સુરત, સુરત ના પાંડેસરા ખાતે બનેલ હત્યાની ઘટના બાબત માં પાંડેસરા પુલીસ ઘટના માં સામેલ લોકો ના ધરપકડ કરવામાં આવેલ. પાંડેસરામાં થયેલી હ-ત્યાનો ભેદ ઉકેલાયો.મૃતક અને આરોપીઓ વચ્ચે ઝ-ઘડો થયા બાદ હ-ત્યા કરાઈ, પાંડેસરા પોલીસે બે આરોપીઓની ધરપકડ કરી ધિરજ ઉર્ફે કડવા રમેશચંદ્ર ઉપાધ્યાય અને અક્ષય સંજય કામત બંને આરોપીઓ વિરુદ્ધ ગુનો નોંધી આગળની કાર્યવાહી હાથ ધરાઈ.
Surat,એસીબી સુરતના આસિસ્ટન્ટ ડાયરેકટર આર. આર. ચૌધરીએ જણાવ્યું હતું કે, આ મિલકત તેમની કાયદેસરની કુલ આવક કરતાં 62.13% જેટલી વધુ છે, જેની રકમ 1,02,46,949 થાય છે. સરકાર તરફથી બી.ડી. રાઠવા, પોલીસ ઇન્સ્પેક્ટર, નવસારી ACB પોલીસ સ્ટેશન દ્વારા ફરિયાદ દાખલ કરવામાં આવી હતી. આ ફરિયાદના આધારે નવસારી ACB પોલીસ સ્ટેશનમાં મુજબ ભ્રષ્ટાચાર નિવારણ અધિનિયમ, 1988ની કલમ 13(1)ઇ ગુનો નોંધાયો છે. ACB દ્વારા આક્ષેપિત સંદિપ મધુકર ખોપકરની 24 નવેમ્બરનાના રોજ ધરપકડ કરવામાં આવી છે.
આક્ષેપિત સંદિપ મધુકર ખોપકર તત્કાલીન મદદનીશ ભૂસ્તરશાસ્ત્રી (વર્ગ-2) તરીકે નવસારી વિભાગમાં ફરજ બજાવતા હતા. હાલમાં નિવૃત્ત છે અને વડોદરાના માંજલપુર વિસ્તારમાં બી-71, આમ્રપાલી સોસાયટીમાં રહે છે. ACBની તપાસમાં જણાયું છે કે, સંદિપ ખોપકરે 1 જાન્યુઆરી, 2009થી 30 નવેમ્બર, 2018 સુધીના પોતાના રાજ્ય સેવક તરીકેના કાર્યકાળ દરમિયાન જાહેર સેવક તરીકે મળેલ સત્તાનો દુરુપયોગ કર્યો હતો. તેમણે આર્થિક ફાયદા માટે ગેરકાયદેસર રીતે નાણાં મેળવ્યા અને તેનું રોકાણ સ્થાવર-જંગમ મિલકતોમાં કરી અપ્રમાણસર મિલકત વસાવી હતી.
અમદાવાદમાં નરોડા પોલીસે બિયરનો જથ્થો લઈને આવી રહેલી મહિલાઓને પકડવા પીછો કર્યો હતો. ત્યારે મહિલાઓ પોલીસથી બચવા રિક્ષામાં નાસી રહી હતી. અચાનક રિક્ષા ઊભી રાખીને મહિલાઓએ પોલીસની હાજરીમાં રોડ પર બિયરની બોટલો ફેંકી હતી. પોલીસથી બચવા દારૂનો મહિલાઓએ જાતે જ નાશ કરી દીધો હતો. આ અંગે પોલીસે મહિલાઓ સામે ગુનો નોધી તપાસ હાથ ધરી છે.મહિલાઓનો બિયરની બોટલો ફેંકતો વીડિયો પણ વાઇરલ થયો છે, જેમાં તેમણે પોલીસને બીભત્સ ગાળો પણ આપી રહી હતી. જાહેર રોડ લઈ બિયરની બોટલો ફેંકતાં રોડ પર બિયરનો જથ્થો પડ્યો હતો. એના કારણે પોલીસને રોડ પરથી બિયરનો જથ્થો હટાવવાની ફરજ પડી હતી.
સ્થળ: અમદાવાદ, નરોડા વિસ્તાર.
ઘટના: નરોડા પોલીસે બિયરનો જથ્થો લઈને આવી રહેલી મહિલાઓને પકડવા પીછો કર્યો હતો.
