સુરત,સુરત મહાનગરપાલિકા સંચાલિત વધુ એક સિટી બસમાં આગ લગતા જ બસ સ્ટેશન પાસે ઉભાલે લોકો માં અફડા તફડી જેવો માહોલ સર્જાઈ ગયો હતોભાગ. સુરત રેલ્વે સ્ટેશન નજીક સિટી બસ સ્ટેશન પાસે ઊભેલી બસમાં અચાનક આગ લાગી હતી. અચાનક સિટી બસ ભડભડ સળગી ઉઠતા અફડા તફડી જેવો માહોલ સર્જાઈ ગયો હતો. ઘટનાની જાણ ફાયર સ્ટેશન ને કરાઈ હતી.ફાયરની ટીમ ઘટના સ્થળે પહોંચી આગ પર કાબૂ મેળવ્યો હતો. જોકે આ ઘટનામાં સમગ્ર બસ બળીને ખાક થઈ ગઈ હતી. સદનસીબે કોઈ જાનહાની થઈ ન હતી. આવી ઘટના વારંવાર બનતી હોવા છતાં કોઈ પણ યોગ્ય તપાસ કર કાર્યવાહી કેમ ન કરવામાં આવી તે એક તપાસ ની વિષય છે.

સુરત રેલ્વે સ્ટેશન ખાતે સુરત મહાનગરપાલિકા સંચાલિત સિટી બસનું મુખ્ય બસ સ્ટેશન આવેલું છે. સિટી બસ સ્ટેશન પાસે પાર્ક કરીને ઊભેલી સિટી બસમાં અચાનક જ આગ લાગી ઉઠી હતી. બસમાં આગ કયા કારણોસર લાગી તે આગ ના કારણોની તો જાણી શકાયું નથી. પરંતુ ઊભેલી બસમાં અચાનક આગ લાગતા સદનસીબે આ ઘટનામાં કોઈ જાનહાની થઈ નથી.

એક ગંભીર રીતે દાઝ્યો, દુકાનનો સામાન બળીને ખાખ.

સુરતના સચિન વિસ્તારમાં એક ઘટના સામે આવી છે. અત્યાર સુધી બ્લાસ્ટ થવાના અનેક કેસો માં મોબાઈલની બેટરીઓ બ્લાસ્ટ થવાના અનેક કિસ્સાઓ સામે આવ્યા છે.પરંતુ ઇલેક્ટ્રીક વ્હીકલની બેટરી પણ બ્લાસ્ટ થઈ શકે. તેવું એક ઘટના સચીન ખાતે આવેલ મહાલક્ષ્મી સોસાયટીમાં બન્યા.સચિન વિસ્તારમાં મહાલક્ષ્મી સોસાયટીમાં કરિયાણાની દુકાનમાં ચાર્જમાં મૂકેલી બેટરી અચાનક ધડાકાભેર બ્લાસ્ટ થયો હતી. જેને લઇ દોડધામ મચી જવા પામી હતી. દુકાન અને ઘરમાં હાજર એક વ્યક્તિને ગંભીર ઇજાઓ પહોંચી હતી. બેટરીમાં બ્લાસ્ટના કારણે દુકાનનો તમામ માલ સમાન બનીને ખાખ થઈ ગયો હતો. સુરતના સચિન વિસ્તારમાંથી ઈલેક્ટ્રીક બાઈકની બેટરી અચાનક બ્લાસ્ટ થઈ હોવાની ઘટના સામે આવી છે. સચિન વિસ્તારમાં ઘરની સાથે કરિયાણાની દુકાન ચલાવવામાં આવતી હતી તેમાં ઈલેક્ટ્રીક બાઈકની બેટરીને ચાર્જમાં મૂકવામાં આવી હતી. જેમાં અચાનક ધડાકા સાથે બ્લાસ્ટ થયો હતો. દુકાન અને ઘરમાં હાજર એક વ્યક્તિને ગંભીર ઇજાઓ પહોંચી તો ત્રણ જેટલા વ્યક્તિઓને નાની મોટી સામાન્ય ઇજાઓ થઈ હતી. બેટરીનો ધડાકો એટલો વિસ્ફોટક હતો કે દુકાનનો તમામ માલ સમાન બળીને ખાખ થઈ ગયો. ઈજાગ્રસ્ત યુવકને સારવાર માટે સિવિલ હોસ્પિટલ ખસેડવામાં આવ્યો હતો. જ્યાં તેની સારવાર ચાલી રહ્યા છે.

