મેં.કલેક્ટર શ્રી તથા સંબંધિત કચેરીઓને લેખિત ફરિયાદ કરી, કોઈ પરિણામ ન આવતા આજે સમૂહમાં હલ્લા બોલ કાર્યક્રમ યોજી,

ફેક્ટરી માલિકોને ફેક્ટરીઓ બંધ કરવા જણાવેલ છે, તંત્ર પણ આ બાબતે યોગ્ય પગલાં લે એવી અમારી માંગ છે.: જયેશ પટેલ માજી સરપંચ તલંગપુર

સચિન વેસ્ટ તરફ આવેલ અને તલંગપુર ઉમ્બરની આજુબાજુમાં આવેલ જીઆઇડીસી ફરતે આવેલા ગામડાઓમાં પ્રદુષણની ફરીયાદ વ્યાપક બની રહી છે. તલંગપુર ગ્રામજનોમાં યુવા અભિષેકના કહેવા પ્રમાણે કોલસી બાળવાને કારણે ફેલાતા પોલ્યુશનથી અમો ગ્રામ લોકોને શ્વાસ લેવામાં પણ મુશ્કેલ બન્યું છે. કેન્સર જેવા અસાધ્ય રોગ વધ્યા છે. જયારે મનીષાબેન જયેશ પટેલે પણ કહ્યું આખા દિવસમાં ઘર કાળું કાળું બને છે. પોંછા મારી મારીને બહેનો થાકી જાય છે, તાલુકા સદસ્ય નરેશ પટેલે કહ્યું કે અમારા ઓટલા અને બધી ગાડીઓ કાળી થઈ જાય છે. બાળકોના પગ કાળા થાય છે બીમાર પડે છે અમને વ્યાપક નુકસાન થઇ રહયું છે.

ત્યારે કાલુ ઉર્ફે કાર્તિકે પટેલે કહ્યું કે, આ બાબતે મેં.કલેટરશ્રી તથા સંબંધિત કચેરીઓને લેખિતમાં આપ્યું છે. કોઈ કાર્યવાહી થઇ નથી ગ્રામજનોમાં નીરવ દેસાઈ, ભાજપ યુવા પ્રમુખ વોર્ડ ૩૦, રાજુ પટેલ ઉપ પ્રમુખ વોર્ડ ૩૦, ધનસુખ પટેલ માજી સરપંચ ઉંબર, જયેશ પટેલ માજી સરપંચ તલંગપૂર તથા સામાજિક કાર્યકર કાલુ ઉર્ફે કાર્તિક પટેલ અને અક્ષય ચૌહાણે વધુમાં જણાવ્યું કે આ ટેક્ષટાઇલ ઝોન છે તો અહીં કેમિકલ ફેક્ટરીઓને કેવી રીતે આવી? આને શરુ કરવાની પરમિશન કોણે આપી છે ? અમે વર્ષ ૨૦-૨૧ થી પોલ્યુસનથી હેરાન પરેશાન થઇ રહ્યા છીએ આવા પ્રશ્ને બાબતે તંત્રએ જાગૃત બની નકકર પગલા ભરવા જોઇએ. જે ભરતા નથી.

તો તાત્કાલિક પગલાં ભરે એવી અમારી લોકમાંગણી છે. આજે અમે સમગ્ર ગામ વાસીઓ દ્વારા, એકત્ર થઇ હલ્લાં બોલની જેમ જઈને દરેક ફેક્ટરી પર થાળીઓ વગાડી કહ્યું છે. કે, પ્રદુષણ બંધ કરો ભાઈ બંધ કરો, અહીં વર્ષો થી ટેક્ષ્ટાઇલ ઝોનમાં સરકારી પરવાનગીઓ દ્વારા એ વ્યવસાય ચાલે છે પરંતુ છેલ્લા ત્રણ ચાર વર્ષથી કેમિકલની ફેકટરીઓ અહીં કેવી રીતે આવી ગઈ? જે તાત્કાલિક બંધ કરવી એ જ અમારી માંગ છે. અમારા ગામ નજીક આવેલ નીમલોન મેટાલિક, સાગર મેટાલિક અને જે એમ ટી ઇન્ડિયા નામની કંપનીમા કોલસીની ભુકીનો ઉપયોગ થઇ રહ્યો છે અને રાત-દિવસ ચાલતા આ કાર્યથી આજુબાજુના વીસ્તારોમા આ કોલસાની ભુકી ઉડતી હોય પ્રદુષણ ફેલાવવા સાથે ઘરોને, ગ્રામજનોને વ્યાપક પ્રમાણમાં નુકસાન થઇ રહયુ છે. પ્રદુષણ નિયંત્રણ બોર્ડના અધિકારીઓ કશું જ કરતા નથી અમે બધે રજુઆત કરી છે.