મહિલાઓની કાર્યવાહી: પોલીસથી બચવા મહિલાઓ રિક્ષામાં નાસી રહી હતી. તેમણે અચાનક રિક્ષા ઊભી રાખીને પોલીસની હાજરીમાં રોડ પર બિયરની બોટલો ફેંકી દીધી હતી, જેનાથી દારૂનો જથ્થો જાતે જ નાશ પામ્યો.
વાયરલ વીડિયો: આ ઘટનાનો વીડિયો પણ વાયરલ થયો છે, જેમાં મહિલાઓ પોલીસને બીભત્સ ગાળો આપી રહી હતી.
અસર: જાહેર રોડ પર બિયરની બોટલો ફેંકાતા રોડ પર જથ્થો પડ્યો હતો, જેને કારણે પોલીસને તે જથ્થો હટાવવાની ફરજ પડી હતી.
પોલીસની કાર્યવાહી: પોલીસે મહિલાઓ સામે ગુનો નોંધી આગળની તપાસ હાથ ધરી છે.
મુખ્યમંત્રી શ્રી ભુપેન્દ્ર પટેલના માર્ગદર્શનમાં અને આરોગ્ય મંત્રી શ્રી પ્રફુલ પાનશેરીયાના નેતૃત્વમાં આરોગ્ય વિભાગ દ્વારા સરકારી યોજનામાં ગેરરીતિ આચરતી હોસ્પિટલો સામે સતત કડક કાર્યવાહી હાથ ધરવામાં આવી રહી છે. જે અંતર્ગત જામનગરની JCC હાર્ટ ઇન્સ્ટીટ્યુટમાં “પી.એમ.જે.એ.વાય.-મા” યોજનાની માર્ગદર્શિકાનું પાલન થતું ન હોવાથી અને ગેરરીતિ આચરતી હોવાથી આ યોજનાની કામગીરીમાંથી સસ્પેન્ડ કરવામાં આવી છે. આ હોસ્પિટલને કુલ ૧૦૫ કાર્ડિયાક પ્રોસીઝરમાં ગેરરીતિ બદલ રૂ. ૬ લાખથી વધુનો દંડ પણ કરવામાં આવ્યો છે.
આ અંગે આરોગ્ય મંત્રી શ્રી પ્રફુલ પાનશેરીયાએ જણાવ્યું હતું કે, રાજ્ય સરકાર આરોગ્ય સેવાઓને વધુ સુચારૂ, પારદર્શક અને લોકહિતકારી બનાવવા સતત પ્રયત્નશીલ છે. પી.એમ.જે.એ.વાય.-મા યોજના એ ગરીબ અને જરૂરિયાતમંદ નાગરિકો માટે આશીર્વાદ સમાન છે, તેથી કોઈપણ પ્રકારની ગેરરીતિ કે માનવતા વિરોધી બેદરકારી સહન કરવામાં નહીં આવે.
આરોગ્ય મંત્રી શ્રી પાનશેરીયાએ કહ્યું હતું કે, જામનગરની JCC હાર્ટ ઇન્સ્ટીટ્યુટના ડો.પાર્શ્વ વ્હોરા (G-28538) દ્વારા કાર્ડિયોલોજી અને કાર્ડિઓવાસ્ક્યુલર થોરાસિક સર્જરીમાં કરવામાં આવતી ક્ષતિના કારણે તાત્કાલિક અસરથી સસ્પેન્ડ કરવામાં આવ્યા છે. આ હોસ્પિટલ દ્વારા PMJAYના બે કેસમાં લેબોરેટરી રિપોર્ટમાં અને ૧ કેસમાં ECG રિપોર્ટમાં છેડછાડ કરી લાભાર્થીઓને કાર્ડિયાક પ્રોસીજરની જરૂરિયાત હોવાનું દર્શાવવામાં આવ્યું હતું. આ ઉપરાંત રાજ્યકક્ષાએથી આ હોસ્પિટલ દ્વારા કરવામાં આવેલા ૨૬૨ કેસની વધુ તપાસ કરાવતા ૫૩ કેસમાં વિસંગતા જોવા મળી હતી. જેમાં જરૂર ના હોય તેવા કેસમાં પણ કાર્ડિયાક પ્રોસીજર કરવામાં આવી હોવાનું જાણવા મળ્યું છે.