સચિનમાં રહેતા જયલાલ મુન્નીલાલ બીંદ સુરત આવ્યા હતા. સચિનમાં મહાલક્ષ્મી સોસાયટીમાં રહેતા સંબંધી મહેશકુમાર બીંદના ઘરે રહેતા હતા. મહેશકુમાર કરિયાણાની દુકાન પણ ચલાવે છે. મહેશકુમારે ઇલેક્ટ્રીક મોપેડ ખરીદી હતી. છેલ્લા ચાર દિવસથી મોપેડ ચાલું થતી નહતી. તેથી બેટરી કાઢીને દુકાનમાં ચાર્જિંગ માટે રાખી હતી. મહેશકુમારના પરિવારજનો અને જયલાલ તેમજ ઘરના સભ્યો બપોરે જમી રહ્યા હતા. તે સમયમાં મોપેડની બેટરીમાં અચાનક બ્લાસ્ટ થયો હતો. અચાનક જ બેટરી બ્લાસ્ટ થતાં ત્યાં હાજર સૌ કોઈ ગભરાઈ ગયા હતા. અને નાસભાગ મચી ગઈ હતી. અને સારવાર માટે નવી સિવિલ ખાતે ખસેડવામાં આવેલ હતા.

સુરત,સુરત જિલ્લાના કામરેજ તાલુકામાં વાવ ગામની સીમમાં આવેલા ખેતરાડી વિસ્તારમાંથી ગત તારીખ 12 ડિસેમ્બરના રોજ એક અજાણ્યા યુવાનની ગળાના ભાગે તીક્ષ્ણ હથિયાર વડે ઘા કરી હત્યા કરાયેલો મૃતદેહ મળી આવ્યો હતો. જેને પગલે જિલ્લા પોલીસે તપાસનો દોર શરૂ કર્યો હતો.

સુરત જિલ્લામાં બનવા પામ્યો છે. સુરત જિલ્લાના કામરેજ તાલુકાના વાવ ગામની સીમમાં આવેલા ખેતરાડી વિસ્તારમાં એક યુવાનનો હત્યા કરાયેલો મૃતદેહ પલાંઠી મારેલી હાલતમાં મળી આવ્યો હતો. તેની નજીકથી વિધિનો સામાન જેવો કે, ચાંદલા, કંકુ, દોરો તેમજ કાજલ મળી આવ્યો હતો. જિલ્લા પોલીસે અલગ અલગ ત્રણ જેટલી ટિમો બનાવી તપાસનો ધમધમાટ શરૂ કર્યો હતો. જે તપાસમાં 33 વર્ષીય મૃત્યુ પામનાર યુવાન રાહુલ સંતોષ તિવારી હાલ રહે કાપોદ્રા સુરત અને મૂળ મધ્ય પ્રદેશનો હોવાનું સામે આવ્યું હતું.

પોલીસે અલગ અલગ સ્થળોએથી CCTV ફૂટેજ મેળવી એક આરોપીની અટકાયત કરી હતી. જેને પૂછતાં ચોંકાવનારી હકીકત સામે આવી હતી. હત્યારો કોઈ અન્ય ન હતો પરંતુ મરણ જનારનો અંગત મિત્રજ હતો. જે પકડાયેલા આરોપીએ આકાશમાંથી પૈસાના વરસાદની વિધિના બહાને મિત્રને 2 લાખ રૂપિયા લઈ બોલાવી તેને ધ્યાનમાં બેસાડી મોતને ઘાટ ઉતારી રોકડ અને મોબાઈલ લઈ ફરાર થઈ ગયો હતો. બીજી તરફ પોલીસ અલગ અલગ સ્થળોએ CCTV ફુટેજની ચકાસણી કરતા તેની સાથે નજીકમાંજ રહેતો અને રાહુલનો અંગત મિત્ર ધર્મેન્દ્રસિંગ ગંગાસિંગની છેલ્લી વખત સાથે હોવાની હાજરી માલુમ પડી હતી. જે મૂળ મધ્યપ્રદેશનો અને રાહુલના ગામ નજીક ગામનો હોવાનું સામે આવ્યું હતું. તેની પોલીસે અટકાયત કરી આખરી પૂછ પરછ કરતા ચોંકાવનારો મામલો સામે આવ્યો હતો.

