સુરત શહેરની નજીક કડોદરાની એક હોટલના CCTVનો વીડિયો વાઈરલ થયો છે. આ વીડિયો આમ આદમી પાર્ટી સાથે જોડાયેલા એક નેતાનો છે. વીડિયો વાઈરલ થતાં રાજકીય વાતાવરણમાં એકાએક ગરમાવો આવી ગયો છે. વાઈરલ વીડિયોમાં AAPના ધારાસભ્ય હોટલમાં યુવતી સાથે આવે છે અને તેની સાથે રૂમમાં જતાં દૃશ્યો દેખાય છે. આ વીડિયોને લઈને અનેક પ્રકારની ચર્ચાઓએ જોર પકડ્યું છે. આ વાઈરલ વીડિયોમાં મહિલા સાથે જે વ્યક્તિ ઊભી છે તે ભૂપત ભાયાણી આમ આદમી પાર્ટીના ધારાસભ્ય છે.
યુવતી સાથે નજીકનો સંબંધ હોવાને લીધે તેઓ અહીં હોટલમાં રૂમમાં સમય પસાર કરી રહ્યા હતા. આ બાબતની જાણ તેના પતિને થતાં તે પોતે અહીં પહોંચી ગયો અને તેના આવતાંની સાથે જ ધારાસભ્ય મોઢા ઉપર રૂમાલ રાખીને હોટલ છોડીને નીકળી ગયા. આ વીડિયો સામે આવતાં આમ આદમી પાર્ટીના ધારાસભ્ય યુવતી સાથે રંગરેલિયા મનાવતા હોવાની વાત રાજકીય રીતે પણ જબરદસ્ત ચર્ચાનો વિષય બની છે.
