સુરત, રક્ષાબંધન એ ભાઈ-બહેનના પવિત્ર સંબંધનો તહેવાર છે અને તેની પૂર્વ સંધ્યાએ સુરતમાંથી એક ચોંકાવનારી ઘટના સામે આવી છે. સગીર યુવતી જેને તે પોતાનો ભાઈ માનતી હતી તેણે અશ્લીલ વીડિયોથી ભરેલો મોબાઈલ ગિફ્ટ કરીને ભાઈ-બહેનના સંબંધોને શરમજનક બનાવી દીધી હતી. મામલો પોલીસ મથકે પહોંચતા પોલીસે આરોપી યુવકની ધરપકડ કરી કાયદેસરની કાર્યવાહી હાથ ધરી છે. ઘટના સુરતના ડિંડોલી વિસ્તારની છે, જ્યાં એક પરિવાર બે બાળકો સાથે રહે છે. જેમાં એક પુત્ર અને એક પુત્રી છે. 17 વર્ષની પુત્રી 12માં ધોરણની વિદ્યાર્થીની છે. પાડોશમાં રહેતો મયુર શર્મા આ પરિવારના ઘરે આવતો હતો. પરિવારની દીકરી પ્રત્યે મયુર શર્માના ઇરાદા સારા ન હતા. મયુર સગીર યુવતીને સ્કૂલે જતો ત્યારે તેની પાછળ આવતો હતો અને તેને પરેશાન કરીને પ્રેમજાળમાં ફસાવવાનો પ્રયાસ કરતો હતો. જોકે, યુવતીએ મયુર શર્માને પોતાનો ભાઈ માનવાનું ચાલુ રાખ્યું હતું. દસ દિવસ પહેલા મયુરે યુવતીને મોબાઈલ ફોન ભેટમાં આપ્યો હતો. મોબાઈલ ગિફ્ટ કરતા પહેલા મયુરે તેના પર પાંચ અશ્લીલ વીડિયો ડાઉનલોડ કર્યા હતા. જેના કારણે યુવતી મયુર શર્માના ઈરાદા સમજી ગઈ હતી અને તેણે તેના પરિવારને જાણ કરી હતી. જે બાદ પિતા પોતાની પુત્રી સાથે પોલીસ સ્ટેશન પહોંચ્યા અને મયુર શર્મા વિરુદ્ધ ફરિયાદ નોંધાવી. પોલીસે આરોપી મયુર શર્માની ધરપકડ કરી આગળની કાર્યવાહી હાથ ધરી છે.
