એસ.એસ.ટી, એફ.એસ.ટી, વી.એસ.ટી, વી.વી.ટી વગેરે ટીમો દ્વારા ક્ષેત્રીય કામગીરી.

સુરત જિલ્લામાં ૬૫ ચેકીંગ નાકા ઉપર રાઉન્ડ ધ ક્લોક ૮ કલાકની ત્રણ શિફ્ટમાં ૧૨૫ ટીમો તૈનાત.

સુરતઃગુરૂવારઃ વિધાનસભા ચૂંટણી અંતર્ગત સુરત જિલ્લામાં આદર્શ આચારસંહિતાના સુચારૂ અમલીકરણ માટે સુરત જિલ્લામાં ચૂંટણી તંત્ર દ્વારા રાઉન્ડ ધ કલોક ૧૨૫ ટીમો દ્વારા સઘન સર્વેલન્સ કરવામાં આવી રહ્યું છે. ૬૫ ચેકીંગ નાકા ઉપર રાઉન્ડ ધ ક્લોક ૮ કલાકની ત્રણ શિફ્ટમાં ૧૨૫ ટીમો તૈનાત કરીને વાહનોની તપાસ, રોકડની હેરફેર, હથિયારો, લીકર વગેરે જેવી પ્રતિબંધિત વસ્તુઓ પર બાજ નજર રાખવા સહિત વાહન નંબર તેમજ કોન્ટેક્ટ નંબરની નોંધણી કરવાની કામગીરી થઈ રહી છે.
નિષ્પક્ષ ચૂંટણી પ્રકિયા માટે આર્થિક લેવડ દેવડના કિસ્સામાં આચારસંહિતાનો ભંગ ન થાય તે માટે સુરતના ૧૬ વિધાનસભા મત વિસ્તારમાં ૨૪ કલાક વાહનોની સઘન તપાસ કરવામાં આવી રહી છે. આ માટે ૧૨૫ SST-સ્ટેટીક સર્વેલન્સ ટીમ, FST-ફલાઇંગ સ્કવોડની ૭૫ ટીમ, ફલાઇંગ સ્કવોડ માટે ૬૧ વ્હિકલ, VST-વિડિયો સર્વેલન્સની ૩૮ ટીમ, VVT- વિડિઓ વ્યુઇંગની ૨૦ ટીમ, ૭ ડિસ્ટિલરીઝ, સુરત એરપોર્ટ ખાતે CISFની એક ટીમ તૈનાત છે.
ઉપરાંત, સુરત શહેરની ૧૧ તથા ગ્રામ્યની ૨૦ પોલીસ ચેક પોસ્ટ દ્વારા સર્વેલન્સની સઘન કામગીરી કરવામાં આવી રહી છે.

લોકશાહીના ઉત્સવમાં મતાધિકારનો ઉપયોગ કરવા શહેરીજનોમાં અનેરો ઉત્સાહ.

સુરત:ગુરૂવાર: વિધાનસભા સામાન્ય ચૂંટણી જાહેર થયા બાદ પ્રારંભથી જ સુરત જિલ્લા ચૂંટણી તંત્ર વધુમાં વધુ મતદાન થાય એવા પ્રયાસો કરી રહ્યું છે. જેના ભાગરૂપે મતદારો આ ચૂંટણીમાં ઉત્સાહભેર મતદાન કરવા પ્રેરાય એ માટે ‘સિગ્નેચર અભિયાન’ શરૂ કરાયુ છે. અઠવાલાઈન્સ રોડ પર આવેલી ઉધના મામલતદાર કચેરી ખાતે આવનાર અરજદારો, નાગરિકો મતદાન જાગૃત્તિ સહી ઝુંબેશમાં ભાગ લઈને ‘ હું ભારતના બંધારણને સાક્ષી માની શપથ લઉં છું કે, આગામી વિધાનસભા ચૂંટણીમાં હું કોઈ પણ ધર્મ, જાતિ, ભાષાના ભેદભાવથી દૂર રહીને અને કોઈ પણ રીતે પ્રલોભિત થયા વિના અચૂક મતદાન કરીને લોકશાહીના આ અવસરને ઊજવીશ’ એવી પ્રતિજ્ઞા લઈ રહ્યા છે.

