સુરતના બે ભાઈએ સુરતથી કેદારનાથ સુધીની સાયકલ યાત્રાની શરૂઆત કરી છે. વિશ્વ સાયકલ દિવસે બે ભાઈ સનાતન ધર્મના સંદેશ સાથે કેદારનાથ સુધીની યાત્રા પર નીકળ્યા છે. જેઓ રસ્તામાં આવતા રોરકી, હરિદ્વાર, ઋષિકેશ, દેવપ્રયાગ, રુદ્રપ્રયાગ, ચોપતા, કર્ણપ્રયાગ, ગોપેશ્ર્વર, સોનપ્રયાગ મંદિરમાં દર્શન કરશે. બંને ભાઈનો સાયકલ પર જવાનો હેતુ સનાતમ ધર્મને આગળ વધારવાનો છે. 24 અને 26 વર્ષના બે ભાઈઓની સાયકલ યાત્રાસુરતમાં પર્વત પાટિયા વિસ્તારના મહાવીર નગરમાં રહેતા જયદિપ કથિરીયા (ઉંમર-24) અને ચિરાગ કથિરીયા (ઉંમર-26) વિશ્વ સાયકલ દિવસ નિમિતે બંને ભાઈ સુરતથી કેદારનાથ સાયકલ યાત્રા પર નીકળ્યા છે.

બંને ભાઈઓ દ્વારા સાયકલ પર જરૂરિયાતનો સામાન લગાવી દીધો હતો. 22થી 25 દિવસમાં યાત્રા પૂર્ણ કરવાનો અંદાજઆ બંને ભાઈઓની યાત્રા અંદાજિત 22-25 દિવસની રહેશે, તેવો અંદાજ લગાવ્યો છે. જેમાં વચ્ચે રસ્તામાં મંદિરના દર્શન કરશે. રસ્તામાં આવતા રોરકી, હરિદ્વાર, ઋષિકેશ, દેવપ્રયાગ, રુદ્રપ્રયાગ, ચોપતા, કર્ણપ્રયાગ, ગોપેશ્ર્વર, સોનપ્રયાગ મંદિરમાં દર્શન કરશે. બંને ભાઈનો સાયકલ પર જવાનો હેતુ સનાતમ ધર્મને આગળ વધારવાનો છે.

સુરત ચોક બજાર પોલીસે MD ડ્રગ્સ સાથે એક યુવકને ઝડપી પાડયો છે.વેડ દરવાજા નજીક પોલીસ વાહન ચેકીંગની કામગીરી કરી રહી હતી દરમ્યાન પોલીસે શંકાસ્પદ જણાતા યુવાનને ઝડપી પાડી તેની પાસેથી 93,200ની કિંમતનો 9.32 ગ્રામ એમ.ડી ડ્રગ્સ જથ્થો કબજે કરી કાયદેસરની કાર્યવાહી હાથધરી હતી.

શહેરના ચોકબજાર પોલીસ સ્ટેશનના સર્વેલન્સ સ્ટાફ વેડ દરવાજા નજીક વાહન ચેકીંગ કરી હતી. તે દરમિયાન વેડ દરવાજા બ્રિજ નીચથી એક યુવાન આવી રહ્યો હતો અને તેની હિલચાલ શંકાસ્પદ જણાતા પોલીસે તેને અટકાવવાનો પ્રયાસ કર્યો હતો. પરંતુ યુવાને ભાગવાનો પ્રયાસ કરતા પોલીસે દોટ લગાવીને પકડી લઇ તેની પૂછપરછ કરી હતી. જેમાં પોતાનું નામ શોહેબ ઉર્ફે શોહેબ વાનર કમર ખાન (ઉ.વ. 22 રહે. લાલમીયા મસ્જિદ પાસે, કાકરા મહોલ્લો, રામપુરા, લાલગેટ અને મૂળ. લલોવલી, જી. ફતેપુર, યુ.પી) હોવાનું અને તેની અંગ જડતી કરતા 9.32 ગ્રામ એમ.ડી ડ્રગ્સ કિંમત રૂ. 93,200 તથા એક આઇફોન મળી આવ્યો હતો. પોલીસે ડ્રગ્સ અને ફોન મળી કુલ રૂ. 1.28 લાખનો મુદ્દામાલ કબ્જે લઇ કાયદેસરની કાર્યવાહી હાથ ધરી હતી.

