કડોદરા GIDC વિસ્તારમાં એક ચકચારી ઘટના સામે આવી હતી. પડોશમાં રહેતો રાજસ્થાનના પાલી જિલ્લાનો ગણપતલાલ ચંદ્ર પ્રકાશ સરગરા 5 વર્ષ અને 2 મહિનાની બાળકીને ચોકલેટ આપવાના બહાને લઈ ગયો હતો. જેમાં આરોપીએ બાળકીને લાલચ આપીને ખેતરમાં લઈ જઈને દુષ્કર્મનો પ્રયાસ કર્યો હતો. જેમાં માસૂમ બાળકી બૂમાબૂમ કરતા આરોપીએ માથામાં પથ્થરના ઘા ઝીંકી મોં દબાવી મોતને ઘાટ ઉતારી દીધી હતી.જેમાં આજે પોલીસે આરોપીની ધરપકડ કરીને ઘટનાનું રિ-કન્ટ્રક્શન કર્યું છે.
પોલીસની કડક પૂછતાછમાં આરોપીએ જણાવ્યું હતું કે, બાળકીને ઘરથી 1.5 કિલોમીટર દૂર વાંકાનેડા ગામની હદમાં ખાડી કિનારા નજીક એક શેરડીના ખેતરમાં લઈ જઈને દુષ્કર્મનો પ્રયાસ કર્યો હતો. તે દરમિયાન બાળકીએ બૂમાબૂમ કરતા તેને માથામાં પથ્થરના ઘા ઝીંકી મોં દબાવી મોતને ઘાટ ઉતારી દીધી હતી.