છતા કોઇ કાર્યવાહી ન થતા તંત્ર તાત્કાલીક યોગ્ય કાર્યવાહી કરે અને ફેકટરીઓ બંધ કરાવે. કેમ કે પોલ્યુસનની અસર જોતા તેમા કોલસી , રબ્બર, ખરાબ કેમીકલ્સ, ઓઇલનો પણ ઉપયોગ થતો હોઈ શકે ? અને એટલેજ પોલ્યુશન ફેલાય રહ્યું છે જે બંધ થવું જોઈએ. આ અંગે તંત્ર મારફત યોગ્ય કાર્યવાહી યુદ્ધના ધોરણે કરાય તેવી ગ્રામજનોની માંગ હાલમાં કરાઇ છે. જો તંત્ર તાત્કાલિક પગલાં નહિ ભરશે તો ઉગ્ર આંદોલન થશે અને જેની જવાબદારી સંબધિત અધિકારીઓની રહેશે એવું તલંગ પૂર ના ઉપરોક્ત આગેવાનોએ જણાવ્યું છે.

સુરત શહેરની 165 મજુરા વિધાનસભાના ધારાસભ્ય અને ગૃહ રાજ્ય મંત્રી હર્ષભાઈ સંઘવીના જન્મદિવસ નિમિત્તે ઘોડ દૌડ રોડ નજીક આદર્શ પછાત વર્ગ સોસાયટીમાં આવેલ ઘનરાજ ગેરેજની બાજુમાં સવારે 9 થી 1 વાગ્યા સુધી વિવિધ લોક ઉપયોગી સેવા કેમ્પનું આયોજન કરવામાં આવ્યું હતું.

માં કાલી એજ્યુકેશન ચેરીટેબલ ટ્રસ્ટના પ્રમુખ અમિત જયસ્વાલે જણાવ્યું હતું કે આજે 8મી જાન્યુઆરીના રોજ ધારાસભ્ય હર્ષભાઈ સંઘવીના જન્મદિવસ નિમિત્તે વિવિધ 11 પ્રકારની સેવાકીય પ્રવૃતિઓ કરવામાં આવી હતી. જેમાં મેગા બ્લડ ડોનેશન કેમ્પમાં 150 થી વધુ લોકોએ રક્તદાન કર્યું હતું.101 વિધવા બહેનોને અનાજની કીટનું વિતરણ કરવામાં આવ્યું હતું. આ ઉપરાંત લગભગ 1000 થી વધુ લોકોને આયુષ્માન કાર્ડ, ઈ-શ્રમ કાર્ડ, આવકનું પ્રમાણપત્ર આપવામાં આવ્યું હતું. આ ઉપરાંત વૃદ્ધાવસ્થા પેન્શન, મોતિયાની તપાસ, આંખની તપાસ, બ્લડ ટેસ્ટ, યુરિન ટેસ્ટ, પેટને લગતા રોગો વગેરે જેવી સેવાઓનો લાભ આપવામાં આવ્યો હતો. ધારાસભ્ય હર્ષ સંઘવીના જન્મદિવસ નિમિત્તે આ કાર્યક્રમ યોજાયો હતો. વોર્ડ નં. 21ના કાઉન્સિલર અશોક રાંદેરિયા, વૃજેશ ઉનડકટ, ડિમ્પલ કાપડિયા, સુમન ગાડિયા, વોર્ડ પ્રમુખ કીર્તિ કાકા ધવલભાઈ અને વિવિધ કાર્યકરો આ કાર્યક્રમમાં ઉપસ્થિત રહ્યા હતા. ધારાસભ્યના જન્મદિવસે લોકસેવા કાર્યક્રમ યોજવા બદલ પ્રમુખ અમિત જૈસવાલ અને ઉપપ્રમુખ ગૌરાંગ બાગિયાવાલા તેમજ ટ્રસ્ટના સભ્યોનો લોકોએ આભાર વ્યક્ત કર્યો હતો.

