સુરત શહેરના લિંબાયત વિસ્તારમાં આપધાતના બે બનાવ બન્યા છે. પહેલા બનાવમાં કોઇ કારણસર કારખાનામાં કારખાનેદારે અને બીજા બનાવમાં બિમારીથી કટાંળીને યુવાને આત્મહત્યા કરી મોતને વ્હાલુ કર્યુ હતું. સ્મીમેર હોસ્પિટલથી મળેલી વિગત મુજબ પુણાગામમાં સાંઇ કૃર્પા રો હાઉસમાં રહેતા ૫૦ વર્ષીય અનિલભાઇ ગનુભાઇ માંડણકા લિંબાયતમાં નારાયણનગરમાં ભાગીદારીથી એમ્બ્રોઇડરીનું કારખાનું ચલાવતા હતા. જોકે એક બે માસથી આ કારખાનું બંધ હતુ. બુધવારે બપોરથી રાત દરમિયાન તેણે કોઇ કારણસર કારખાનમાં લોખંડ એંગલ સાથે દોરી બાંધી ગળે ફાંસો ખાઇ જીવન ટુંકાવ્યું હતું. તેમને સંતાનમાં એક પુત્ર છે. બીજા અન્ય બનાવમાં લિંબાયત વિસ્તારના જ શિવકૃર્પા સોસાયટીમાં રહેતા ૨૫ વર્ષીય ગંગેશ્વર વિજયસિંગ સિરાસે બધુવારે સાંજે ઘરમાં છતના હુક સાથે ચાદર બાંધી ગળે ફાંસો ખાઇ આત્મહત્યા કરી હતી. પોલીસે જણાવ્યું કે તે બિમારીથી કટાંળીને જઇને આ પગલુ ભર્યુ હોવાની શકયતા છે. તે છુટક કામ કરતો હતો. આ બંને બનાવ અંગે લિંબાયત પોલીસે તપાસ હાથ ધરી છે.

કોર્પોરેટર કૃણાલ સેલરે જણાવ્યું કે, અહીં રહેતી જાહેરજનતાની આસ્થા પણ આ વિસ્તાર સાથે જોડાયેલી છે. જેથી અત્રેની જાહેર જનતાની લાગણી સાથે માંગણી છે કે આ લેન્ડમાર્કનાં નામને ફેરબદલ કરવામાં આવે. લોકલાગણી મુજબ જહાંગીરપુરા વિસ્તારનું નામ મુળનામ મુજબ “કુરૂક્ષેત્ર” ક૨વામાં આવે અને જહાંગીરાબાદનું નામ “કુરૂધામ” નામ કરવામાં આવે તાપી નદી અને તેના તટ પર આવેલા ગામોની એક અલગ ઓળખ છે તેનું ધાર્મિક મહાત્મય પણ છે અને તેના આધારે જ નામ હોવા જોઈએ એવી સ્વાભાવિક લોકોને લાગણી હોય. જેથી જિલ્લા કલેકટર, મ્યુનિસિપલ કમિશનર, સાંસદ, ધારાસભ્યોને લેખિતમાં રજૂઆત કરી છે.

સુરત શહેરમાં કાયદો અને વ્યવસ્થાની સ્થિતિ જળવાઈ રહે તે માટે પોલીસ દ્વારા મેગા કોમ્બિંગ કરવામાં આવે છે. સુરત પોલીસ દ્વારા પાંડેસરા વિસ્તારમાં આવેલા વિઘ્નવંશી આવાસ પર કોમ્બિંગ કરવામાં આવ્યું હતું. PI, PSI અને 46 પોલીસકર્મીઓની 7 અલગ-અલગ ટીમો બનાવવામાં આવી હતી. કેમ્બિંગમાં 12 બિલ્ડીંગના 216 મકાનોની તપાસ કરવામાં આવી હતી. આ રાત્રિ કોમ્બિંગ દરમિયાન 61 લોકોની ધરપકડ કરવામાં આવી હતી. ઓછામાં ઓછા 51 વાહનો અને ચપ્પુ અને તલવાર જેવા હથિયારો પણ જપ્ત કરવામાં આવ્યા હતા.

