સુરત શહેરમાં ગુનાઓ પર અંકુશ રાખવા માટે પોલીસતંત્ર તાજેતરમાં જ ઝોન-6 પોલીસ દ્વારા ભેસ્તાન પોલીસ સ્ટેશન ખાતે વિસ્તારનાં 73 અસામાજિક તત્ત્વને બોલાવી સખત સૂચના આપવામાં આવી હતી. તમામ લોકો મિલકત સંબધિત ગુનામાં આરોપી છે અને હાલ જામીન પર છે. ઝોન-6માં આવતાં અલગ-અલગ 8 પોલીસ સ્ટેશનના કુલ 73 આરોપીને ભેગા બોલાવવામાં આવ્યા હતા. આ બધા આરોપીઓ વિવિધ ચોરી, ઘરફોડ ચોરી તથા મિલકત સંબંધિત ગુનાઓમાં સંડોવાયેલા છે. તેઓ હાલમાં જામીન પર છે. તમામને પોલીસ સ્ટેશન બોલાવીને કડક સૂચના પોલીસ દ્વારા આપવામાં આવી છે.
DCP રાજેશ પરમારે જણાવ્યું હતું કે આવા તમામ આરોપીઓને સમજાવવામાં આવ્યું છે કે હવે કોઈપણ પ્રકારના ગુનામાં સંડોવાતા નહીં. કાયદામાં રહીને જીવન જીવવા કડક રીતે સૂચના આપવામાં આવી છે, સાથે જ આ તમામ 73 લોકો પર પોલીસ સતત નજર રાખી રહી છે.પોલીસે આ આરોપીઓને ચેતવણી આપી છે કે જો ભવિષ્યમાં કોઈ ગુનામાં પકડાશે તો તેમના વિરુદ્ધ તડીપાર કે પાસા હેઠળ કડક કાર્યવાહી કરવામાં આવશે.