સુરતમાં હજી ચોમાસુ શરૂ થાય તે પહેલાં જ રાંદેર ઝોનના બોટનિકલ ગાર્ડન નજીક આવેલા પાલિકાના ગરીબ ( ઈ ડબ્લ્યુ) આવાસના લાભાર્થીઓની હાલત ચોમાસા પહેલા જ કફોડી થઈ રહી છે. છેલ્લા એક મહિનાથી આ કેમ્પસમાં ડ્રેનેજ ઉભરાઈ રહી છે અને આઠથી વધુ ફરિયાદ થઈ છે તેમ છતાં પરિણામ શૂન્ય છે. છેલ્લા એક અઠવાડિયાથી આ કેમ્પસમાં ડ્રેનેજના પાણી ભરાયેલા હોવાથી 256 જેટલા પરિવારોના આરોગ્ય સામે ખતરો તોળાઇ રહ્યો છે. અનેક ફરિયાદ બાદ સમસ્યાનો હલ ન આવતાં લોકોમાં ભારે રોષ જોવા મળી રહ્યો છે. ગરીબ આવાસમાં રહેતા લોકો કહે છે છેલ્લા એક મહિનાથી અહીની ડ્રેનેજના  ચેમ્બરમાંથી પાણી ઉભરાતું હતું અને બે ચાર દિવસમાં સુકાઈ જતું હતું. પરંતુ આઠેક  દિવસથી અહી ગટરના ગંદા પાણીનું તળાવ બની ગયું છે અને લોકોએ આ ગંદા પાણીમાંથી જવું પડી રહ્યું છે. કેમ્પસમાં બાળકો છે તેઓ પણ નીચે ઉતરે છે ત્યારે તેમની મુશ્કેલી પણ વધી રહી છે. એક અઠવાડિયાથી ગંદુ પાણી ભરાયું હોવાથી લોકોનું આરોગ્ય બગડી રહ્યું છે. આગામી દિવસોમાં વરસાદ આવશે એટલે સ્થિતિ વધુ બગડી જાય તેવી શક્યતા નકારી શકાતી નથી. વારંવાર ફરિયાદ બાદ પણ જો આ સ્થિતિમાં સુધારો ન આવે તો અનેક લોકો બીમાર પડી શકે તેવી ભીતિ છે.

સુરત પાલિકામાં હાલમાં પ્રિમોન્સુન કામગીરી સામે અનેક પ્રશ્નો ઉઠી રહ્યા છે.અનેક જગ્યાએ પ્રિમોન્સુન કામગીરી નબળી હોવાથી લોકોને મુશ્કેલી પડે તેવું કહેવાય રહ્યું છે. આવી ભીતિ વચ્ચે હાલમાં રાંદેર ઝોનના બોટનિકલ ગાર્ડન નજીક શ્રીજી નગરી સામે બનેલા પાલિકાના રહીશોની હાલત હાલ જ ખરાબ થઈ ગઈ છે. આ ગરીબ આવાસના કેમ્પસમાં 16 બિલ્ડીંગ છે અને 256 પરિવારો વસવાટ કરે છે. પરંતુ છેલ્લા એક મહિનાથી આ લાભાર્થીઓની હાલત કફોડી થઈ રહી છે.  કેમ્પસમાં એક મહિનાથી ડ્રેનેજ ઉભરાઈ રહી છે. અને તેમાં પણ છેલ્લા એક સપ્તાહથી તો કેમ્પસમાં ગંદા પાણીનો ભરાવો થયો છે. સ્થાનિક રહીશો અત્યાર સુધીમાં આઠ કરતાં વધુ વખત ફરિયાદ કરી ચુક્યા છે પરંતુ કોઈ પરિણામ આવતું નથી. ચુંટાયેલા પ્રતિનિધિ કે પાલિકા કર્મચારીઓ પ્રશ્નનો ઉકેલ ન કરતા સ્થાનિકોએ માજી વિપક્ષી નેતા બાબુ કાપડીયાને રજુઆત કરી છે. તેઓએ પાલિકાના અધિકારીઓને રહીશોની હાલત જણાવી છે. છેલ્લા એક સપ્તાહથી ગરીબ આવાસના કેમ્પસમાં ગંદા પાણીનો ભરાવો થયો હોવાથી રોગચાળો ફેલાય તેવી ભીતિ હોવાની વાત કરી છે અને  સમસ્યાનો હલ કરવા માટે રજુઆત કરી  છે.

