CCTV વાયરલ થતા સચિન GIDC પુલીસ કાર્યવાહી કરી
20 લોકોનું ટોળું પાઈપ-લાકડીથી યુવક પર તૂટી પડયું હતું.
ભોગ બનનાર અંકુરસિંહે સચિન GIDC પોલીસ પર ગંભીર આક્ષેપો કર્યા છે.
સુરત શહેરના સચિન GIDC વિસ્તારમાં લુખ્ખા તત્વો બેફામ બન્યા છે. સચીન ખાતે તલંગપુર રોડ ઉપર આવેલી શિવાંજલી સોસાયટીમાં ગત 22 ડિસેમ્બરના રોજ બપોરે 1:00 વાગ્યાની આસપાસ એક CCTV વાયરલ થયો હતો જેમાં એક હચમચાવી દે તેવી ઘટના બની હતી. જૂની અદાવતનો ખાર રાખીને અંકુરસિંહ નામના કામદાર યુવક પર 15થી 20 જેટલા શખ્સોએ લાકડાના દંડા અને પાઈપ વડે હુમલો કરી તેને લોહીલુહાણ કરી નાખ્યો હતો.સીસીટીવી ફૂટેજમાં જોઈ શકાય છે કે, અંકુરસિંહ સોસાયટીમાં શાંતિથી બેઠો હતો, ત્યારે અચાનક લાકડાના દંડાથી સજ્જ 15થી 20 જેટલા યુવાનોનું ટોળું તેના પર ત્રાટકે છે. અંકુરસિંહને કઈ સમજાય તે પહેલા જ આરોપીઓ તેના પર તૂટી પડે છે અને એક પછી એક લાકડીઓના ફટકા મારવા લાગે છે. હુમલો એટલો ગંભીર હતો કે અંકુરસિંહનો મોબાઈલ ફોન પણ તોડી નાખવામાં આવ્યો હતો જેથી તે કોઈને મદદ માટે ફોન ન કરી શકે.ફરીયાદીનો આક્ષેપ છે કે ઘટના 22 ડિસેમ્બરની છે અને ફરિયાદ 24 ડિસેમ્બરના રોજ દાખલ કરવામાં આવી છે. આ ઘટનામાં સૌથી ચોંકાવનારી બાબત એ છે કે ભોગ બનનાર અંકુરસિંહે સચિન GIDC પોલીસ પર ગંભીર આક્ષેપો કર્યા છે.
ઘટના બાબત માં સચિન GIDC પોલીસ સ્ટેશનના ઇન્સ્પેક્ટર કુલદીપ સિંહ ગોહિલે આ આરોપોને નકારી કાઢ્યા છે.આ ઘટના જૂની અદાવતમાં બની છે અને સીસીટીવી ફૂટેજના આધારે તપાસ શરૂ કરી દેવામાં આવી છે. પોલીસે બંને પક્ષોની ફરિયાદ નોંધીને કાયદેસરની કાર્યવાહી હાથ ધરી છે. તેવું માહિતી પુલીસ વિભાગ તરફ થી જાહેર કરવામાં આવેલ છે.
