સુરત, ઓલપાડ પોલીસ સ્ટેસનની સાયણ ચોકીની હદમાં દિન પ્રતિદિન ગંભીર પ્રકારના ગુના બની રહ્યા છે ત્યારે ગુરૂવારન ૩૧ /૦૫/૨૩ ની રાત્રે ફરીવાર યુવકની હત્યા થવાની ઘટનાએ પોલીસ દોડતી થઈ હતી. ઘટનાની વિગતવાર હકીકત મુજબ મૂળ ભાલિયાપલ્લી પોસ્ટ જગમોહન જિલ્લો ગંજામ ઓરિસ્સા અને હાલ રસૂલાબાદ સોસાયટી, સાયણ ખાતે રહેતો રોહિત રામચંદ્ર બહેરા યુ.વ 40 એ ઓરિસ્સા પોતાના વતન જઈને છ દિવસ પહેલા સાયણ ગામે પરત આવેલો. ત્યારે રોહિત અને તેના મિત્ર ટુકુના ઉર્ફે ઓમ દુર્યા બહેરા ઉ.વ ૩૦ તથા તેનો ભાઈ નંદા ઉર્ફે રામ દુર્યા બહેરા ઉ.વ 33 બન્નેવ મૂળ રહે ગૌડિયાબોરડા સાઈ મહોલ્લા થાના બુગુડા ગંજામ ઓરિસ્સા હાલ રહે દેલાડ ગામ ગણેશ ઈન્ડસ્ટ્રી બાપા સીતારામ ટેક્ષટાઇલની રૂમમાં જેઓ ત્રણેવ કારખાનામાં સાથે કામ કરતાં હતા. ત્યારે ગત તારીખ 31 મે ના રોજ બપોરના સમયે ટુકુના અને નંદા એ બનેવ ભાઈ કારખાનામાં રૂમમાં આરામ કરતાં હતા ત્યારે રોહિત તેના અન્ય મિત્ર સાથે તેમના રૂમ પર આવી બન્નેવ ભાઈને ઊંધમાથી જગાડી ડેટા ઉંઘ બગાડવા બાબતે તેઓ વચ્ચે બોલાચાલી થઈ હતી.

દિવસે થયેલી બોલાચાલી બાદ તેજ રાત્રિના સાડા આંઠેક વાગ્યાના સુમારે રોહિત અને ટુકુના તથા નંદા ખેતરારી રસ્તા પર ભેગા થતાં તેઓ વચ્ચે ફરી બોલાચાલી સાથે જગડો થતાં ટુકુના ઉર્ફે ઓમ બહેરાએ સંચા મશીનમાં વપરાતો ફટકો રોહિતના માથાના ભાગે મારી જમીન પર પાડી દીધા બાદ નંદા બહેરા એ તેની પાસે રાખેલા ચપ્પુથી રોહિતના ગળાના ભાગે ઘા કરી જીવલેણ ઇજા પહોચાડી બન્નેવ હત્યારા ભાઈ ઘટના સ્થળથી ભાગી છૂટેલા. જયારે ચ્પ્પુના ઘા થી ગંભીર રીતે ઘવાયેલા રોહિતનું સારવાર દરમિયાન મોત થતાં ઓલપાડ પોલીસે હત્યા મુજબનો ગુનો નોંધી તપાસ હાથ ધરી બન્નેવ હત્યારા ભાઈઓને સાયણ વિસ્તાર માથી પકડી પાડી વધુ પૂછતાછ કરતાં તેઓએ હત્યાના ગુનાની કબૂલાત કરી હતી.