સુરતનું એક માત્ર હરવા ફરવાના સ્થળ એવા ડુમસ સી ફેઝ ડેવલપમેન્ટ માટે લાંબા સમયથી આયોજન થતું હતું. પરંતુ સી ફેઝ ડેવલપમેન્ટ માટેની જગ્યા પાલિકા, સરકારી અને ફોરેસ્ટ વિભાગની હોવાથી આયોજન શક્ય બન્યું ન હતી. પરંતુ સંકલન થતાં હવે પાલિકાને ડેવલપમેન્ટ માટે જગ્યા પણ મળવાનું શરુ થઈ જતાં હવે સી ફેઝ ડેવલપમેન્ટ ફાઇલ માંથી બહાર આવી રહ્યો છે અને હવે પહેલા તબક્કાના ડુમસ સી ફેઝ ડેવલપમેન્ટ ના પહેલા ફેઝના કામગીરી માટે 176.70 કરોડની ઓફર પણ પાલિકાને મળી ગઈ છે. સુરતના ડુમસ સી ફેઝ ડેવલપમેન્ટ માટે પાલિકાને ટીપી સ્કીમ હેઠળ 1.22 લાખ ચોરસ મીટર સરકારી જગ્યા નો કબજો મળી ગયો છે. આ ઉપરાંત હાલમાં 120 મીટરના ડી.પી. રોડ માટેની લાઈન દોરી પણ સૂચિત કરી દેવામાં આવી છે. આ જગ્યાએ ડીપી રસ્તા પૈકીની કેટલીક જગ્યાનો કબજો પણ પાલિકાને મળી ગયો છે જેના કારણે પહેલા તબક્કાના સી ફેઝ ડેવલપમેન્ટ માટે નો પાલિકાનો રસ્તો ખુલ્લો થઈ ગયો છે. 

સુરત પાલિકાએ પહેલા તબક્કાના સી ફેઝ ડેવલપમેન્ટ માટે પાલિકાએ વિકાસની કામગીરી માટે 137 કરોડનો અંદાજ નક્કી કર્યો હતો. પાલિકાએ આ માટે ટેન્ડર જાહેર કર્યા બાદ હાલમાં પાલિકાને પહેલા તબક્કાના પ્રોજેક્ટ માટે 176.70 કરોડની ઓફર મળી છે. સુરત પાલિકા તંત્ર અને પદાધિકારીઓ સાથે ચુંટાયેલા પ્રતિનિધિઓ પણ  ડુમસ સી ફેઝ ડેવલપમેન્ટ માટે ઉત્સુક છે તેના કારણે હવે ફાઈલમાં દબાયેલો આ પ્રોજેક્ટ તબક્કાવાર આગળ વધી રહ્યો છે. પાલિકાએ ટેન્ડર બહાર પાડ્યા હતા તેમાંથી બે એજન્સી ની ઓફર મળી છે. જેમાં વડોદરાની ક્યુબ કન્સ્ટ્રક્શને પાલિકાએ 184.45ક  કરોડની ઓફર કરી છે જ્યારે સુરતની એમ.બી. બાબરીયાએ પાલિકાને લોએસ્ટ ઓફર એટલે 176.70 કરોડની ઓફર કરી છે.  પહેલા તબક્કામાં રીક્રીએશન કંસ્ટ્રક્શન અને ઇકો ટુરિઝમ ડેવલપમેન્ટની કામગીરી સાથે સાથે પાંચ વર્ષના મેઈન્ટેનન્સ ની જવાબદારી સાથેની ઓફર પાલિકાએ મંગાવી હતી.આગામી નજીકના દિવસોમાં આ ઓફર અંગે નિર્ણય કરશે.