ઝારખંડ, ઓડિશા, આંધ્રપ્રદેશ અને તેલંગાણા રાજ્યના ૨૨૦ આદિવાસી યુવાનો રાજ્યની ભાતીગળ સંસ્કૃતિને નીરખવા સુરત આવ્યા

◆» યુવાનો દેશની તસવીર અને તાસીર બદલવા સક્ષમ:
◆» ગુજરાતના વિકાસ, સુખાકારીથી સૌને પરિચિત કરાવવા માટે યુથ એક્સચેન્જનો ઉમદા પ્રયાસ
◆» દેશના તમામ રાજ્યોમાંથી આવીને વસેલા ભારતીય નાગરિકોથી સુરત શહેર વિવિધતામાં એકતાનું શ્રેષ્ઠ ઉદાહરણ-:સાંસદ પ્રભુભાઈ વસાવા

કેન્દ્રીય યુવા કાર્યક્રમ અને રમતગમત મંત્રાલય દ્વારા તા.૪ થી ૧૦ જાન્યુ. દરમિયાન આયોજિત યુવા આદાન-પ્રદાન કાર્યક્રમ: ગુજરાતની શાંતિ અને સલામતી અને વિકાસની અનુભૂતિ કરશે આદિવાસી યુવાનો

એક સપ્તાહ સુધી યુવાનોને રાજ્યની રહેણીકરણી, પ્રવાસનસ્થળો અને ખાનપાનથી અવગત કરાશે

સુરતઃગુરૂવારઃ કેન્દ્રીય યુવા કાર્યક્રમ અને રમતગમત મંત્રાલય તેમજ ગૃહ મંત્રાલયના ઉપક્રમે તા.૪ થી ૧૦ જાન્યુઆરી દરમિયાન આયોજિત ૧૫મા આદિવાસી યુવા આદાન-પ્રદાન કાર્યક્રમનો શુભારંભ સાંસદશ્રી પ્રભુભાઈ વસાવાના હસ્તે કરવામાં આવ્યો હતો. ઝારખંડ રાજ્યના ચતરા, ગિરીડિહ, લાતેહાર, વેસ્ટ સિંઘભૂમ, સરાઈકેલા, ખરવાસા જિલ્લા, ઓડિશા રાજ્યના મલકાનગીરી, કાલાહાંડી જિલ્લા, આંધ્રપ્રદેશના વિશાખાપટ્ટનમ તેમજ તેલંગાણા રાજ્યના ભદ્રાદી- કોથાગુદેમ જિલ્લાઓમાંથી કુલ ૨૨૦ આદિવાસી યુવાઓ ભાગ લઈ રહ્યા છે.
સુરત જિલ્લાના કામરેજ સ્થિત દાદા ભગવાન ત્રિમંદિર ખાતે આયોજિત સમારોહમાં સાંસદ શ્રી પ્રભુભાઈ વસાવાએ જણાવ્યું હતું કે, ગુજરાત અને એમાં પણ સુરત શહેર અને જિલ્લો શાંતિ અને સલામતીનું પ્રતિક રહ્યા છે. ચાર રાજ્યોમાંથી આવેલા આદિજાતિ યુવાનો રાજ્યની અભૂતપૂર્વ શાંતિ, સુખાકારી અને વિકાસની અનૂભૂતિ કરી પ્રગતિની શક્તિને સમજશે.
પોતપોતાના ગામ, શહેરમાં જઈ ગુજરાતના વિકાસ, સુખાકારીથી સૌને પરિચિત કરાવે એ માટેનો યુથ એક્સચેન્જનો આ પ્રયાસ છે એમ જણાવી તેમણે પોતાના વતન જઈ ગુજરાતની અસ્મિતાની સુવાસ ફેલાવવાનો સર્વ યુવાનોને અનુરોધ કર્યો હતો.