વધુમાં, આરોગ્ય મંત્રીશ્રીએ ઉમેર્યું હતું કે, આકસ્મિક નિરીક્ષણ દરમિયાન યોજનાની માર્ગદર્શિકાનું પાલન ન થતું હોવાનું જણાતાં રાજ્યની બે ખાનગી હોસ્પિટલોને દંડ કરીને તાકીદ કરવામાં આવી હતી. આ હોસ્પિટલો પૈકી પાલનપુરની સદભાવના હોસ્પિટલમાં એમ્પેનલ્ડ ડોક્ટર સિવાય ના ડોક્ટર દ્વારા સર્જરી કરવામાં આવતા અને જૂનાગઢની સમન્વય હોસ્પિટલને નિયત કરેલ પેકેજ કરતાં વધુ રૂપિયાની લાલચે અન્ય પેકેજ બુક કરવા બદલ રૂ. ૫૦-૫૦ હજારનો દંડ કરવામાં આવેલ છે.
Surat,આરોપી પતિ નિકુંજ ફાયરિંગની ઘટના બન્યા બાદ ફરાર હતો. પોલીસની સાત ટીમો તેની શોધખોળ કરી રહી હતી. આરોપીઓ પોતાના ફોન બંધ કરીને અલગ અલગ રાજ્યોમાં છૂપાઈ રહ્યા હતા. પોલીસના દબાણને કારણે આજે આરોપી નિકુંજ કામરેજની કઠોર કોર્ટમાં હાજર થયો હતો અને સરેન્ડર કરવા અરજી કરી હતી. જોકે, નિકુંજ સામે અગાઉ પત્ની સોનલે ગાડીમાં જીપીએસ ફીટ કરાવ્યાનો ગુનો પણ નોંધાવ્યો હતો જેના સંદર્ભમાં તેણે સરેન્ડર અરજી કરી હતી.
કોર્ટે ઘટનાની ગંભીરતાને ધ્યાનમાં રાખીને તેની સરેન્ડર અરજી નકારી કાઢી હતી. આ અંગે પોલીસને જાણ થતાં જ તાત્કાલિક LCBની ટીમ કોર્ટરૂમની બહાર પહોંચી હતી અને નિકુંજની અટકાયત કરી હતી. તેની સાથે સક્રિય ભૂમિકા ભજવનાર ઇશ્વરગિરી ગોસ્વામીની પણ અટકાયત કરી હતી.
સુરત ગ્રામ્ય ડીવાયએસપી આર.આર. સરવૈયાએ જણાવ્યું હતું કે, પોલીસે પહેલેથી જ સોનલના પતિ નિકુંજ પર ધ્યાન કેન્દ્રિત કર્યું હતું. બંને આરોપીઓએ પોતાનો ગુનો કબૂલ કરી લીધો છે. ઇશ્વરે જણાવ્યું હતું કે, તેણે જ ગોળી મારી હતી.
ઉલ્લેખનીય છે કે, પતિ-પત્ની વચ્ચે ઘણા લાંબા સમયથી અણબનાવ ચાલતો હતો અને બંને પક્ષેથી આક્ષેપો થઈ રહ્યા હતા. ફાયરિંગમાં ઇજાગ્રસ્ત થયેલા RFO સોનલ સોલંકીની હાલ સુરતની હોસ્પિટલમાં સારવાર ચાલી રહી છે.
અડાજણ વન વિભાગની ઓફિસમાં ફરજ બજાવતાં રેન્જ ફોરેસ્ટ ઓફિસર (RFO)સોનલ સોલંકી 6 નવેમ્બરની વહેલી સવારે કામરેજ નજીક ઈજાગ્રસ્ત હાલતમાં મળ્યાં હતાં. ઘરેથી અડાજણ જવા નીકળેલાં મહિલા અધિકારીની કાર ઝાડ સાથે ભટકાયેલી હાલતમાં મળતાં પોલીસને જાણ કરાઈ હતી. કારમાં તેમની સાથે પુત્ર પણ હોવાનું જાણવા મળતાં તાત્કાલિક અસરથી પોલીસ ઘટનાસ્થળે પહોંચી હતી. ગંભીર રીતે ઘવાયેલાં RFOને સારવાર અર્થે સરકારી હોસ્પિટલમાં ખસેડવામાં આવ્યાં હતાં.