લોકશાહીના ઉત્સવમાં મતાધિકારનો ઉપયોગ કરવા શહેરીજનોમાં અનેરો ઉત્સાહ જોવા મળી રહ્યો છે. ઉધનામાં રહેતા એડવોકેટ શ્રી દેવેન્દ્રભાઈ બોકડીયાએ ‘સિગ્નેચર અભિયાન’માં સહી કરીને મતદાનના શપથ લીધા હતા. તેમણે જણાવ્યું કે, હું પ્રત્યેક ચૂંટણીમાં અવશ્ય મતદાન કરૂ છું. મતાધિકારનું મહત્વ સમજીને સૌએ અચૂક અને નિષ્પક્ષ મતદાનના શપથ લેવા જોઈએ. લોકશાહીને વધુ મજબૂત બનાવવા માટે સૌએ સામૂહિક મતદાનના સંકલ્પ લેવા જોઈએ.
મામલતદાર કચેરીમાં કામ અર્થે આવેલા વકીલાતના વ્યવસાય સાથે સંકળાયેલા ૪૯ વર્ષીય જયેશભાઈ પટેલે પ્રતિભાવ આપતા જણાવ્યું કે, હું મારા અસીલોને પણ તા.૧લી ડિસેમ્બરે અવશ્ય મતદાન કરવા માટે જણાવું છું. આપણા એક એક મતનું મૂલ્ય આંકી ન શકાય એટલું અમૂલ્ય હોય છે. લોકશાહીના પર્વ આપણી સભ્ય નાગરિક તરીકે ફરજ બજાવવા માટે તક પૂરી પાડે છે. આપણે જે રીતે દિવાળી, જન્માષ્ટમી, હોળી જેવા તહેવારો ઉત્સાહથી ઉજવીએ છીએ એવી જ રીતે બહોળું મતદાન કરીને લોકશાહીના મહોત્સવની ઉજવણી કરવી જોઈએ. હું જ્યાં મગદલ્લાના બાપુનગર મહોલ્લામાં રહું છું ત્યાંના તમામ રહેવાસીઓને પણ મતદાન માટે પ્રેરણા આપીશ.

ક્રાંતિ સમય /ગુજરાતી/સુરત/સુરેશ મૌર્ય

સુરત, સુરત પાંડેસરા જીઆઈડીસી માં આવેલ પ્રયાગરાજ મીલ માં આગ ની ઘટના બનતા જ આગ મોટી હોવાથી ફાયરવિભાગ તરફ થી પ્રયાગરાજ મિલ બ્રિગેડ કોલ જાહેર કરાયો. આગ ફાટી નીકળતા અફડાતફડીનો માહોલ સર્જાયો છે. ફાયર બ્રિગેડના સૂત્રોના જણાવ્યા મુજબ રાત્રે 8:47 વાગે તેમને આગનો કોલ મળ્યો હતો. જે મુજબ પાંડેસરા પોલીસ સ્ટેશન નજીકમાં સ્થિત પ્રયાગરાજ ડાઇંગ એન્ડ પ્રિન્ટિંગ મિલમાં આગ ફાટી નીકળી હતી.પાંડેસરા ફાયર બ્રિગેડ ઉપરાંત શહેરના અન્ય ફાયર સ્ટેશન ની ગાડી ઘટના સ્થળે આવી ગયા હતા. અને આગ ઉપર કાબુ મેળવવા પ્રયત્ન શરૂ કર્યા હતા. જોકે આગે જોતજોતામાં વિકરાળ સ્વરૂપ ધારણ કરી લીધું હતું. પરિસ્થિતિ જોતા ફાયર બ્રિગેડે ઘટનાને બ્રિગેડ કોલ એટલે કે આગ મોટી હોવાનો કોલ જાહેર કર્યો હતો. મોટી આગને પગલે સમગ્ર વિસ્તારમાં અફડાતફડી તેમજ ભયનો માહોલ છે.

જે ઘટના સ્થળ ઉપર સ્થાનિક આ નેતાઓ, પુલીસ પ્રશાસન, અને તમામ ઝોન ના ફાયર સ્ટેશન ની વડા સ્થળ પર જોવા મળ્યા.