પાંડેસરા બુડિયા રોડ ખાતે આવેલા વિધ્નવંસી આવાસમાં એન્ટ્રી એક્ઝિટ પોઈન્ટ પર નાકાબંધી કરી કોમ્બિંગ હાથ ધરવામાં આવ્યું હતું. પોલીસ દ્વારા 12 બિલ્ડિંગના કુલ 216 મકાનો ચેક કરવામાં આવ્યા હતા અને હાજર મળી આવેલા લોકોની સઘન પૂછપરછ કરી તથા આવાસના રૂમોની ઝડતી અને તપાસ કરી હતી. કોમ્બિંગ દરમિયાન પોલીસ દ્વારા 85 ભાડુઆતો ચેક કરવામાં આવ્યા હતા. પીધેલાના 20 કેસ, 63 શંકાસ્પદ ઈસમોને ચેક કરવામાં આવ્યા હતા. આમ કોમ્બિંગ દ્વારા પોલીસે 61 ઇસમોને અટક કરવામાં આવ્યા હતા અને 51 વાહનો તેમજ તલવાર અને ચપ્પુ જેવા હથિયારો પણ જપ્ત કરીને કાયદેસરની કાર્યવાહી હાથ ધરવામાં આવી હતી.

ગુજરાત અને ખાસ કરીને સુરત માટે ગૌરવની વાત છે કે દેશભરના લોકો જે ક્ષણની આતુરતાથી રાહ જોઈ રહ્યા હતા, તે ચંદ્રયાન-3 માટે સિરામિક પાર્ટ્સ સુરતની એક કંપનીએ બનાવ્યું છે. સુરતની હિમસન સિરેમિક કંપની છેલ્લા 30 વર્ષથી ઇસરો માટે સ્કિવબ્સ તૈયાર કરે છે. ઇન્ડિયન સ્પેસ રિસર્ચ ઓર્ગેનાઈઝેશન ઈસરો ચંદ્રયાન 3 લઈ ખૂબ જ ઉત્સાહિત છે. ત્યારે જણાવી દઈએ કે ચંદ્રયાન 3માં સુરતની એક કંપની જે સ્કિવબ્સ બનાવે છે તેનો ઉપયોગ ઈસરો દ્વારા કરવામાં આવ્યો છે. ચંદ્રયાન-2 માં પણ આ જ સ્કિવબ્સનો ઉપયોગ કરાયો હતો. 

હિમસન સિરેમિક કંપનીના ડાયરેક્ટર નિમેષ બચકાની વાલાએ જણાવ્યુ હતુ કે તેમની કંપની 1994 થી સેટેલાઈટ અને સ્પેસયાન આવશ્યક સિરેમિક સ્પેરપાર્ટ બનાવીને ઈસરોને સપ્લાય કરે છે. ચંદ્રયાન ત્રણમાં પણ કંપની દ્વારા તૈયાર સ્ક્વિબ્સ કમ્પોનન્ટ્સ લાગ્યા છે. જે અમારી માટે ગર્વની બાબત છે. ભલે ગઈ વખતે ચંદ્રયાન બેમાં લેન્ડિંગ વખતે સમસ્યા સર્જાઈ હોય પરંતુ આ વખતે અમને પૂર્ણ વિશ્વાસ છે કે ભારત ચંદ્રયાન-3 ને સફળતાપૂર્વક પૂર્ણ કરશે અને વિશ્વ ભારતની વૈજ્ઞાનિક શક્તિને ફરી એક વખત જોશે. કંપનીમાં બનાવેલુ સ્ક્વિબ્સએ યાનના નીચેના ભાગમાં લગાવવામાં આવતું હોય છે જેનો ઉપયોગ ઇન્સ્યુલેશન તેમજ ઇગ્નિશનમાં થાય છે. આ ખાસ પાર્ટ્સના કારણે વાયરીંગ સુરક્ષિત રહે છે અને તેમાં કોઈપણ પ્રકારે આગ લાગતી નથી, કારણ કે જ્યારે યાનને લોન્ચ કરવામાં આવે છે ત્યારે નીચેના ભાગમાં ફાયરિંગની જ્વાળા ઉપર તરફ ન આવે અને વાયરીંગ સુરક્ષિત રહે તે માટે આ પાર્ટ્સનો ઉપયોગ કરવામાં આવે છે.

