સચિન ખાતે CPR કાર્ડિયોપલ્મોનરી રિસુસિટેશનની તાલીમ અપાઈ.
હાર્ટ એટેકથી મોતના વધતા કેસ વચ્ચે રાજ્ય સરકાર દ્વારા મહત્વપૂર્ણ નિર્ણય કરવામાં આવ્યો છે. હાર્ટ એટેકના કિસ્સામાં પ્રાથમિક ઉપચાર મળી રહે તે માટે સચિન યુનિટ હોમગાર્ડ જવાનોને ઇન્ડિયન મેડિકલ એસોસિએશનના ડોક્ટરશ્રીઓ દ્વારા CPR ટ્રેનિંગ આપવામાં આવી.
આ તાલીમ કેમ્પ એલડી હાઈસ્કૂલ સચીન ખાતે યોજાયો હતો. કોરોનાકાળ બાદ સમગ્ર દેશમાં યુવાનોમાં હાર્ટ એટેકના કેસોમાં ચિંતાજનક હદે વધારો જોવા મળતા અને જેમાં નાની ઉંમરના લોકોમાં પણ હાર્ટ એટેકના કેસો જોવા મળતા સરકારી તંત્ર હરકતમાં આવી ગયું છે. ત્યારે આવી પરિસ્થિતિને પહોંચી વળવાની દિશામાં સરકારે તાલીમ આપવાના પગલા લીધા છે. જે અંતર્ગત તારીખ ૬ ડિસેમ્બર ૨૦૨૩ ના રોજ ‘હોમગાર્ડઝ અને નાગરિક સંરક્ષણ ૬૧માં સ્થાપના દિન ઉજવણી” નિમિત્તે આજે તારીખ ૨૪,૧૨,૨૦૨૩ ના રોજ હોમગાર્ડઝ અને સિવિલ ડિફેન્સના સભ્યોને CPR ની તાલીમ આપવાનું નક્કી કરાતા આજે એલડી હાઈસ્કૂલ પટાંગણમાં ૨૫૦ જેટલા હોમગાર્ડઝ સભ્યોને CPR ની વ્યક્તિગત તાલીમ આપવામાં આવી.
જેમાં ઇન્ડિયન મેડિકલ એસોસિએશન ગુજરાત ના સંબંધિત ડોક્ટર પંકજ આસોદરિયા,ડૉકટર ભાવેશ પોશિયા, ડૉકટર ઘનશ્યામ ધડુક અને ડૉકટર રાજેશ નકુમ એ તાલીમી સેવા આપી હતી. તાલીમ બાદ આભાર વિધિમાં ડોક્ટર પંકજે અને હોમગાર્ડ અધિકારી થોમસ પઠારે એ કહ્યું હતું કે, ગુજરાતમાં નાની ઉંમરના લોકોમાં હાર્ટ એટેકના કેસો વધી રહ્યા છે અને યુવાનોના મૃત્યુ થઈ રહ્યા છે. જેમાં 80 % મૃતકોની ઉંમર 11 થી 25 વર્ષ છે. તાલીમ બાદ હવે આપ જીવનદાતા બનશો, હાર્ટ એટેકના કારણે થતા મોતને રોકવા આજે પ્રાથમિક ઉપચાર અંગે તાલીમ આપ સહુને રૂબરૂ સમજાવીને આપી છે આનાથી અપમૃત્યુના કેસોમાં ઘટાડો થશે એવું ડૉકટર શ્રી અને હોમ ગાર્ડ અધિકારીએ જણાવ્યું હતું.
