને ૧૦ર પ્લોટ નં.૧૬ર, ટી.પી.૪૧, ખોડલકૃપા સોસાયટી, સ્વસ્તિક સ્કવેર બિલ્ડીંગ સામે, નવાગામ શાકમાર્કેટ પાસે, નવાગામ
૩) લિંબાયત ઝોનમાં શાળા નં. ૬૩ , પ્લોટ નં.૧૩પ, જ્ઞાનસાગર વિદ્યાલય પાસે, શિવ પૂજન એપાર્ટમેન્ટ અને વૃંદાવન સોસાયટી પાસે,
૪) વરાછા-એ ઝોનમાં શાળા નં. ૯૪ અને ૯૬ બોમ્બે કોલોનીની બાજુમાં, કાપોદ્રા ચાર રસ્તા પાસે, વરાછા રોડ
૫) વરાછા-એ ઝોનમાં શાળા નં.૩૭પ , મુ.પો.સણીયા હેમાદ, નિશાળ ફળિયું, પાણીની ટાંકી પાસે,
૬) વરાછા-બી ઝોનમાં શાળા નં.૩૮૧ મુ.પો.વાલક
૭) રાંદેર ઝોનમાં શાળા નં.૩૧૯ , પ્લોટ નં.૧૭૩, ટી.પી.૧૪(પાલ) પાલ ગામ, સહિતની કુલ-૦૭ શાળામાં નવા બાંધકામમાં સાકારિત થનાર કુલ ર૦૩ ક્લાસરૂમ નિર્માણ પામશે અને અંદાજિત કુલ ૧૦,૦૦૦ વિદ્યાર્થીઓને શિક્ષણની સુવિધાનો લાભ મળશે.

અંકલેશ્વર, તા. ૮ જુલાઈ ૨૦૨૫ – પર્યાવરણના સંરક્ષણ અને સ્વચ્છતા પ્રત્યે જાગૃતિ ફેલાવવા માટે અતુલ ફાઉન્ડેશન, અંકલેશ્વર દ્વારા અતુલ કંપનીના પ્રાંગણમાં વૃક્ષારોપણ કાર્યક્રમ યોજવામાં આવ્યો હતો. આ પ્રસંગે અતુલ કંપનીના હેડ શ્રી શ્યામલ ડે, HR મેનેજર શ્રીમતી નમ્રતા મેડમ તથા શ્રી પ્રવીણ મોરે સરના હસ્તે વૃક્ષારોપણ કરવામાં આવ્યું.

આ કાર્યક્રમ “મેગા પ્લાન્ટેશન ડ્રાઇવ – સંજીવની” અંતર્ગત યોજાયો હતો, જેમાં સાત દિવસના ગાળામાં એક લાખથી વધુ વૃક્ષો વાવવાના લક્ષ્ય સાથે સમગ્ર આયોજન કરવામાં આવ્યું છે. આ અભિયાન ૨ જુલાઈથી ૮ જુલાઈ, ૨૦૨૫ સુધી ચાલશે.

અતુલ કંપનીના અંકલેશ્વર કેમ્પસમાં આ પ્રસંગે આંબો, લીમડો, જમરૂખ, સીતાફળ, સરગવો, કરમદા, સેતુર, પીપળો, રિઝર્વ ટી, ગુલમહોર વગેરે જેવા અનેક જાતના વૃક્ષોનું રોપણ કરવામાં આવ્યું હતું.

આ પ્રસંગે શ્રી સલીમ કડીવાલા, શ્રી જયેશભાઈ શુક્લા તેમજ કંપનીના કર્મચારીઓ અને સ્ટાફ સભ્યો મોટી સંખ્યામાં હાજર રહી કાર્યક્રમને ઉત્સાહપૂર્વક સફળ બનાવ્યો હતો.

પર્યાવરણ જાળવવા અને ઓક્સિજનનું પ્રમાણ વધારવા માટે આવા કાર્યક્રમો એક મહત્વપૂર્ણ પગલું છે. અતુલ ફાઉન્ડેશન દ્વારા આયોજિત આ કાર્યક્રમ પર્યાવરણીય જાગૃતિ માટે ઉત્તમ ઉદાહરણરૂપ બની રહેશે.

સુરત શહેર ગોવિંદા ઉત્સવ સમિતિ દ્વારા તારીખ 06/07/2025 રવિવારના રોજ પરમિટ ફોર્મનું વિતરણ કરાયું.

સુરત,જન્માષ્ટમી નો તહેવાર નજીક આવી રહ્યો છે ત્યારે જન્માષ્ટમીની તૈયારીઓ જોરશોર શરૂ કરી દેવાય છે. ત્યારે સુરત શહેર ગોવિંદા ઉત્સવ સમિતિ દ્વારા તારીખ 06/07/2025 રવિવારના રોજ કેન્દ્રીય જળ શક્તિ મંત્રીશ્રી સી. આર. પાટીલ સાહેબના અધ્યક્ષ સ્થાને 9, અંબાનગર, સોસયો સર્કલ સુરત ખાતે પ્રથમ મીટીંગ નું આયોજન કરાયું હતું. આ મીટીંગ શરૂ થતા પહેલા અમદાવાદ ખાતે થયેલ પ્લેન ક્રેશ દુર્ઘટનામાં મૃત્યુ પામેલા મૃતકો માટે બે મિનિટ મોન રાખી તેઓને શ્રદ્ધાંજલિ અર્પણ કરવામાં આવી હતી તે પછી સરવાનું મતે ગોવિંદા કાઢવાની 16 તારીખ નક્કી કરવામાં આવી હતી જેથી આગામી 16/08/2025 શનિવાર ના રોજ યોજાનાર મટકી ફોડ કાર્યક્રમના પરમિટ ફોર્મ નું વિતરણ કરવામાં આવ્યું હતું જે મિટિંગમાં સુરત શહેરના 136 ગોવિંદા મંડળો પૈકી 96 મંડળોને પરમિટ ફોર્મ આપવામાં આવ્યા હતા. આ મિટિંગમાં 250 જેટલા ગોવિંદા મંડળના પ્રમુખોએ હાજરી આપી હતી. તેમજ આ મિટિંગમાં માજી ઉપપ્રમુખ છોટુભાઈ પાટીલ અને કોર્પોરેટર કુણાલભાઈ સેલાર ઉપસ્થિત રહ્યા હતા વધુમાં જે ગોવિંદા મંડળો પરમિટ ફોર્મ લઈ જવાના બાકી હોય તેઓએ બીજો માળ, સંકલ્પ શોપિંગ કોમ્પલેક્ષ, અલથાણ ટેનામેન્ટ સુરત ખાતેથી મેળવી લેવા તેમજ આ વર્ષે ગત વર્ષ કરતા ગોવિંદા મંડળોમાં વધારો થાય તેવી શક્યતા દેખાઈ રહી છે. આ મિટિંગમાં ગોવિંદા ઉત્સવ સમિતિના પ્રમુખ ગણેશભાઈ તેમજ ગોવિંદા મંડળના આગેવાનો ઉપસ્થિત રહ્યા હતા.