સુરતના પ્રસિદ્ધ શ્રી ક્ષેત્રપાલ હનુમાન મંદિરના મહંત રાકેશનાથજી મહારાજનું હાર્ટ એટેકના કારણે નિધન થયું છે. અંતિમ દર્શન માટે મોટી સંખ્યામાં ભક્તો તેમના નિવાસસ્થાને પહોંચ્યા હતા. રાકેશનાથજી મહારાજના અંતિમ સંસ્કાર સોમવારે (તા. 05/06/2023) કરવામાં આવી હતી. તેમની અંતિમયાત્રા તેમના નિવાસસ્થાનથી શરૂ થઈ અને ક્ષેત્રપાલ મંદિર સાગરપુર થઈને રામનાથ ઘેલા ઉમરા સ્મશાનભૂમિ પહોંચી. સોમવારે (તા. 05/06/2023) તેમના મૃતદેહ પંચમહાભૂતમાં વિલીન થયા.ક્ષેત્રપાળ હનુમાન દાદાના મંદિરના મહંત રાકેશનાથજી મહારાજનું ગત શનિવારના રોજ નિધન થયું છે. તેઓની તબિયત લથડતા તેઓ બે-ત્રણ દિવસથી હોસ્પિટલમાં સારવાર હેઠળ હતા. અહીં શનિવારના રોજ 52 વર્ષની વયે તેઓને હાર્ટ એટેક આવતા તેઓનું નિધન થયું હતું. તેઓના નિધનના પગલે સમગ્ર દક્ષિણ પથંકમાં રહેતા અનુયાયીઓમાં શોકની કાલિમા છવાઈ ગયી હતી.

સુરત શહેરના અડાજણ-પાલ ખાતે પાલનપુર ગાર્ડનમાં ફરવા ગયેલા રત્નકલાકાર અને તેના મિત્રોને નકલી પોલીસે પાલ પોલીસમાં હોવાની ઓળખ આપી કહ્યું કે તમે ગાંજોનું સેવન કરો છો એમ કહી પોલીસ સ્ટેશને લઈ જવાની ધમકી આપી 3 હજાર પડાવી લીધા હતા. રત્નકલાકારના મિત્રએ મોબાઇલમાં ઘટનાનો વિડીયો ઉતારી લીધો હતો. આ વિડીયો રત્નકલાકારે પાલ પોલીસમાં જઈ બતાવતા બન્ને ઠગનો ભાંડો ફુટી ગયો હતો.

પાલનપુર જકાતાનાકા પાસે રહેતા 24 વર્ષીય રત્નકલાકાર ભાવેશ બરોડીયા તેના 3 મિત્રો સાથે ગાર્ડનમાં ગયો હતો. દરમિયાનમાં બે શખ્સોએ ખાનગી કપડામાં ગાર્ડનમાં આવી અમે પાલ પોલીસ સ્ટેશનના ડિસ્ટાફમાં નોકરી કરીએ છીએ, અહીં કેમ બેઠા છો, તમે ગાંજાનું સેવન કરો છો, એમ કહી ગાળો આપી પાલ પોલીસ સ્ટેશને લઈ જવાની ધમકી આપી હતી. રત્નકલાકારે બન્ને શખ્સો પાસે આઈકાર્ડ માંગતા તે પણ આપ્યો ન હતો. બન્ને શખ્સો પૈકી એકનું નામ સાનીલ અને બીજાનું દીપક આપ્યું હતું. પાલ પોલીસે વિડીયોના આધારે ગુનો દાખલ કરી સાનીલ કમલેશ કઠોરવાલા(22)(રહે,ગોપાલ પાર્ક સોસા, પાલનપુર પાટિયા, રાંદેર) અને દીપક નાનજી બારીયા(22)(રહે, સાગર એપાર્ટ, પાલનપુર પાટિયા, રાંદેર)ની ધરપકડ કરી છે. અગાઉ સાનીલે લોકરક્ષળદળની પરીક્ષા પણ આપી હતી. જેમાં તે ફેઇલ થયો હતો.

