સુરત, આ વર્ષે ૬૨મી સુબ્રટો કપ ઇન્ટરનેશનલ ફુટબોલ ટુર્નામેન્ટ-૨૦૨૩ અંતર્ગત સુરત શહેર-ગ્રામ્યના ખેલાડીઓ માટે જિલ્લા કક્ષાની ફુટબોલ સ્પર્ધા યોજાશે. જેમાં તા.૧-૧-૨૦૧૦ સુધી ૧૪ વર્ષ પૂર્ણ થયા હોય તેવા અંડર- ૧૪ના ખેલાડીઓનું તેમજ તા.૧-૧-૨૦૦૭ સુધી ૧૭ વર્ષ પૂર્ણ કર્યા હોય તેઓનું અંડર-૧૭નું બીજુ ગ્રુપ એમ બે વયજૂથમાં સ્પર્ધા યોજાશે. સ્પર્ધા માટે તમામ શાળાઓએ www.sunrotocup.in વેબસાઈટ પર ભાગ લેવા ઇચ્છુક તમામ ખેલાડીઓની વ્યક્તિદીઠ રૂા.૨,000 ઓનલાઈન એન્ટ્રી ફી ભરવાની રહેશે. તેમજ શાળાના લેટરપેડ પર ખેલાડી, કોચ અને મેનેજરના નામ, આચાર્યના સહી-સિકકા સાથે ઓનલાઇન એન્ટ્રીની વિગત અને એન્ટ્રી ફીની રસીદ જિલ્લા રમત વિકાસ અધિકારીશ્રીની કચેરી, પહેલો માળ, સુડા ભવન, આભવા રોડ, વેસુ ખાતે તા.૦૭-૦૭-૨૦૨૩ના સાંજે ૫.૦૦ વાગ્યા સુધીમાં જમા કરાવવા. સ્પર્ધાના સ્થળ અને તારીખની જાણ આ કચેરી બાદમાં કરશે એમ જિલ્લા રમત વિકાસ અધિકારી, જિલ્લા રમત પ્રશિક્ષણ કેન્દ્ર, સુરતની યાદીમાં જણાવાયું છે.