સુરતના અલથાણ વિસ્તારમાં દારૂની પાર્ટી પર દરોડા દરમિયાન PSI સાથે ઉગ્ર ઝપાઝપી કરનાર ઉદ્યોગપતિ સમીર શાહના પુત્ર જૈનમ શાહની આખરે પોલીસે ધરપકડ કરી છે.
મીડિયામાં સતત અહેવાલો અને વિવાદને પગલે અલથાણ પોલીસે જૈનમ વિરુદ્ધ ફરજમાં રુકાવટનો ગુનો દાખલ કરી કાર્યવાહી કરી હતી. ધરપકડ બાદ પોલીસે આજે જૈનમ શાહને ગુનાના સ્થળે રિકન્સ્ટ્રક્શન માટે લઈ જવામાં આવ્યો હતો, જ્યાં પગમાં બૂટ-ચપ્પલ વિના, તદ્દન બદલાયેલા અને નીચું માથું રાખીને શરમ અને પસ્તાવાના ભાવ સાથે જોવા મળ્યો હતો.આ મામલાએ ત્યારે વિવાદ સર્જ્યો જ્યારે ઉદ્યોગપતિ સમીર શાહના પુત્ર જૈનમ શાહે PSI સાથે ઝપાઝપી કરી હતી. ચોંકાવનારી વાત એ હતી કે, તે સમયે અલથાણ પોલીસે જૈનમ શાહ પાસેથી માત્ર માફીનામું લખાવીને તેને છોડી દીધો હતો, જેના કારણે પોલીસની કામગીરી સામે મોટા સવાલો ઊભા થયા હતા. મીડિયા દ્વારા આ મુદ્દે સતત અહેવાલ પ્રકાશિત થતાં અને પોલીસની બેદરકારી પર આંગળી ચીંધાતાં તંત્ર હરકતમાં આવ્યું અને જૈનમની ધરપકડ કરી તેની કાર જપ્ત કરવામાં આવી છે.
સામાન્ય રીતે પુરુષ દ્વારા મહિલા પર એસિડ-એટેકની ઘટનાઓ સામે આવતી હોય છે, પરંતુ આ કિસ્સામાં તો પત્નીએ જ પોતાના પતિ પર એસિડ ફેંક્યું હતું. આરોપી મહિલાએ પતિના અન્ય સ્ત્રીઓ સાથે સંબંધની શંકા રાખી એસિડ-એટેક કર્યો છે. આ એસિડ-એટેકમાં ભોગ બનનાર પતિ શરીરથી નીચેના ભાગે ગંભીર રીતે દાઝ્યો છે. સેટેલાઈટ પોલીસે આરોપી પત્નીની ધરપકડ કરી છે.મળતી માહિતી અનુસાર, સેટેલાઈટમાં રહેતા રોનક ખીમસૂરિયા નામના શખસે બે વર્ષ પહેલાં દમયંતી પરમાર નામની મહિલા સાથે પ્રેમલગ્ન કર્યા હતા. છેલ્લા કેટલાક દિવસોથી પત્ની દમયંતીએ તેના પતિ પર અન્ય સ્ત્રીઓ સાથે આડાસંબંધ હોવાની શંકા રાખી સૂતેલા પતિ પર પહેલાં તો ગરમ પાણી વેળ્યું અને બાદમાં એસિડ ફેંક્યું હતું. એ મામલે સેટેલાઈટ પોલીસ સ્ટેશનમાં ફરિયાદ બાદ આરોપી પત્નીની ધરપકડ કરવામાં આવી છે. પોલીસ તપાસમાં સામે આવ્યું છે કે ફરિયાદી પતિ અને આરોપી પત્ની વચ્ચે બે વર્ષ પહેલાં પ્રેમ પાંગર્યો હતો અને ત્યાર બાદ બંને કોર્ટ મેરેજ કર્યાં હતાં.