સુરત ના ડિંડોલી વિસ્તારમાં રહેતી એક યુવતીને જીમમાં કસરત દરમિયાન એક યુવક સાથે મુલાકાત થઈ હતી. 7-8 વર્ષ પહેલા 25 વર્ષની આસપાસની વયની મહિલા સાથે પરિચય થયો હતો. યુવક પોતાની માતાને લઈને જીમમાં આવતો હતો. માતા જીમ કરતી હતી દરમિયાન યુવતી સાથે તેનો પરિચય થયો હતો અને વાત સોશિયલ મીડિયા દ્વારા ચેટિંગ સુધી પહોંચી ગઈ હતી. આ દરમિયાન યુવકે તેને બિઝનેશ શરુ કરવાની વાતો કરી હતી. આમ બંનેએ ધંધો શરુ કરવાની લાલચની જાળમાં ફસાવી પૈસા પડાવી લીધા હતા. વાત આગળ જતા પરિણીત યુવતી સાથે શારીરિક સંબંધ બળજબરી પૂર્વક બાંધ્યા હતા. આરોપી યુવકે પરિણીત યુવતીને પોતાની જાળમાં ફસાવીને કાર અને સોનાના દાગીના પર લોન લેવડાવી હતી. જે લોનની રકમથી બિઝનેશ શરુ કરવાની વાતો કરી હતી. આરોપી યુવકે પૈસા પડાવી લીધા બાદ લોનના હપ્તા ભરવાનુ બંધ કરી દીધુ હતુ અને જેને લઈ યુવતીએ ઉઘરાણી શરુ કરતા જ યુવકે તેને પોતાના ઘરે આ અંગે બોલાવી હતી. જ્યાં તેણે પરિણીતા પર બળજબરી આચરી હતી.

પરિણીતાએ પોતાના નામે બે કાર ઉપર લોન લઈને તેમજ ઘરેણાં ઉપર લોન લીધી હતી. જેના બેંકના હપ્તા ભરવાનું આરોપી યુવક ઈશ્વર પટેલે બંધ કરી દીધેલ જેથી પરિણીતાએ ફોન કરીને તેને બેન્કના કાર લોનના હપ્તા ભરવાનું જણાવ્યુ હતુ. આરોપી ઈશ્વરે યુવતીને પોતાના ઘરે બોલાવી ફ્લેટનો દરવાજો બંધ કરી દીધો હતો. બાદમાં પરિણીતાની મરજી વિરુદ્ધ બળજબરી કરી શારીરિક સંબંધ બાંધ્યો હતો. જે અંગે ડિંડોલી પોલીસે સ્ટેશને ફરિયાદ નોંધાતા પોલીસે આરોપીને ઝડપી થઈને વધુ કાર્યવાહી હાથ ધરી છે. યુવતીને બ્લેકમેલ કરી અવારનવાર તેના ઘરે જઈ તેના પતિની ગેરહાજરીમાં બળજબરી કરી શારીરિક સંબંધ બાંધતો રહ્યો હતો. સાથે જ તેને રૂપિયા નહીં આપે તો તેના પતિને જાણ કરી બદનામ કરી દેવાની ધમકી આપી હતી. ત્યારબાદ એક દિવસ આરોપી ઈશ્વર ગોપાલ પટેલ ઉર્ફે વિક્રમ રાણા (ઉવ.32, ધંધો- હિરા ઘસવાનો રહે-E/204 સ્વસ્તિક લેક એપાર્ટમેન્ટ, SMC ગાર્ડન પાસે ડીંડોલી સુરત) પીડિતાના પતિની ગેરહાજરીમાં તેના ઘરે ગયેલ અને પીડિતાની દીકરીને જોઈ જતા તેની ઉપર પણ દાનત ખરાબ કરી હતી. આખરે કંટાળી જઈ પીડિતાએ તેના પતિને જાણ કરતા ડીંડોલી પોલીસને ફરીયાદ કરી હતી.