મરણ જનાર રાહુલ તિવારીએ તેના અંગત મિત્ર ધર્મેન્દ્રસિંગને ઉછીના 20 હજાર રૂપિયા આપ્યા હતા. રાહુલે બાળકના અભ્યાસની ફી ભરવાની હોવાથી અને ખેતીની જમીન ખરીદવા મિત્ર પાસે આપેલા ઉછીના રૂપિયા વારંવાર પરત માંગ્યા હતા. તો બીજી તરફ હત્યારા ધર્મેન્દ્રસિંગના મગજમાં કઈક અલગજ ષડયંત્ર રચાયું હતું. જરૂરિયાત મંદ રાહુલને ધર્મેન્દ્રસિંગ એ તેને આસમાનથી પૈસા પાડવાની વિધિ જાણતો હોવાની લાલચ આપી હતી.

સચિન: માંડ ચાર પાંચ આંકડાનો પગાર, નહીં ઉચ્ચ પદ, છતાં નગર સેવકનું પદ જે આજકાલ ઉપાર્જનનું મજબૂત સાધન બન્યું છે? એવી નગર ચર્ચા શરુ થઇ ગઈ છે. વોર્ડ ૩૦ને બે વર્ષ થયા સીમાંકન થયું. હજી ઘણા કામ બાકી. બીજાઓનું પાણી કાપી ત્રીજાને આપ્યું, તેની હાય કોઈને લાગી ગઈ, વોર્ડ ૩૦ માં થઇ રહેલ નગર ચર્ચા પ્રમાણે કોર્પોરેટરને મહિને માત્ર ચાર પાંચ આંકડાનું વેતન મળતું હોય છે અને કોઈ કમિટી કે બોર્ડની બેઠકમાં હાજરી આપે તો તેના બેઠક દીઠ રૂા. ૧૦૦, બસો મળતા હોય છે. છતાં ભાજપ, કોંગ્રેસ કે આપ બધાજ પક્ષ દ્વારા ટિકિટ માટે કે, નગર સેવક બનાવ ખેંચતાણ કેમ કરતા હોય છે? તે સવાલનો સીધો જવાબ સ્થાનિક જનતા પાસે એમના અનુભવ પરથી છે . નગરસેવક, પોતાના વિસ્તારની સેવા અને વિકાસની ભાવના કરતા પોતાની અંગત વિકાસની ભાવના વધુ તીવ્રતાથી એમનામાં ફૂંફાડા મારતી હોય છે અને એ વિકાસની ભાવના વધુ તીવ્ર હોય છે. એવું સ્થાનિક લોકોનું માનવું છે. વરિષ્ઠો ને સાંભળો તો જાણવા મળે કે, રાજકીય પદો પહેલાના જમાનામાં સેવાની ઉચ્ચ ભાવનાથી મેળવવામાં આવતા હતા હવે તો બધા ઉચ્ચ પદ એક પ્રકારનું ઉપાર્જનનું મજબૂત સાધન બની ગયું લાગે છે. આ સત્ય તમામ નેતાગણ કે ટિકિટવાંચ્છુઓ અને નગર સેવકો સારી પેઠે સમજતા થઇ ગયા છે. મ્યુનિ.ના ઉપરના ખાસ હોદ્દેદારો અને અમુક કમિટીઓના ચેરમેનોને કાર અને ડ્રાયવરની સુવિધા મળતી હોય છે. મેયરને સમૃદ્ધ વિસ્તારમાં બંગલો મળતો હોય છે. ઉચ્ચ હોદ્દેદારોથી સામાન્ય કોર્પોરેટર સુધીના તમામ તેમની આવડત પ્રમાણે પોતાના ખર્ચાઓ માટેના સાધનો શોધી કાઢતા હોય છે. સ્ટેન્ડિંગ કમિટીના ચેરમેનનું પદ ખાસમખાસ ગણાય છે. અમુક ખાસ કોર્પોરેટરો પોતાના ખર્ચા કાઢવાના રસ્તાઓ ગેરકાયદે બાંધકામો અને રોડ, રસ્તાઓ માંથી શોધી લેય છે તો ક્યારેક આ માટે અમુક ખાતાના અધિકારીઓની મદદ પણ લેવાય છે. જેથી બિલ્ડર, કોન્ટ્રાક્ટર કે મકાન માલિક ગભરાઈને મળવા આવી જાય છે. ત્યારે વોર્ડ ૩૦ ના કોર્પોરેટર શું આવું કરી શકે છે?
