સુરતના સચિન વિસ્તારમાં 44 વર્ષીય નરાધમના ઘરે રહેવા આવેલી સબંધીની 7 વર્ષીય દીકરી પર દાનત બગાડી બળાત્કાર ગુજાર્યો છે. આસામમાં રહેતા 7 વર્ષીય બાળકીના માતા પિતાએ સુરતમાં તેમના સંબંધીને ત્યાં અભ્યાસ માટે મોકલી હતી.
પોલીસ સૂત્રો અનુસાર સચિન નવસારી રોડ પાલ્મ ઝુમેરા ખાતે રહેતો મોહમદ અનવર હુસેન મોહમ્મદ યાસીન શેખના ઘરે છેલ્લા એક વર્ષથી વસવાટ કરતી માત્ર 7 વર્ષની માસુમ બાળકી ઉપર દાનત બગાડી હતી. દૂરના સબંધીની માસૂમ બાળકી છેલ્લા એક વર્ષથી તેના ઘરે રહેતી હતી, પરંતુ છેલ્લા બે મહિનાથી મોહમદ અનવર હુસેન દરરોજ રાત્રીના સુમારે બાળકીને તેની હવસનો શિકાર બનાવતો હતો.
જોકે બાળકે હિંમત કરી સોસાયટીની મહિલાઓને આ અંગે જાણ કરતા સમગ્ર મામલો બહાર આવ્યો હતો. જેને લઇ સચિન પોલીસે આ મામલે બાળકી સાથે દુષ્કર્મ કરનાર નરાધમની ધરપકડ કરી કાયદેસરની કાર્યવાહી હાથ ધરી છે.
જોકે હાલ તો આ સમગ્ર મામલે સચિન PI આર.આર.દેસાઈએ હવસખોર મોહમદ અનવર હુસેન સામે ગુનો નોંધી તેની ધરપકડ કરી આગળની કાર્યવાહી હાથ ધરી છે.