સુરત શહેરના સરથાણા વિસ્તારમાં છ વર્ષીય માસૂમ બાળકી નિરાધાર બનવાની હદયદ્રાવક ઘટના સામે આવી છે. સરથાણામાં રત્નકલાકારે પુત્રીને સુવડાવી ફાંસો ખાઈ લીધો હતો. મુળ ભાવનગરના અને અગાઉ લંબેહનુમાન રોડ રેણુકાભવન પાસે રહેતા ધર્મેન્દ્ર વ્રજલાલ રાઠોડ(40) અગાઉ હીરાના કારખાનામાં કામ કરતા હતા. તેમના પત્નીનું અગાઉ અવસાન થઈ ગયું હતું. શનિવારે તેઓ તેમની 6 વર્ષીય દીકરી નેન્સી (ઉં.વ. 6) સાથે વતનથી સુરત આવ્યા હતા અને સારોલી બીઆરટીએસથી વનમાળી જંક્શન બીઆરટીએસ બસ સ્ટેન્ડની વચ્ચે કેનાલની બાજુમાં આંબાના ઝાડ પાસે રાત્રે આશરો લીધો હતો. રાત્રે દીકરી નેન્સીને સુવડાવી દીધા બાદ ધર્મેન્દ્રભાઈએ પોતે આંબાના ઝાડની ડાળી સાથે દોરી વડે ફાંસો ખાધો હતો. મોર્નિંગ વોક કરવા માટે નીકળેલા લોકોની નજર પડતા તેમણે પોલીસને જાણ કરી હતી. પોલીસે દીકરીની પુછપરછ કરતા તેણે તેની માતાનું અગાઉ અવસાન થઈ ગયું હોવાનું તેમજ શનિવારે જ વતનથી સુરત આવ્યા હોવાનું અને પિતા હીરાના કારખાનામાં કામ કરવા માટે જવાના હોવાનું જણાવ્યું હતું. જોકે, પિતાએ ક્યાં કારણસર આપઘાતનું પગલું ભર્યું તે પોલીસ જાણી શકી ન હતી. ધર્મેન્દ્રભાઈ પાસે એક ડાયરી મળી આવી હતી. જેમાં તેમણે `હું મારી રીતે જાઉ છુ, કોઈનો વાંક નથી કોઈને હેરાન કરતા નહી` તેવી સ્યુસાઈડ નોટ લખી હતી. બનાવ અંગે સરથાણા પોલીસે વધુ તપાસ હાથ ધરી છે.

6 વર્ષની માસૂમ દીકરી નેન્સીએ માતા ગુમાવ્યા બાદ પિતાએ આપઘાત કરી લેતા અનાથ બની ગઈ હતી. નેન્સી માતા- પિતા સિવાય પોતાના કે પરિવારના અન્ય સભ્યો વિશે વધુ કાંઈ જાણતી નથી. માતા-પિતાના મૃત્યુ બાદ હવે માસૂમ નેન્સીનું શું થશે? એવી ચર્ચા ઘટનાસ્થળે હાજર લોકોમાં થવા સાથે આઘાતની લાગણી જોવા મળી હતી. હાલ તો એકાએક નોંધારી બનેલી આ નાનકડી બાળા નેન્સીને પોલીસે પોતાની પાસે રાખી લીધી છે. ‘શી’ ટીમ તેણીની સાર-સંભાળ રાખી રહી છે. મૃતક ધર્મેન્દ્ર પાસેથી મળેલા આધારકાર્ડના સરનામે પોલીસે તપાસ કરાતા ત્યાં કોઈ મળ્યું ન હતું. પરંતુ તેના એક વર્ષના પુત્રને દત્તક લેનારા જૂનાગઢ વિસાવદરના ભટ્ટ પરિવારની માહિતી મળી હતી. જેથી લોકોને પોલીસે અપીલ કરી છે કે આ બાળકીના વાલીવારસને જાણતા હોય તો સરથાણા પોલીસને જાણ કરવા વિનંતી. જો બાળકીના વાલી વારસ નહીં મળે તો આગળની કાર્યવાહી કરાશે.

6 વર્ષની દીકરી નેન્સી નિરાધાર બનતા સરથાણા પોલીસના મહિલા PSI બીડી મારુ માસૂમ દીકરીને પોતાની સાથે લઈ આવ્યા હતા. જ્યાં તેને પ્રેમપૂર્વક જતન કરવાની શરુઆત કરી હતી. મહિલા અધિકારીએ દીકરીને પ્રેમપૂર્વક પોતાની સાથે રાખીને તેને પોતાની સાથે રાખી જતન કરી રહ્યા છે. જેથી સરથાણા પોલીસ પાસે હાલ માસૂમ દીકરી છે. આખો દિવસ પોલીસ સ્ટેશનનો સ્ટાફ યશોદા બન્યો હોય તે રીતે બાળકીનું લાલન પાલન કર્યું હતું. બાદમાં રાત્રિના સમયે પીએસઆઈ બી.ડી. મારું બાળકીને પોતાના ઘરે લઈ ગયા હતાં. જ્યાં તેણીને નવડાવી ધોવડાવી, જમાડીને બીજે દિવસે વળી પોતાની સાથે પોલીસ સ્ટેશન લઈ આવ્યાં હતાં. હાલ પોલીસ સ્ટેશનનો સમગ્ર સ્ટાફ બાળકીને કંઈ ઓછું ન આવે તેનું ધ્યાન રાખી રહ્યો છે.