ગેરકાયદે બાંધકામોની સાઇડો શોધીને તેમની સામે અરજીઓ કરવા બે-પાંચ ફોલ્ડરોની ટોળકી પણ ઉભી કરવાની, જે નવા શિકાર શોધી કાઢે છે . શું આવું નગર સેવકો કરતા હશે ? કમિટીના ચેરમેન બની ગયા તો એજન્ડા પર આવતી દરખાસ્તોમાંથી શુભેચ્છા લેવાનું. કોન્ટ્રક્ટર મળવા ન આવે તો એ દરખાસ્ત વધુ વિચારવાની જરૂર છે કહી અનિર્ણિત રાખવાની. આ ઉપરાંત પોતાના વિસ્તારના લારી ગલ્લા કે ફૂડ-પાર્લરોની ખાસ શુભેચ્છા મીઠાઈ નક્કી કરવાના કે છૂપી ભાગીદારી કરી લેવાની, કેમ કે તેમને રાજકીય રક્ષણની સખત જરૂર હોય છે. તો શું આવું નગર સેવકો કરતા હશે ? ઉપરાંત ભવિષ્યમાં ધારાસભ્ય કે મંત્રી બનવાના સપના જોતા હોય, તેમના માટે કોર્પોરેટરે બની ગયા પછી રસ્તો ખુલ્લો થતો હોય છે. આગળ જવા માગનારાઓ નગરસેવકો નાના નાના ભ્રષ્ટાચારમાં ઇમેજ બગાડતા નથી તેઓ વ્યક્તિગત ઇમેજ બનાવીને લાંબો કૂદકો મારવાની તૈયારી કરતા હોય છે. જ્યારે ઝડપથી ધનિક થઈ જવાના સપના જોનારાઓ અમુક નગરસેવકો ગેરકાયદે બાંધકામોની શુભેચ્છા મીઠાઈ , જે કમિટીના ચેરમેન હોય તે કમિટીના એજન્ડા પર આવતા કામોમાંથી ખાસ શુભેચ્છા, કોન્ટ્રાક્ટર સાથે પોતાના દિકરા કે જમાઈને ગુપ્ત રીતે ભાગીદારીમાં ગોઠવી દઈને તેને કરોડોના કામો મળે તેવી ગોઠવણ પાર પાડવી, મોટી ખરીદના ટેન્ડરમાં ટકાવારી વગેરે બાબતો મુખ્ય છે. તો શું આવું નગર સેવકો કરતા હશે ?
કેટલીક વખત તો ચૂંટણી કે પાર્ટીફંડના નામે પણ ટકાવારી લેવાતી હોય છે. ભ્રષ્ટાચાર નિર્મૂલનની ચૂંટણી પર પોકારાતી ગુલબાંગો ચૂંટણી પત્યે પોટલું વાળીને માળીએ ચડાવી દેવામાં આવે છે. એ બધા ચૂંટણી સમયના જુમલા હોય છે. ક્યારેક તો દેખીતી રીતે જ ખોટું હોય તેવું કામ ઉપરવાળા ગાંધીનગરમાં બેઠેલાઓના નામે કરી કાઢવામાં આવે છે. બીજી તરફ વિપક્ષના કોર્પોરેટરો પણ ગેરકાયદે બાંધકામ સહિતની શુભેચ્છા મીઠાઈ મેળવી લેતા હોય છે. બોર્ડમાં સત્તાવાળાઓની વિરોધમાં બોલીને બળાપો કાઢ્યા બાદ, ઓફિસની અંદર ‘મિલ બાંટકે ખાવો ’ના મુદ્રાલેખ પ્રમાણે બધું જ સમુ-સુતરૂં ગોઠવાઈ જતું હોય છે. આ ખાસ શુભેચ્છા મીઠાઈ ચાખી ગયેલાઓ બીજાને ચાન્સ ન મળે ફરી મનેજ ટિકિટ મળે, તે માટે ધમપછાડા કરતા જ હોય છે. મહિલાઓ માટે 50 ટકા બેઠકો અનામત હોવાથી રસાકસી વધી છે છતાં કેમ ટિકિટ મેળવવી તે સહુને આવડે જ છે.
તો શું આવું નગર સેવકો કરતા હશે ?……
તો શું આવું નગર સેવકો કરતા હશે ? હા કે ના નો પર્દાફાશ ?તથા આવા ઘણા સવાલોના જવાબો નામ અને પુરાવા સાથે આપ સમક્ષ અમે લાવી રહ્યા છે.