ભારત મહત્તમ યુવાશક્તિ ધરાવતો દેશ છે. દેશની વસ્તીના વિવિધ વયજૂથમાં યુવાનોનું પ્રમાણ સૌથી વધુ છે, ત્યારે યુવાનો જ દેશની તસવીર અને તાસીર બદલવા સક્ષમ છે એમ જણાવી સાંસદશ્રીએ ગુજરાતની મુલાકાત આ યુવાનો માટે અવિસ્મરણીય અનુભવ બની રહેશે એમ ઉમેર્યું હતું.
તેમણે કહ્યું કે, લઘુ ભારત સમાન સુરતમાં દેશના તમામ રાજ્યોમાંથી આવેલા ભારતીય નાગરિકો વસે છે, એટલે જ સુરત વિવિધતામાં એકતાનું પણ શ્રેષ્ઠ ઉદાહરણ છે. શ્રી વસાવાએ મેરા ભારત પોર્ટલ MyBharat.Gov.in (https://mybharat.gov.in) માં વધુને વધુ રજિસ્ટ્રેશન કરીને જોડાવાનું ઉપસ્થિત સૌ યુવાનોને આહ્વાન કર્યું હતું.
નેહરૂ યુવા કેન્દ્ર, સુરતના જિલ્લા યુવા અધિકારી સચિન શર્માએ મહાનુભાવો અને આદિવાસી યુવાઓને આવકારી સમગ્ર કાર્યક્રમની રૂપરેખા આપી હતી. એક સપ્તાહ દરમિયાન આ યુવક-યુવતિઓ સુરત શહેર તથા જિલ્લાના પ્રવાસન સ્થળો, સ્ટેચ્યુ ઓફ યુનિટીની મુલાકાત, ગુજરાતની કલા-સંસ્કૃતિનું આદાન-પ્રદાન, રહેણીકરણી, યોજનાકીય માહિતીઓની જાણકારી, રાજ્યની શાંતિ અને સલામતીના કારણે ગરવી ગુજરાતની અભૂતપૂર્વ પ્રગતિ, સંસ્કૃતિ, જીવનશૈલી, ભાષાની ઝાંખી કરશે એની વિગતો તેમણે આપી હતી.
નોંધનીય છે કે, ૨૨૦ આદિવાસી યુવાઓ સુરતના ઐતિહાસિક અને ઔદ્યોગિક સ્થળો, ડેરી ઉદ્યોગ તેમજ સરકારી કચેરીઓ સહિત આઈકોનિક સ્થળોની મુલાકાત લેશે. તેમનામાં કૌશલ્ય, એકતા અને વિકાસના ગુણો ખીલે તે માટે તાલીમસત્ર, સાંસ્કૃતિક કાર્યક્રમો અને ભાષણ પ્રતિયોગિતા યોજાશે.
આ પ્રસંગે પ્રાંત અધિકારી શ્રી વી.કે. પીપળીયા, મામલતદારશ્રી આર.એસ.ઠાકોર, તાલુકા વિકાસ અધિકારી એસ.જી.પટેલ, કામરેજ પોલીસ ઈન્સ્પેક્ટર જાડેજા, સુમુલ ડેરીના ડિરેક્ટર બળવંતભાઈ પટેલ સહિત મોટી સંખ્યામાં યુવાઓ ઉપસ્થિત રહ્યા હતા.