સુરતમાં ધોળે દિવસે મોટા વરાછા વિસ્તારમાંથી સ્ટોક માર્કેટ ઓફિસ ચલાવતા અમદાવાદના વેપારીનું તા.૦૫/૦૭/૨૦૨૩ ના રોજ અપહરણ થયું હતું, જેના પછી સીસીટીવી પણ સામે આવ્યુ હતું. CCTVમાં જોવા મળે છે કે રસ્તાના કોર્નર પર એક કાર પાસે વેપારી અને અપહરણકારો ઊભા છે. બાદમાં તેઓ વચ્ચે બોલાચાલી થાય છે, આથી અપહરણકારો ઉશ્કેરાતાં વેપારીનું અપહરણ કરવા ઉપર ઊતરી આવે છે. વેપારી તેની ચુંગાલમાંથી છૂટવા માટે ઘણા ધમપછાડા કરે છે, પરંતુ અપહરણકારો તેને બળજબરીથી કારમાં બેસાડી લઈ જાય છે. આ અંગે ઉત્રાણ પોલીસને જાણ થતાં સીસીટીવીના આધારે ત્રણની શખસની ધરપકડ કરીને વેપારીને અપહરણકારોમાંથી છુટકારો કરાવ્યો છે તેમજ અન્ય ત્રણ શખસ ફરાર થઈ ગયા હોવાની માહિતી મળી છે.

મોટા વરાછા વિસ્તારમાં અમદાવાદના સ્ટોક માર્કેટના વેપારી શક્તિ ધડુક સુરત શહેરમાં આવ્યા હતા. તેઓ છેલ્લા 15 દિવસથી સુરતની એક હોટલમાં રોકાયા હતા. તા.૦૫/૦૭/૨૦૨૩ ના રોજ તેનું અપહરણ થઈ ગયું હોવાની ઘટના બની હતી. પોલીસે તપાસ શરૂ કરતાં જે સ્થળ ઉપરથી અપહરણ થયું હતું તેના સીસીટીવી હાથ લાગ્યા હતા, જેના આધારે ઉત્રાણ પોલીસે તપાસ શરૂ કરી હતી. વેપારી યુવકના અપહરણ થવાની ઘટનામાં સીસીટીવીમાં સ્પષ્ટ જણાઇ આવતું હતું કે 3 શખસ બળજબરીથી તેને કારમાં બેસાડવા પ્રયાસ કરે છે, જેમાં એક શખસે વેપારીનું મોઢું દબાવતો જોવા મળે છે, જ્યારે બે શખસને તેને કારમાં ધકેલતા જોવા મળે છે. અંતે, વેપારીને કારમાં બેસાડીને ફરાર થઈ જાય છે. સૂત્રો પાસેથી મળતી માહિતી મુજબ અઢી કરોડ રૂપિયાની લેતીદેતીમાં અપહરણ થવાની વાત સામે આવી રહી છે. શક્તિ ધડુક અમદાવાદમાં સ્ટોક માર્કેટની ઓફિસ ધરાવે છે. યુવક છેલ્લા કેટલાક દિવસોથી સુરતમાં આવી જતાં લેણદારો તેનો પીછો કરી રહ્યા હતા. અપહરણકારો સુરતના મોટા વરાછા વિસ્તારમાં હોવાનું જણાઈ આવતાં ત્રણની ધરપકડ કરી છે.

સુરત, મહિધરપુરા પોલીસ સ્ટેશનના જણાવ્યાનુસાર આઈ.પી.સી. અને આઈ.ટી.એકટ કલમ હેઠળના આરોપી કરણ કુમાર રમેશભાઈ (રહે. ઘર નં- ૬૧૦૪, ગુરુદ્વારા વાળી ગલી, નબી કરીમ, પહાડગંજ જિલ્લો, સેન્ટ્રલ દિલ્હી,) પોતાની ધરપકડ ટાળવા નાસતા ફરે છે. જેની શોધખોળ શરૂ છે. આરોપી કરણકુમાર ધરપકડ માટે કોર્ટમાંથી વોરન્ટ મેળવવામાં આવ્યું છે તેમ મહિધરપુરા પો.સ્ટેશનના પોલીસ ઈન્સ્પેકટરની યાદીમાં જણાવાયું છે.