દારૂ પી ના ગાડી ચલાવનાર વ્યકિત પુલીસ ને ખુલ્લેઆમ ચેલેન્જ કરતા નજર આવ્યું.

સુરત, સુરત ખાતે આવેલ તેરેનામ ચોકડી પાસે ગલીમાં થી કારચાલક ની ના વિડીયો.

૩૮ વર્ષીય બ્રેઈનડેડ સ્વજનના લીવર અને બંન્ને કિડનીનું દાન કરી ત્રણ વ્યક્તિઓને નવજીવન બક્ષતો સુરતનો ખંડારે પરિવાર

સુરતઃડાયમંડ સિટી, સિલ્ક સિટી અને બ્રિજ સિટી સાથે સાથે સુરત હવે ઓર્ગન ડોનર સિટી તરીકે નામના મેળવી રહ્યું છે, ત્યારે સુરતની નવી સિવિલ હોસ્પિટલના ડોકટરોના સફળ પ્રયાસોના પરિણામે દસમું અંગદાન કરાવવામાં આવ્યું છે. સુરતના ખંડારે પરિવારે બ્રેઈનડેડ સ્વજનના લીવર અને બન્ને કિડનીનું દાન કરી ત્રણ વ્યક્તિઓને નવજીવન બક્ષ્યું છે.
સુરત શહેરના એસએમસી ક્વાટર્સ, ન્યુ સિટીલાઈટ રોડ ખાતે રહેતા અનિલ અશોક ખંડારે ગત તા.૨જી ડિસેમ્બના રોજ સાંજે ૭:૦૦ વાગ્યે પોતાના ઘરના દાદર ઉતરતા હતા, એ સમયે તેઓને માથામાં દુ:ખાવો થતા દવા લઈને સુઈ ગયા હતા. બીજા દિવસે તા.૩જીના રોજ રાત્રિ દરમિયાન અચાનક તબિયત લથડતા પરિવાર દ્વારા ૧૦૮ એમ્બ્યુલન્સમાં તત્કાલ નવી સિવિલમાં સારવાર માટે ખસેડવામાં આવ્યા હતા. પ્રાથમિક સારવાર બાદ આઈ.સી.યુ.માં શિફ્ટ કરીને સિટી બ્રેઈન રિપોર્ટ કરતા અનિલ ખંડારેને વધુ બ્લડ પ્રેશર હોવાથી મગજનું હેમરેજ થયું હોવાનું નિદાન થયું હતું.

તેમના સ્વસ્થ થવાની સંભાવના ન હોવાથી તેમની સારવાર દરમિયાન ગત તા.૪થીના રોજ નવી સિવિલના ન્યુરોફિઝીશ્યન ડો.જય પટેલે અનિલભાઈને બ્રેઈનડેડ જાહેર કર્યા હતા. સ્ટેટ ઓર્ગન એન્ડ ટીસ્યુ ટ્રાન્સપ્લાન્ટ ઓર્ગ.- SOTTO અને નોટોના ઓર્ગન ડોનેશન ટીમના સભ્યો તેમજ સિવિલના આર.એમ.ઓ. ડો.કેતન નાયક સહિત સિવિલની તબીબી ટીમ દ્વારા આ અંગેની પરિવારજનોને જાણકારી આપી તેમજ અંગદાનનું મહત્વ અને તેની સમગ્ર પ્રક્રિયા સમજાવી.
સ્વ.અનિલભાઈના પરિવારમાં ધર્મપત્ની દિપાલીબેન ૧૦ વર્ષીય પુત્ર મયુર, ૭ વર્ષીય પુત્ર સર્ગસ ખંડારે અને ૪ વર્ષીય પુત્રી દેવાસી છે. પરિવારે અંગદાનની મંજૂરી આપી જણાવ્યું કે, અમારા સ્વજનનું શરીર બળીને રાખમાં મળી જવાનું છે, ત્યારે તેમના અંગો જરૂરિયાતમંદ દર્દીઓને કામ લાગી શકે તે બધા જ અંગોનું દાન કરાવો. પરિવારજનોની સહમતિ મેળવ્યા બાદ અમદાવાદની ઈન્સ્ટીટયુટ ઓફ કિડની ડિસીઝીસ એન્ડ રિસર્ચ સેન્ટર-IKDRC ને નિયત ગાઈડલાઈન મુજબ લીવર અને બન્ને કિડની ફાળવવામાં આવ્યા. તેમના અંગદાનથી ત્રણ વ્યક્તિઓને નવજીવન મળ્યું છે.
આ અંગદાનના સેવા કાર્યમાં સુરત પોલીસ દ્વારા સિવિલ હોસ્પિટલથી કામરેજ સુધી ગ્રીન કોરિડોર તૈયાર કરવામાં આવ્યો હતો. અંગદાનની કામગીરી સુપેરે પાર પાડવા સુરત સિવિલ સુપ્રિન્ટેન્ડેન્ટ શ્રી ડો.ગણેશ ગોવેકર, RMO ડો.કેતન નાયક, નર્સિંગ અને સિક્યોરિટી સ્ટાફ તેમજ સ્વયંસેવકોએ જહેમત ઉઠાવી હતી.