ડુમસ દરિયા કિનારાના વિસ્તારને વિકસવાના મહત્વાકાંક્ષી પ્રોજેક્ટ સી-ફેસ ડેવલપમેન્ટ હવે ધીમે ધીમે આગળ ધપી રહ્યો છે. પાલિકાના સિટી ઇજનેર સેલ દ્વારા ટેન્ડર જારી કરવામાં આવ્યા બાદ બે એજન્સીઓએ ઇકો-ટુરિઝમ ડેવલપમેન્ટ માટે રસ દાખવ્યો હતો અને બંને એજન્સીઓએ પોતપોતાની ઓફર પાલિકાને આપી હતી. ટેન્ડર આવી ગયા બાદ સ્ક્રુટીની ડોક્યુમેન્ટ વેરિફિકેશનમાં જ દોઢ મહિનો વિતી ગયો છે ત્યારે બંને એજન્સીઓ ક્વોલિફાઇડ થઈ ગઈ છે.

હવે આગામી દિવસોમાં સ્થાયી સમિતિ એજન્સી નક્કી કરવાથી લઈ સુધારાને આખરી ઓપ આપશે. શાસકોએ મંજૂર કરેલા 137.72 કરોડના અંદાજ કરતાં પણ આવેલી ઓફરમાં 39 કરોડ વધી ગયા છે. ઈકો-ટુરિઝમ કમ્પોનેન્ટસ અને 5 વર્ષ ઓપરેશન માટે એપ્રિલમાં ટેન્ડર મૂકાયા હતાં, જેમાં બે એજન્સી દોઢ મહિના બાદ ક્વોલિફાઇ થઈ છે. આ પૈકી લોએસ્ટ-1 એમ.પી. બારિયા, વડોદરાની 176.70 કરોડ તથા ક્યુબ કન્સ્ટ્રક્શન, સુરતની 184.45 કરોડની ઓફર મળી છે.

સુરત, તાપી નદીના ભાઠા ગામની દક્ષિણે નદીમાં હાથથી રેતી કાઢવાની મંજુરી આપી હોવા છતાં ભરતીના સમયે કેટલાક લોકો ગેરકાયદે ડ્રેજિગ કરીને મોટાપાયે રેતીખનન કરી રહ્યા હોવાની સ્થાનિક રૃંઢ મગદલ્લાના માછીમારોએ જિલ્લા કલેકટરને ફરિયાદ કરી છે. કઠોરથી શરૃ થતી તાપી નદીમાં રેતી કાઢવા પર પ્રતિબંધ હોવા છતાં કેટલાક રેતી માફિયાઓ દ્વારા ભૂસ્તર વિભાગની નજર ચૂકવીને જયારે પણ તક મળે છે ત્યારે મસમોટા બાજ કે નાવડી લઇને તાપી નદીમાં ડ્રેંજિગ કરી રહ્યા છે. આવી ફરિયાદો ભૂસ્તરશાસ્ત્રીને મળતા ચારેબાજુ ચેકપોસ્ટ બનાવીને વોચ ગોઠવવાની શરૃઆત કરી છે. તેમ છતાં કેટલાક રેતી માફિયાઓએ ચોરીછુપીથી રેતીખનની પ્રવૃતિ ચાલુ જ રાખી છે.

તાજેતરમાં જ રૃંઢ મંગદલ્લાના માછીમારોએ જિલ્લા કલેકટરને આવેદનપત્ર પાઠવીને ફરિયાદ કરી છે કે, તાપી નદીના પટમાં કેટલાકને હાથથી રેતી કાઢવાની મંજુરી આપી છે. તેમ છતાં ભાઠા ગામની દક્ષિણે તાપી નદીના કિનારે ૫૦૦ મીટર જેટલા વિસ્તારમાં ગેરકાયદે ૧૫૦ હોર્સ પાવરના એન્જીન ધરાવતા ડ્રેજર મશીનો મુકીને બાજમાં રેતી નાંખીને કિનારે પાઇપ લાઇન થકી રેતીનો વેપલો કરી રહ્યા છે. આ સ્થળે લગભગ ૩૫ થી વધુ ટ્રકો રેતી લેવા માટે ઉભેલી હોય છે. આ રેતી માફિયાઓ ભરતીના આજુબાજુના સમયે બાજ, નાવડીમાં ડ્રેજર મશીનો મુકીને આવે છે. અને પાછા રેતી ભરીને ચાલ્યા જાય છે. માછીમારોએ ગુગલ અને ડ્રોનથી લીધેલી તસ્વીરો પણ જિલ્લા કલેકટર સમક્ષ રજુ કરી છે. આથી આ બાબતે તપાસ કરીને રેતીચોરો સામે કાર્યવાહી કરવાની માંગ કરાઇ છે.