સુરત શહેરના ડીંડોલી વિસ્તારમાં મોબાઈલ લૂંટના એક કિસ્સામાં પ્રતિકાર કરનાર 19 વર્ષીય યુવાનની ચપ્પુના ઘા ઝીંકીને નિર્મમ હત્યા કરવામાં આવી છે. આ ગંભીર ઘટના બાદ ડીંડોલી વિસ્તારમાં લોકોમાં રોષનો માહોલ સર્જાયો હતો, જ્યાં રોષે ભરાયેલા પરિવારજનો અને સ્થાનિક લોકોએ મૃતદેહને પોસ્ટમોર્ટમ માટે લઈ જવાનો ઇનકાર કરીને પોલીસનો વિરોધ કર્યો હતો, જેના કારણે પરિસ્થિતિ તંગ બની હતી. મૃતક યુવાનની ઓળખ દિલીપ સુનીલ જમાદાર (ઉ.વ. 19) તરીકે થઈ છે, જે નવાગામ ડીંડોલી ખાતેની શ્રીનાથ નગર સોસાયટીમાં રહેતો હતો અને ઉધના રોડ નંબર છ પર આવેલા જરીના કારખાનામાં નોકરી કરતો હતો. તેનું મૂળ વતન બિહારના નાલંદા જિલ્લાનું મહેતામાં ગામ છે, અને તે હાલ સુરતમાં પોતાના માસાના ઘરે રહેતો હતો, જ્યારે તેના માતા-પિતા હૈદરાબાદમાં મજૂરી કરે છે.17 ઓક્ટોબરના રોજ દિલીપ રોજની જેમ નોકરી પરથી પરત ફરતી વખતે રેલવે પટરી નજીકથી પસાર થઈને પોતાના ઘરે જઈ રહ્યો હતો. આ દરમિયાન, કેટલાક અજાણ્યા શખસોએ તેને રોકીને તેના મોબાઈલની લૂંટ કરવાનો પ્રયાસ કર્યો હતો. દિલીપે આ લૂંટનો પ્રતિકાર કરતાં, હુમલાખોરોએ તેના પર ચપ્પુના જીવલેણ ઘા ઝીંકી દીધા હતા, જેના કારણે તેનું ઘટનાસ્થળે જ મોત નીપજ્યું હતું.
પોલીસે જાહેરનામા ભંગ અન્વયે માથાભારે તત્ત્વો શક્તિ પ્રદર્શન કરવા કે સીનસપાટા કરવા જાહેર માર્ગો પર બર્થ-ડે સેલિબ્રેશન કરતા હોવાના અનેક બનાવો ભૂતકાળમાં બનવા પામ્યા છે.
સુરત ભાજપ કાર્યાલયમાં કાર્યકર અને ખજાનચીની મારામારીનો વિવાદ હજી શમ્યો નથી, ત્યાં ભાજપના વોર્ડ નં.26 ગોડાદરા-ડીંડોલીના કોર્પોરેટર અમિતસિંગ રાજપૂત જાહેરમાં બર્થ-ડે પાર્ટી સાથે તાયફો કરી વિવાદ નોતર્યો છે. ગત 3 ઓક્ટોબરના રોજ અમિતસિંગનો જન્મદિવસ હતો, જેથી ધ ગ્રેટ મરાઠા ગૃપ (નિલગીરી) દ્વારા જન્મદિવસની ઉજવણી કરાઈ હતી. જાહેર રોડ પર રોશની, ફટાકડા ફોડીને અમિતસિંગની એન્ટ્રી સાથે સ્ટેજ પર કેક કાપી ભવ્ય ઉજવણી કરવામાં આવી હતી. વોર્ડ પ્રમુખના જન્મદિવસની ઉજવણીની આડમાં જાહેર માર્ગ પર મોડી કરાયેલા આ તાયફાથી વિવાદ શરૂ થયો છે.
સામાન્ય નાગરિકો સામે જાહેરમાં બર્થ-ડે સેલિબ્રેશન મુદ્દે પગલાં ભરતી પોલીસ ભાજપના નેતા સામે કાયદેસરના પગલાં ભરશે કે કેમ? તે મુદ્દો સોશિયલ મીડિયામાં ચર્ચાના ચગડોળે ચઢ્યો છે.ઉધનાના વોર્ડ નં. 24ના પ્રમુખ પ્રકાશ ખૈરનાર બાદ હવે ભાજપના કોર્પોરેટર અમિતસિંગ રાજપૂતે જાહેરમાં પોતાના બર્થ-ડે સેલિબેશનના નામે તમાશો કર્યો હતો, જેનો વીડિયો સોશિયલ મીડિયામાં વાઇરલ થતા ચર્ચાનું કેન્દ્ર બન્યો છે. ત્યારે હવે આ મામલે પોલીસ જાહેરનામા ભંગ હેથળ કાર્યવાહી કરશે કે કેમ?
| M | T | W | T | F | S | S |
|---|---|---|---|---|---|---|
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