મહિધરપુરા પોલીસ સ્ટેશનના જણાવ્યાનુસાર આઈ.પી.સી. અને આઈ.ટી.એકટ કલમો હેઠળના આરોપી ઓમપ્રકાશ ઝુનીલાલ દિપાંકર (રહે. સૌનાઇરી, જિ. રેવા, મધ્યપ્રદેશ)ની શોધખોળ શરૂ છે. જે પોતાની ધરપકડ ટાળવા નાસતા ફરે છે. જેના વિરૂધ્ધ કોર્ટમાંથી ધરપકડ વોરન્ટ મેળવવામાં આવ્યું છે તેમ મહિધરપુરા પો.સ્ટેશનના પોલીસ ઈન્સ્પેકટરની યાદીમાં જણાવાયું છે.

સુરત, રાજ્યના શ્રમ, કૌશલ્યવિકાસ અને રોજગાર વિભાગ હેઠળ રોજગાર અને તાલીમ નિયામકશ્રીની કચેરી, ગાંધીનગર સંચાલિત ઔદ્યોગિક તાલીમ સંસ્થા સુરતને વર્ષ ૨૦૨૨-૨૩ માટે જુદાં જુદાં માપદંડોને આધારે શ્રેષ્ઠ કામગીરી બદલ ગુજરાત રાજયમાં બીજો ક્રમ પ્રાપ્ત થયો છે. ઔ.તા.સંસ્થા મજુરાગેટ સુરત ખાતે વિવિધ ૩૮ ટ્રેડમાં આધુનિક મશીનો ઉપર તાલીમ આપી સુરત અને આસપાસનાં ઉદ્યોગોને જરૂરી કૌશલ્યયુક્ત યુવાધન પુરૂ પાડવામાં આવે છે. આઈ.ટી.આઈ.માં તાલીમ મેળવી યુવાનો રોજગારી – સ્વરોજગારીની ઉત્તમ તકો પ્રાપ્ત કરી રહ્યા છે.

સંસ્થામાં ભરતી મેળા દ્વારા તાલીમાર્થીઓને સરકારી તથા ખાનગી કંપનીમાં રોજગારી તથા એપ્રેન્ટીશ તાલીમ માટેનું પ્લેટફોર્મ પુરૂ પાડવામાં આવે છે. મહિલા / SC / ST /PH ઉમેદવારોને વિનામૂલ્યે તાલીમ આપવામાં આવે છે. તાલીમાર્થીને તાલીમ ઉપરાંત સરકારની ઘણી બધી યોજનાઓનો લાભ પુરો પાડવામાં આવે છે. હાલ એડમીશનની પ્રક્રિયા શરૂ છે. ઔદ્યોગિક તાલીમ સંસ્થા સુરતમાં પ્રવેશ મેળવવા ઈચ્છુક ધોરણ-૭ થી ગ્રેજ્યુએટ થયેલાં ઉમેદવારોએ સંસ્થાનો રૂબરૂ સંપર્ક કરવા ઔદ્યોગિક તાલીમ સંસ્થાના આચાર્યનીયાદીમાં જણાવાયું છે.

સુરત ઇચ્છાપોરના વાસવાગામ નજીક એલ એન્ડ ટીના બે કોન્ટ્રાક્ટ બેઝ કર્મચારીઓના રોડ અકસ્માતમાં મૃત્યુ થયા હતા. બન્ને યુવાનો તેના ગામથી ઇચ્છાપોર ઘરે પરત ફરતા કાળનો કોળિયો બની ગયા હતા. ઇચ્છાપોર ગામના સરપંચ યોગેશ પટેલે જણાવ્યું હતું કે બન્ને એલ એન્ડ ટીમાં કોન્ટ્રાકટ પર જોબ કરતા હતા. સાગર અપરિણીત અને જતીન પરિણીત અને બે દીકરીઓનો પિતા હતો. ઇચ્છાપોર પોલીસે જણાવ્યું હતું કે ઘટના લગભગ મોડી રાતની છે. બન્ને યુવાનો વાસવાગામના રોડ પરથી ઝાડી ઝાંખરામાંથી ઇજાગ્રસ્ત હાલતમાં મળી આવ્યા હતા. ઘટના સ્થળ પાસે બાઇક પણ મળી આવ્યું હતું. તપાસ કરતા બન્ને યુવાનો ઇચ્છાપોર ગામના રહેવાસી જતીન રમેશભાઈ પટેલ અને સાગર બળદેવભાઈ પટેલ હોવાનું જણાઈ આવ્યું હતી.