પાંડેસરા ની સોસાયટી નજીક ખુલ્લા મેદાનમાં પખવાડિયા અગાઉ પૈસાની લેતી દેતીમાં થયેલા લાકડાના ફટકાર તથા ઢિક મુક્કી નો બેરહમીપૂર્વક માર નો ભોગ બનેલા યુવકનું સારવાર દરમિયાન મોત. 15 દિવસ પહેલા રૂપિયાની લેતીદેતીમાં કાપડ દલાલ યુવકને મધરાત્રે ઢોર માર મારવામાં આવ્યો હતો. જેથી સારવાર માટે નજીકની હસ્પિટલમાં ખસેડાયો હતો. જો કે, સારવાર દરમિયાન ગત મોડી રાત્રિએ કાપડ દલાલનું મોત નીપજ્યું છે. આ સમગ્ર ઘટના નજીકમાં લાગેલા સીસીટીવીમાં કેદ થઈ ગઈ છે. બીજી તરફ પોલીસે આ ગુનામાં ગત 26 મેના રોજ મારામારીનો ગુનો નોંધી પાંચ આરોપીઓની ધરપકડ કરી લાજપોર જેલ મોકલી આપ્યા છે ત્યારે યુવકનું મોત થતા આ કેસમાં હત્યાના ગુનાનો ઉમેરો કરી તપાસ હાથ ધરી છે. માર મારનાર મૃતકના પાંચ મિત્રો હાલ લાજપોર જેલ માં છે.

સુરતના પાંડેસરા વિસ્તારમાં આવેલ આવિર્ભાવ સોસાયટીમાં રહેતા 31 વર્ષીય પંકજ મગનલાલ અગ્રવાલ(ઉ.વ. ૩૧ રહે. આર્વીભાવ સોસાયટી, પિયુષ પોઇન્ટ, પાંડેસરા) કાપડની દલાલીનું કામ કરતો હતો. પંકજે સોનુ નામના તેના મિત્ર પાસેથી કેટલાક રૂપિયા ઊછીના રૂપિયા લીધા હતા ત્યારે પંદર દિવસ પહેલા રૂપિયાની લેતીદેતીમાં સોનુ અને પંકજ બંને યુવકો વચ્ચે ઝઘડો થયો હતો. રૂપિયાની ઊઘરાણી માટે સોનુ તેના મિત્રોને લઈને કાપડ દલાલ પંકજના ઘર પાસે આવ્યો હતો અને રૂપિયાની ઉઘરાણી કરી હતી. આ દરમિયાન સોનુ સહિત તેના સાત મિત્રો મળી કાપડ દલાલ પંકજને ઢોર માર મારી ભાગી છુટ્યા હતા. જેમાં પંકજને તેના મિત્રોએ લાકડાના ફટકા તથા ઢીકમુક્કીનો બેરહમીપૂર્વક માર માર્યો હતો. ઇજાગ્રસ્ત પંકજને તુરંત જ સારવાર માટે નવી સિવિલ હોસ્પિટલમાં દાખલ કરવામાં આવ્યો હતો. ઘટનાને પગલે પાંડેસરા પોલીસે પંકજને માર મારનાર તેના મિત્ર અશોક ઉર્ફે સોનુ રાધેશ્યામ દિક્ષીત (ઉ.વ.૨૯ ૨હે. દીનદયાલનગર, પાંડેસરા), ક્રિષ્ણા ઉર્ફે લાલુ પોપટ ખરે (ઉ.વ.૨૦), મોહન બાકુ સોનવણે (ઉ.વ.૨૦) અને ફિરોઝ શુભરાતી મન્સુરી (ઉ.વ.૧૯ ત્રણેય રહે. નાગસેન નગર, પાંડેસરા), યોગેશ કાશીનાથ નિકુંબે (ઉ.વ.૨૭ રહે. ઇન્દિરાનગર, પાંડેસરા) વિરૂધ્ધ હત્યાના પ્રયાસનો ગુનો નોંધી ધરપકડ કરી હતી. જેથી પંકજને સારવાર માટે નજીકની ખાનગી હોસ્પિટલમાં ખસેડાયો હતો ત્યારે 15 દિવસની સારવાર બાદ પંકજ અગ્રવાલનું ગત મોડી રાત્રિએ મોત થયું હતું. મૃતકના પાંચ મિત્રો હાલ લાજપોર જેલ માં છે. સારવાર દરમિયાન મોત થતા પોલીસે હત્યા ની કલમનો ઉમેરો કરવાની તાજવીજ હાથ ધરી છે.

