બનાવની વિગત એવી છે કે ભટાર વિસ્તારમાં આવેલા ઉમરાવ નગરમાં રહેતી અને ખાનગી કંપનીમાં નોકરી કરતી યુવતીએ ઓનલાઇન ખરીદી કરી હતી. ઓનલાઇન ખરીદીની વસ્તુ ઘરે ડીલીવરી મેળવવા માટે તેમણે પોતાના ઘરનું એડ્રેસ આપ્યું હતું. જેથી ગતરોજ સાંજે છ વાગ્યાના અરસામાં ફ્લિપકાર્ટ કંપનીમાં કુરિયર બોય તરીકે કામ કરતો સુફિયાન ફિરોજ પટેલ યુવતીએ ઓનલાઈન ઓર્ડર કરેલ કુરિયર આપવા માટે ઘરે આવ્યો હતો.આ દરમિયાન યુવતીના પરિવાર બહાર ગયો હોવાથી તે ઘરમાં એકલી હતી.જેને લઇ કુરિયર બોય યુવકે યુવતીનો એકલતાનો લાભ લઇ છેડતી કરી હતી.
ફ્લિપ કાર્ટનો ડિલિવરી બોય સુફિયાનને અંદાજ આવી ગયો હતો કે યુવતી ઘરમાં એકલી છે. જેથી તેણે આ તકનો લાભ ઉઠાવ્યો હતો.યુવતીએ ઓનલાઈન પેમેન્ટ કરી સ્ક્રીનશોટ બતાવવા માટે બહાર આવી હતી.ત્યારે વિધર્મી સુફિયાન પટેલે યુવતી સાથે શારીરિક અડપલા કરી તું બહુ સુંદર છે તેમ કહીને છેડતી કરી હતી. લોકોએ વિધર્મી યુવક સુફિયાન પટેલને પકડી પાડી મેથીપાક ચખાડ્યો હતો અને પોલીસને જાણ કરી હતી. જેથી ઉમરા પોલીસ મથકમાંથી પીસીઆર ઘટના સાથે પહોંચી હતી. પોલીસે સુફિયાનની અટકાયત કરી યુવતીની પોલીસ ફરિયાદ લીધા બદ સુફિયાન સામે છેડતીનો ગુનો દાખલ કરી તેની ધરપકડ કરી આગળની કાર્યવાહી હાથ ધરી હતી.
