સુરતના ઉધના વિસ્તારમાં એક યુવકનો હચમચાવતો આપઘાતનો જીવંત બનાવ CCTVમાં કેદ થયો. મળતી માહિતી મુજબ યુવક મૂળ પશ્ચિમ બંગાળનો રહેવાસી અને હાલ સુરતમાં રહેતો હતો. ઉધના વિસ્તારમાં આવેલી શિવકૃપા ઇન્ડસ્ટ્રીમાં ભાડે મકાન રાખીને તે છેલ્લા સાડા આઠ મહિનાથી સિલાઈ મશીનનું ખાતું ચલાવતો હતો. મૃત્તક રાહુલ દેવકર ઉર્ફે સરકાર મશીનનું ખાતું ચલાવતો હતો અને ત્યાં જ રહેતો હતો. ગત રોજ વહેલી સવારે રાહુલ મકાનમાં એકલો હતો. CCTVમાં દેખાતા દ્રશ્યો મુજબ રાહુલ કોઈ મૂંઝવણમાં હોય તેવું લાગી રહ્યું હતું. ગળાફાંસો ખાતા પહેલા ટેબલ પર બેસે છે અને થોડા સમય બાદ તે સ્ટૂલ પર ચડે છે અને હુંક સાથે દોરી બાંધે છે. ત્યારબાદ તેણે ગળાફાંસો લગાવી લટકી જાય છે.
ગળાફાંસો ખાધા બાદ રાહુલ તરફડતો પણ સીસીટીવીમાં કેદ થયો છે. પોલીસને સવારે 8 વાગ્યે જાણ કરવામાં આવી હતી. હાલ પોલીસ દ્વારા તપાસ પણ કરવામાં આવી રહી છે મૃત્તકને ક્યા કારણોસર પોતાનું જીવન ટૂંકાવવાનો વિચાર આવ્યો? જોકે, પરિવારનો કોઈ સભ્ય હાજર ન હોવાથી આ અંગે વધુ માહિતી મળી નથી.