આ ઘટનાને પગલે ACP ઝેડ આર દેસાઈએ જણાવ્યું હતું કે, ગયા મહિનાની તારીખ 19 અને 20 ની મધરાત્રીએ કાપડની દલાલી કરનાર પંકજ અને સોનું નામના ઈસમ સાથે રૂપિયાની લેવડદેવડની બબાલ થઈ હતી ત્યારે મધરાત્રિએ સોનુએ પોતાના સાગરીતો સાથે પંકજને માર માર્યો હતો. આ બાબતની રજૂઆત પંકજના પિતાએ ગત 26 મેના રોજ પાંડેસરા પોલીસ મથકમાં કરી હતી અને જણાવ્યું હતું કે, રૂપિયાની લેવડદેવડમાં મારામારી કરવામાં આવી છે. જેના આધારે પાંડેસરા પોલીસે 326નો ગુનો દાખલ કરી સોનુ અને તેના અન્ય ચાર સાગરિતો મળી પાંચ આરોપીની ધરપકડ કરી હતી. ઝેડ આર દેસાઈએ વધુમાં જણાવ્યું હતું કે, કાપડ દલાલ પંકજની સારવાર દરમિયાન ગઈ રાત્રિએ મોત નીપજ્યું છે. સોનુ અને તેના મિત્રો દ્વારા પંકજને માર મારવામાં આવતા સારવાર દરમિયાન તેનું મોત નીપજ્યું હોવાનું જાણવા મળ્યું છે. જેથી પોલીસે હત્યાની કલમ-302નો ઉમેરો કર્યો છે. પોલીસની ઇન્વિસ્ટીગેશન દરમિયાન જાણવા મળ્યું છે કે, કુલ સાત જેટલા આરોપીઓએ પંકજને માર માર્યો હતો. જેમાંથી પોલીસે પાંચની ધરપકડ કરીને લાજપોર જેલ મોકલ્યા છે. અન્ય બે આરોપીઓની ધરપકડ બાકી છે, તેમને પકડવા માટે પોલીસની જુદી-જુદી ટીમો કામે લાગી છે અને આ ગુનામાં વધુ તપાસ કરી રહી છે.

સુરત શહર ના ભેસ્તાન વિસ્તારમાં થી અજીબો ગરીબ ઘટના સામે આવી છે. ભેસ્તાનના બાલાજી કોમ્પલેક્ષ નજીક સંગમ સોસાયટીમાં રહેતા અને કડિયા કામ કરતા દત્તુ ગિરિધર પાટીલ એ બે મહિના અગાઉ સચિન વિસ્તારમાં લાલાભાઇ સાથે કામ કર્યું હતું. પાટીલે કડિયા કામના રૂપિયા 35,000 લાલાભાઇને સમયસર આપ્યા ના હતા. જેથી લાલાભાઇએ મજદૂર સંઘ સમક્ષ ફરિયાદ કરતા સંઘએ બંને વચ્ચે સમાધાન કરાવી દર મહિને 5000 રૂપિયા ચૂકવવા ના આદેશ કર્યો હતો.