‘સુવર્ણ જયંતી’ અવસરે નહેરૂ યુવા કેન્દ્ર દ્વારા કબડ્ડી, ખો-ખો સ્પર્ધા યોજાઈ

સુરતઃસોમવારઃ કેન્દ્ર સરકારના યુવા કાર્યક્રમ અને રમત-ગમત મંત્રાલય હેઠળના નેહરૂ યુવા કેન્દ્ર-સુરત દ્વારા ઓલપાડ તાલુકાના તળાદ ગામની હાઈસ્કુલ ખાતે નેહરૂ યુવા કેન્દ્રની ‘સુવર્ણ જયંતી’ નિમિત્તે કબડ્ડી, ખો-ખો જેવી રમતગમત સ્પર્ધા યોજાઈ હતી. વિજેતા યુવા-યુવતીઓને પ્રમાણપત્ર તથા મેડલથી સન્માનિત કરવામાં આવ્યા હતા.
તા.૧૪મી નવેમ્બર,૧૯૭૨ના રોજ કેન્દ્ર સરકાર દ્વારા નેહરૂ યુવા કેન્દ્ર સંગઠનની સ્થાપના થઈ હતી. આ વર્ષે નેહરૂ યુવા કેન્દ્રના ૫૦ વર્ષ (સુવર્ણ જયંતી) પૂર્ણતાના અવસરે આયોજિત કબડ્ડી અને ખો-ખો સ્પર્ધામાં વિદ્યાર્થીઓએ ઉત્સાહભેર ભાગ લીધો હતો.
આ પ્રસંગે નિરીક્ષક તરીકે NYV શ્રી મનોજ દેવીપુજક સહિત તળાદ હાઇસ્કુલના મંડળ પ્રમુખ ઇશ્વરભાઇ પટેલ, ઉપપ્રમુખ ભગવતીભાઈ પટેલ, ઉપપ્રમુખ કોસમિયા, ઉચ્ચતર માધ્યમિકના આચાર્ય દોલતસિંહ ઠાકોર, પ્રા.વિભાગના આચાર્ય નટવરભાઈ પટેલ, કદરામા સખી મંડળના પ્રમુખ નેન્સી પટેલ સહિત મોટી સંખ્યામાં રમતવીરો, વિદ્યાર્થીઓ ઉપસ્થિત રહ્યા હતા.

પોસ્ટલ બેલેટથી મતદાન માટે કુલ ૮૯૫ અરજદારોએ અરજી કરી છે

સુરત પૂર્વમાં સૌથી વધુ ૮૩૮ અને કરંજ વિધાનસભામાં સૌથી ઓછા ૧૧૮ મતદારો ૯૦ થી ૯૯ વય ધરાવે છે

‘વિધાનસભા સામાન્ય ચૂંટણી-૨૦૨૨: અવસર લોકશાહીનો’

સુરત:સોમવાર: આગામી સમયમાં યોજાનાર ગુજરાત વિધાનસભાની સામાન્ય ચૂંટણી-૨૦૨૨ અન્વયે મહત્તમ મતદાન થાય અને ૮૦ વર્ષથી વધુ વયના વડીલો પણ તેમના મતાધિકારનો સમાન રીતે ઉપયોગ કરી શકે એ હેતુથી જિલ્લા ચૂંટણી પંચ દ્વારા પોસ્ટલ બેલેટની વ્યવસ્થા કરવામાં આવી છે. જે અંતર્ગત ૮૦ વર્ષથી વધુની વયના વૃદ્ધો ઘરઆંગણે મતદાન ટુકડીના નિરીક્ષણમાં પોતાનો મત આપી શકે છે.
સુરત જિલ્લાની ૧૬ વિધાનસભાના ૬૨,૦૩૭ જેટલા ૮૦ વર્ષથી ઉપરના વરિષ્ઠ મતદારોને જિલ્લા ચૂંટણી પંચ દ્વારા નિયુક્ત કરાયેલા BLOના માધ્યમથી ઘરે ઘરે જઈ પોસ્ટલ બેલેટ માટે અરજી કરવાની સુવિધા પૂરી પાડવામાં આવી છે. જેમાંથી અંદાજિત ૮૯૫ અરજીઓ મળી છે. ઉક્ત અરજીઓમાંથી સૌથી વધારે સંખ્યા ઓલપાડ વિધાનસભાથી આવી છે. ઉલ્લેખનીય છે કે, પોસ્ટલ બેલેટના માધ્યમથી મત આપવા ઈચ્છુક અરજદારોને અગાઉથી જાણ કરી મતદાન દિવસ પહેલા જ મતદાન કરાવી દેવામાં આવશે.
નોંધનીય છે કે, સુરતની ૧૬ વિધાનસભાઓમાં સુરત પૂર્વમાં સૌથી વધુ ૮૩૮ અને કરંજ વિધાનસભામાં સૌથી ઓછા ૧૧૮ મતદારો ૯૦ થી ૯૯ વય ધરાવે છે.