લિંબાયત નિલગીરી ફાટક પાસે રૂક્મણીનગરમાં દિકરીને ત્યાં રહેતા 105 વર્ષીય મથુરાબેન સોમાભાઈ તાયડે થોડો સમય પહેલા તેઓ પુત્રીને ત્યાં રહેવા માટે આવ્યા હતા. 105 વર્ષની ઉમરે પણ મથુરાબેન યુવાનોને પણ શરમાવે તેવી રીતે સ્વાસ્થ્ય ધરાવતાં હતા. ગુરૂવારે બપોરે જમીને તેમણે પોતાના વાસણ જાતે ધોયા બાદ પાણી પહેલા માળેથી નીચે ફેંકતા હાઈટેન્શન લાઈન પર પાણી પડતા તેમને કરંટ લાગ્યો હતો. તેઓ ગંભીર રીતે દાઝી જતાં તેમને સારવાર માટે સિવિલ હોસ્પિટલ બર્ન્સ વોર્ડમાં દાખલ કરાયા હતા. જ્યાં સારવાર દરમ્યાન શનિવારે સવારે તેમનું મોત નિપજ્યું હતું. બનાવ અંગે લિંબાયત પોલીસે અકસ્માત મોતની નોંધ કરી તપાસ શરૂ કરી છે.

પાંડેસરાના ચીકુવાડી વિસ્તારમાં નોવા કોમ્પલેક્ષ ખાતે રહેતો જીજ્ઞેશકુમાર અનિલકુમાર દુબે (19) તે જ કોમ્પ્લેક્સ ખાતે ઈલેક્ટ્રિક રિપેરીંગની દુકાનમાં કામ કરતો હતો. શુક્રવારે બપોરે જીજ્ઞેશ બાઈક લઈ દુકાનનો સામાન લેવા માટે નીકળ્યો હતો. દરમિયાન જીજ્ઞેશ ખટોદરા કોમલ સર્કલ પાસેથી પોતાની બાઈક લઈ પસાર થતો હતો.ત્યારે પુરપાટ ઝડપે પસાર થતા એક BRTS બસના ચાલકે તેને અડફેટમાં લઈ લીધો હતો. જેને કારણે લોહીલુહાણ થઈ રસ્તા પર ઢળી પડ્યા હતા. ગંભીર રીતે ઘવાયેલા જીજ્ઞેશને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યો હતો. જ્યાં તેના હાથના ભાગે ગંભીર ઈજા જણાતા તેને ઓર્થો વોર્ડમાં સારવાર માટે દાખલ કરવામાં આવ્યો છે. બનાવ અંગે ખટોદરા પોલીસે તપાસ શરૂ કરી છે.