આદેશ મુજબ દત્તુએ ₹15,000 ચૂકવી દીધા હતા પરંતુ સમય તારે લાલાભાઇ ઉઘરાણી કરવા ઘરે આવી ગાલા ગાલી કરતો હતો. દરમિયાન દત્તુ ગતરોજ ભેસ્તાન વિસ્તારમાં કડિયા કામે ગયો હતો અને પરત આવ્યો ન હતો પરંતુ વેકેશનમાં ઘરે આવેલી પરિણીતી પુત્રીને દત્તુએ કોલ કરી લાલાભાઇ મને રૂપિયા માટે ઉપાડીને રાજપીપળા લઈ જાય છે ત્યારે લાલાએ ફોન પર વાત કરી ધમકી આપી હતી કે તત્કાલ રૂપિયા આપો અથવા કોઈપણ રીતે મને આપો નહીં તો તમારા બાપના હાથ પગ ભાંગી નાખીશ. ત્યારબાદ ચાર થી પાંચ વખત કોલ કરી કાલે સવારે દસ વાગ્યા સુધીમાં રૂપિયા નહીં આપો તો તમારા બાપને કાપીને ફેંકી દઈશ તેવી ધમકી આપી હતી. જેથી તેના પુત્ર તુષારે તુરંત જ પાંડેસરા પોલીસને જાણ કરતા પોલીસ દોડતી થઈ ગઈ હતી. દત્તુની શોધ ખોળ કરતાં પોલીસએ ગુજરાત મધ્યપ્રદેશની બોર્ડર ના આબાજ ગામ પહોંચી હતી અને દત્તુને મુક્ત કરાવી અપહરણકાર લાલસિંહ વાદળીયા ઝુમરા ની ધરપકડ કરી હતી. જે કે પોલીસ પૂછપરછમાં દત્તુએ સ્વેચ્છાએ બાઈક ઉપર લાલસીંગ સાથે આવ્યો હોવાની કબુલાત કરતા પોલીસ પણ ચોકી ગઈ હતી.

વરાછાની વી-૩૨ નંબરનો દુકાનદાર ગરીબોના હકના અનાજ પર તરાપ મારી ઘઉં-ચોખાનો જથ્થો બારોબાર સગેવગે કરતા ઝડપાતા ફોજદારી ગુનો દાખલ કરવામાં આવ્યો છે. દુકાનદાર બંસીલાલ ખોઈવાલ સરકારી અનાજ અન્ય ગૂણમાં ટ્રાન્સફર કરી વેચી દેતો હતો. વ્યાજબી ભાવના દુકાનદારો યેનકેન પ્રકારે રેશનકાર્ડ ધારકોને ઓછું અનાજ આપી ઉપકલનું અનાજ બારોબાર વેચી પોતાના ગજવા ભરી રહીયો હતો. શહેરના અલગ અલગ વિસ્તારના દુકાનદારો ઓછું અનાજ આપતા હોવાની ફરિયાદ બારમ બાર આવતી રહે છે. ત્યારે આવા અનાજમાફિયાની સાન ઠેકાણે લાવવા માટે સુરત જિલ્લા પુરવઠા અધિકારી નીતિન સાવલિયાએ કાયદાનો કોરડો ઉગામ્યો છે. સરકારી અનાજ સગેવગે કરનારાઓ સામે એક પછી એક પોલીસ ફરિયાદ નોંધાવવાનો આરંભ કરતા અનાજ બારોબાર વેચી દેતાં દુકાનદારોમાં ફફડાટ વ્યાપી ગયો છે.

હાલમાં વરાછાના વ્યાજબી ભાવના દુકાનદાર વી-૩૨નો એક વીડિયો વાયરલ થયો હતો. આ વીડિયોમાં દુકાનદાર સરકારી અનાજ સગેવગે કરી રહ્યો હોવાનું જણાય રહ્યું હતું. જેને પગલે પુરવઠા અધિકારીએ તાત્કાલિક અસરથી તપાસનો આદેશ જારી કર્યો હતો. તેમજ તપાસના અંતે વી-૩૨ નંબરનો દુકાનદાર કસૂરવાર ઠરતા તેની સામે પોલીસ ફરિયાદ નોંધાવવામાં આવી હતી. વરાછા પોલીસ મથકમાં બંસીલાલ છોગાજી ખોઈવાર અને સરકારી અનાજ ખરીદનાર રાજેશ ખટીક LA સામે ગુનો નોંધવામાં આવ્યો હતો.