સુરત જિલ્લાના પલસાણાના PSI સી.એમ.ગઢવીને ફરજ પર બેદરકારી બદલ ફરજ મોકૂફ કરાયા.
સુરત જિલ્લાના પલસાણાના કરણ ગામે પામ ઓઇલ અને સ્ટીલ ચોરી નેટવર્ક ઝડપાવાનાં મામલે પલસાણા પી.એસ.આઇ સી.એમ.ગઢવીને સસ્પેન્ડ કરાયા.ફરજમાં બેદરકારી બદલ સુરત જિલ્લા પોલીસ વડાએ સી.એમ.ગઢવીને ફરજ પરથી મોકુફ કરવાનો આદેશ કરતાં પોલીસ બેડામાં ચકચાર મચી જવા પામી.સુરત જિલ્લાના પલસાણા તાલુકાના કરણ ગામે સુરત જિલ્લા એલ.સી.બીએ મોટી કાર્યવાહી કરી. જિલ્લા એલ.સી.બી પોલીસે કરણ ગામે જૈન દેરાસરની બાજુમાં આવેલા ગોડાઉનમાંથી પામ ઓઇલને સળિયા ચોરીનું મોટું નેટવર્ક ઝડપી પાડ્યું. બલેશ્વર ગામનો પરવેઝ પઠાણ નામનો ઈસમ ટેન્કરમાંથી તેલ કાઢી ડબ્બામાં ભરીને વગે કરતો હોવાની માહિતી હોવાથી થી . ડ્રાઇવરના મેળાપીપળામાં આખો ખેલ ચાલતો હોવાનું એલ.સી.બીની તપાસમાં બહાર આવ્યું.જિલ્લા એલ.સી.બીએ પામ ઓઇલનો મોટો જથ્થો, ટેન્કર, ચોરેલા સળિયા મળીને 81 લાખ જેટલો મુદ્દામાલ જપ્ત કર્યો હતો.જેની સાથે પોલીસે 9 જેટલા લોકોની ધરપકડ કરી હતી. જ્યારે ગુનામાં સંડોવાયેલા ચિરાગ ભરવાડ અને પારસમલ કુમાવતને વોન્ટેડ જાહેર કરવામાં આવ્યા હતા.આ કાર્યવાહી થતાં જ સ્થાનિક પલસાણા પોલીસ શંકાના દાયરામાં આવી જતા અને પલસાણા પોલીસ મથકના પી.એસ.આઇ સી.એમ.ગઢવી સામે ઉપરી અધિકારી એક્શન મોડમાં આવ્યો. સુરત જિલ્લા પોલીસ વડાએ પલસાણા પી.એસ.આઇ સી.એમ.ગઢવીને ફરજમાં બેદરકારી બદલ ફરજ મોકૂફ કરવાનો આદેશ કર્યો. જેને પગલે પોલીસ બેડામાં ફફડાટ મચી જવા પામ્યો.