નર્મદ યુનિવર્સિટીમાં છેલ્લા બે વર્ષમાં મોટા પ્રમાણમાં બાંધકામ કરવામાં આવેલ છે. અને કેટલાક પ્રોજેકટો પૂર્ણ થઇ ગયા છે. અને અમુક પ્રોજેકટો પણ કામ ચાલી રહ્યુ છે. આ પ્રોજેકટોને લઇને સેનેટ સભ્ય ભાવેશ રબારીએ કુલપતિ અને રાજયપાલને પણ ફરિયાદ કરી હતી. જેમાં આ પ્રોજેકટોમાં મોટાભાગના કામો માત્ર તિરૃપતિ કન્સલ્ટન્સીને આપવામાં આવે છે. આ કંપની દ્વારા હિન્દી, સંસ્કૃત ભવન, ગેસ્ટ હાઉસ અને ગર્લ્સ હોસ્ટેલના ત્રણ પ્રોજેકટો પર કામ કરી રહી છે. અને લાયબ્રેરી બિલ્ડીંગ અને યુટીલીટી બિલ્ડીંગનું કામ પણ આ એજન્સીને સોંપવામાં આવ્યુ છે. સેનેટ સભ્યે ત્યાં સુધી આક્ષેપ કર્યા છે કે યુનિવર્સિટી દ્વારા હિસાબી વર્ષ પૂર્ણ થાય તે પહેલા જ કરેલા કામ કરતા લાખો રૃપિયા વધારે ચૂકવી આપ્યા હતા. તેમ છતા આ એજન્સીએ છેલ્લા ઘણા સમયથી બન્ને પ્રોજેકટમાં પોતાનું કામ બંધ કરી દીધુ છે. તેને બચાવવા માટે કેટલાક એજન્ટો પણ સક્રિય થયા છે.

તેમજ યુનિવર્સિટીના ઇતિહાસમાં પ્રથમ વખત એક જ તિરૃપતિ કન્સલ્ટન્સી કંપની  દ્વારા  પાંચ જેટલા પ્રોજેકટો એક સાથે ૧૭ કરોડના ખર્ચે ટેન્ડરની શરતો વિરુદ્ર  કામ કરી રહી હોય ત્યારે  યુનિવર્સિટીએ નિષ્ણાંત વ્યકિતઓ પાસે આ બાબતે તપાસ કરાવવી જોઇએ. સેનેટ સભ્યની આ આક્ષેપિત ફરિયાદના પગલે રાજયપાલ ભવનમાંથી સેકશન ઓફિસર આર.કે તિવારી દ્વારા આ બાબતે યોગ્ય કાર્યવાહી સારુ રાજય સરકારના અગ્ર સચિવ ( ઉચ્ચ અને ટેકનિકલ શિક્ષણ ) શિક્ષણ વિભાગ ગાંધીનગર રવાના કરાઇ છે. આથી આગામી દિવસોમાં તપાસ થશે.

સેનેટ સભ્ય ભાવેશ રબારીની ફરિયાદને લઇને નર્મદ યુનિવર્સિટી દ્વારા જણાવવામાં આવ્યુ છે કે આ ફરિયાદ તદન ખોટી છે. હિસાબી વર્ષ પૂર્ણ થાય તે પહેલા જે લાખો રૃપિયા ચૂકવ્યા છે. તે વાત ખોટી છે. હકીકતમાં યુનિવર્સિટી દ્વારા આ એજન્સીને કામ સોપ્યા બાદ શંકા જતા મશીન લાવીને તપાસ કરતા જે બાધકામ થતુ હતુ. તેની મજબુતાઇ ધારાધોરણ મુજબ ના હતી. આથી એજન્સીએ નહીં પરંતુ યુનિવર્સિટીએ છેલ્લા બે મહિનાથી કામ બંધ કરાવી દીધુ છે. અને જે જગ્યાએ સામાન હતો ત્યાં લોક પણ મારી દીધુ છે. તેમજ ગુણવતાયુકત કામગીરી નહીં કરતા જયાં સુધી ધારાધોરણ મુજબ બાંધકામ થશે નહીં ત્યાં સુધી પેમેન્ટ અટકાવ્યુ છે. 