પ્રિસાઈડીંગ-પોલીંગ ઓફિસર સહિતના કર્મચારીઓને ત્રણ સેશન્સમાં તાલીમબદ્ધ કરાયા

સુરતઃરવિવારઃ ભારતીય ચૂંટણી પંચ દ્વારા શાંતિપૂર્ણ વાતાવરણમાં ન્યાયી અને નિષ્પક્ષ રીતે ગુજરાત વિધાનસભાની સામાન્ય ચૂંટણી યોજાય તે માટેની આયોજનબદ્ધ તૈયારીઓ થઇ રહી છે. જે અંતર્ગત સુરત જિલ્લાની ૧૬ વિધાનસભા બેઠકના વિવિધ તાલીમ કેન્દ્રો પર પ્રિસાઈડીંગ-આસિસ્ટન્ટ પ્રિસાઈડીગ ઓફિસરો સહિત કુલ ૧૬,૭૫૫ પોલીંગ સ્ટાફને બે દિવસ દરમિયાન તાલીમ આપવામાં આવી હતી.

સુરત શહેર સહીત જિલ્લાના વિવિધ તાલીમ સેન્ટર ખાતે જિલ્લા ચૂંટણી અધિકારીશ્રી આયુષ ઓક, અધિક જિલ્લા ચૂંટણી અધિકારી કમલેશ રાઠોડના માર્ગદર્શન હેઠળ વિધાનસભા મતવિસ્તારોમાં માસ્ટર ટ્રેનર્સ દ્વારા પ્રિ-પોલ, પોલ-ડે અને આફ્ટર પોલ, EVM, VVPAT, રિસીવીંગ-ડિસ્પેચીંગ સહિતની તબક્કાવાર કામગીરીની પાવર પોઇન્ટ પ્રેઝન્ટેશન દ્વારા જરૂરી જાણકારી અને સમજની સાથોસાથ ચૂંટણીલક્ષી કામગીરી સબબ પ્રત્યક્ષ પ્રેક્ટીકલ નિદર્શન દ્વારા વિસ્તૃત માર્ગદર્શન પણ આપવામાં આવ્યું હતું.

   પ્રિસાઇડિંગ ઓફિસર અને આસિસ્ટન્ટ પ્રિસાઇડીંગ ઓફિસર, પ્રિસાઇડીંગ ઓફિસર અને ફીમેલ પ્રિસાઇડીંગ ઓફિસર સહિતના અધિકારીઓ-કર્મચારીઓ માટે યોજાયેલા આ તાલીમ વર્ગમાં નિરીક્ષકની  સાથે મતદાનની કામગીરી સરળ બની રહે તે માટેની આવશ્યક સૂચનો આપવામાં આવ્યા હતા. જે મુજબ મતદાન મથકના ફરજ પરના અધિકારીઓ-કર્મચારીઓને જુદા જુદા વૈદ્યાનિક ફોર્મની વિગતો ભરવા ઉપરાંત રજીસ્ટરમાં તેની નોંધણી, મોકપોલ, મતદાન પ્રક્રિયા પૂર્ણ થયા બાદ EVM મશીન, VVPAT સીલ કરીને તેના ડિસ્પેચીંગ સુધીની તમામ બાબતોથી માહિતગાર કરવામાં આવ્યા હતા. શિક્ષણ અને ચુંટણી વિભાગના માસ્ટર ટ્રેનર્સે આ બે દિવસીય તાલીમ વર્ગોમાં તેમની સેવાઓ આપી હતી.