યોગદિન નિમિત્તે ભારત જ નહી, પરંતુ સમગ્ર વિશ્વના અનેક દેશોમાં વ્યાપક કાર્યક્રમો કરીને લોકો યોગદિનની ઉજવણી કરે છે. રાજ્યના દરેક નાગરિકને સ્વસ્થ જીવનશૈલી અને નિરોગી જીવન જીવવા માટે પ્રોત્સાહિત કરવા તથા લોકોમાં યોગ પ્રત્યે જાગૃત્તિ આવે તે માટે સૌ કોઈ યોગમાં જોડાય તેવા પ્રયાસો કરવામાં આવી રહ્યા છે.આગામી નવમો આંતરરાષ્ટ્રીય યોગ દિનનો રાજયકક્ષાનો કાર્યક્રમ સુરતના આંગણે યોજાનાર છે, ત્યારે 1.25 લાખથી વધુ લોકો એક સાથે યોગદિનમાં જોડાશે. વિશ્વને ભારતીય સંસ્કૃતિની દેન સમી યોગવિદ્યા આજે વૈશ્વિક સ્તરે સ્વીકૃતિ પામી છે, ત્યારે આગામી તા.21મી જૂન- આંતરરાષ્ટ્રીય યોગદિનની રાજયકક્ષાની ઉજવણી સુરત ખાતે થનાર છે. જેના આયોજનના ભાગરૂપે યુવા, સાંસ્કૃતિક, રમતગમત અને ગૃહ વિભાગના રાજ્યમંત્રી હર્ષ સંઘવીના અધ્યક્ષસ્થાને સુરત ખાતે બેઠક યોજાઈ હતી.

​​​​​​​સુરતમાં યોગદિન ખાસ બની રહે તે માટે કોઈ મેદાનના બદલે આઈકોનિક એવા વાય જંકશન પર ત્રણેય બાજુએ 5 કિલોમીટર સુધીના રસ્તા પર યોગની ઉજવણી થાય તે માટેનું આયોજન કરવા સંબધિત અધિકારીઓને મંત્રીએ સૂચના આપી હતી. સુરતથી એક મેસેજ સમગ્ર વિશ્વમાં પહોંચે અને ઘરે-ઘરે લોકો યોગ કરતા થાય તે માટે કાર્ય કરવાની હિમાયત કરી હતી. આ ઉજવણીમાં અલગ-અલગ બ્લોક વિભાજન કરીને બાળકો, સગર્ભા મહિલાઓ, દિવ્યાંગો, ઋષિઓની વેશભૂષા, પરિધાન સાથે લોકો યોગમય થશે.

સુરતના સગરામપુરા વિસ્તારમાં આવેલા ક્ષેત્રપાલ હનુમાન મંદિરના 52 વર્ષીય મહંત રાકેશનાથ મહારાજનું મોડી રાત્રે હાર્ટ એટેકના કારણે નિધન થયું હતું. મહંતને છેલ્લા બે-ત્રણ દિવસથી ખાનગી હોસ્પિટલમાં દાખલ કર્યા હતા. આ દરમિયાન છાતીમાં દુખાવા બાદ અચાનક મોત થતા ભક્તોમાં પણ શોકનો લાગણી ફેલાઈ ગઈ છે. જ્યારે મહંતના અંતિમ સંસ્કાર આગામી સોમવારે પુત્ર અમેરિકાથી આવ્યા બાદ કરવામાં આવશે.રાકેશનાથ મહારાજના પિતા પહેલા ક્ષેત્રપાલ હનુમાન મંદિરના મહંત હતા. ત્યારબાદ તેમનું નિધન થતાં પુત્ર રાકેશનાથ મહારાજ મહંત બન્યા હતા. જેમને બે પુત્રો છે. પ્રતિક મહારાજ હાલ ક્ષેત્રપાલ મંદિરમાં જ મહંત છે જ્યારે નાનો પુત્ર અમેરિકામાં રહે છે. 52 વર્ષીય રાકેશનાથ મહારાજનું નિધન થતાં તેમના મૃતદેહને કોલ્ડ સ્ટોરેજ રાખવામાં આવ્યો છે. નાનો પુત્ર અમેરિકાથી આવ્યા બાદ આગામી સોમવારે અંતિમ સંસ્કાર કરવામાં આવશે.

સુરતમાં સંકટમોચનના સૌથી પૌરાણિક મંદિર સગરામપુરા વિસ્તારમાં 350 વર્ષો જૂનું હનુમાનજીનું ક્ષેત્રપાલ દાદાનું મંદિર આવેલું છે. સંકટમોચન હનુમાન ક્ષેત્રપાલ સ્વરૂપે સ્વયંભૂ બિરાજમાન થયા છે. હનુમાનજી સાથે કાલ ભૈરવદાદા અને શ્રી બટુક ભૈરવનું સ્વયંભૂ પ્રાગટય થયું. આ સાથે ક્ષેત્રપાળ ભૈરવની સ્થાપના કરવામાં આવી. અહીંની ક્ષેત્રપાળ હનુમાન સાથે કાલભૈરવ અને શ્રી બટુક ભૈરવની સ્વયંભૂ પ્રતિમા સંપૂર્ણ સિંદુરમાં જોવા જોવા મળી છે. દૂરથી અહીં ભકતો દર્શન માટે આવે છે.સંકટ મોચન આ ક્ષેત્રપાલ દાદા ભક્તોની પોતાની મનોકામના પૂર્ણ કરે છે.અનેક ભક્તો પોતાની બાધા અને માનતા માનવા અહીં આવે છે.ખાસ કરીને શનિ અને મંગળવારે ભક્તોની ભારે ભીડ જોવા મળે છે. ક્ષેત્રપાલ દાદાના આ મંદિરની સાથે ભગવાન શિવનું મંદિર પણ આવ્યું છે.સાથે ભગવાન શનિદેવનું મંદિર પણ બનાવ્યું છે. ભક્તો ક્ષેત્રપાળ દાદાના દર્શન કરી ભોલેનાથ અને શનિદેવના દર્શન કરી ધન્યતા અનુભવે છે.

સુરત, સુરત જિલ્લા રોજગાર કચેરી, નર્મદ યુનિ. અને લોકલ વોકલ ફાઉન્ડેશનના સંયુક્ત ઉપક્રમે તા.૦૬/૦૬/૨૦૨૩ ના રોજ સવારે ૧૦:૦૦ વાગ્યે વીર નર્મદ યુનિવર્સિટી ખાતે શ્રીમદ્ રાજચંદ્ર પ્રાર્થના હોલમાં રોજગાર ભરતી મેળો યોજાશે. યુનિ. કુલપતિશ્રી ડૉ.કિશોરસિંહ ચાવડાના સહયોગ અને માર્ગદર્શનમાં આયોજિત આ જોબ ફેરમાં ટાટા કન્સલ્ટન્સી સર્વિસીસ(TCS), ICICI બેન્ક, GTPL સર્વિસ લિ. જના ફાયનાન્સ બેન્ક જેવી ૫૦થી પણ વધુ નામાંકિત કંપનીઓમાં ૭૦૦ થી વધારે ખાલી જગ્યાઓ માટે ઉમેદવારોની ભરતી કરવામાં આવશે. B.com, M.com, B.B.A., M.B.A., B.Tech, M.Tech, B.C.A., MC.A. અભ્યાસક્રમના રોજગારવાંચ્છુ વિદ્યાર્થીઓ-યુવાનો માટે રોજગારી મેળવવાની સુવર્ણ તક છે. જેથી વધુને વધુ યુવાનો આ ભરતી મેળાનો લાભ લે એમ યુનિ. કુલસચિવશ્રીની યાદીમાં જણાવાયું છે.