ઇચ્છાપોર ગામના સરપંચ યોગેશ પટેલે જણાવ્યું હતું કે 30 વર્ષીય સાગર પટેલ અપરણીત હતો અને ત્રણ બહેનોનો એકનો એક ભાઈ હતો. પિતા ખેડૂત છે. જ્યારે એલ એન્ડ ટી કંપનીમાં કોન્ટ્રાકટ બેઝ પર સુપરવાઇઝરની નોકરી કરતો હતો. મૃતક જતીન 33 વર્ષનો હતો. 6 વર્ષ પહેલાં લગ્ન થયા હતા અને બે દીકરીઓનો પિતા છે. માતા શાકભાજી વેચે છે અને પિતા રીક્ષા ચલાવી પરિવારનું ગુજરાન ચલાવે છે. શ્રમજીવી પરિવારનો આર્થિક સહારો છીનવાઈ જતાં પરિવારમાં શોકનો કાલિમા છવાઇ ગઇ છે. જતીન અને સાગર તેના ગામથી બાઇક પર પરત ફરતા સ્લીપ મારી જતા મોતને ભેટ્યા હોવાનું પ્રાથમિક તપાસમાં બહાર આવ્યું છે. હાલ તો પોલીસે અકસ્માત મોતનો ગુનો નોંધી વધુ તપાસ હાથ ધરી છે.

વેસુ વિસ્તારમાં આવેલા ધ ગ્રાન્ડ્સ પ્લાઝા કોમ્પ્લેક્સ ઉપર બે યુવકો જોખમીભરી રીતે બનાવતા અને ફોટોગ્રાફી કરતા નજરે પડ્યા છે. બે યુવકો કોમ્પ્લેક્સ ઉપર ચઢીને જોખમ ભરી રીતે કેમેરાનો ઉપયોગ કરીને રીલ્સ બનાવતા હોય તેવું જણાય આવે છે. સોશિયલ મીડિયા ઉપર આ પ્રકારના વીડિયો મૂકવા માટેનું ઘેલું યુવકો માટે ખૂબ જોખમી પૂરવાર થઈ રહ્યું છે. છતાં પણ યુવકોનો આ શોખ એવો છે કે તેઓ જાણે પોતાના જીવની પણ ચિંતા કરતા નથી.

ધ ગ્રાન્ડ્સ પ્લાઝા ઉપર વીડિયોગ્રાફી કરવા ચઢેલા યુવકો-યુવકોને જોઈને રાહદારી દ્વારા વીડિયો ઉતારી લેવામાં આવ્યો હતો. જે વાઈરલ થઈ રહ્યો છે, જેમાં સ્પષ્ટ દેખાય છે કે યુવકો કેવી રીતે જોખમ ખેડી રહ્યા છે. આ પ્રકારના દૃશ્યો હવે સામાન્ય બનતા જઈ રહ્યા છે. યુવા પેઢીમાં જે રીતે સોશિયલ મીડિયા ઉપર છવાઈ જવાનું ઘેલું લાગ્યું છે. તેને કારણે અવનવા કરતો હોય છે અને જોખમમાં ઉઠાવતા હોય છે. સોશિયલ મીડિયામાં બધા કરતાં અલગ વીડિયો અને સેલ્ફી લેવાનો ટ્રેન્ડ યુવકો માટે ઘાતક પૂરવાર થઈ રહ્યો હોવા છતાં પણ યુવકો તેની ગંભીરતા લઈ રહ્યા નથી.

સુરત, જિલ્લા યુવા વિકાસ અધિકારીની કચેરી તેમજ સુરત જિલ્લા વહીવટીતંત્ર, સુરતનાં સંયુક્ત ઉપક્રમે ‘આઝાદીના અમૃત મહોત્સવ’ અંતર્ગત કલેકટર કચેરીના સભાખંડ ખાતે જિલ્લા વિકાસ અધિકારીશ્રી બી.કે.વસાવાના અધ્યક્ષસ્થાને સ્વાતંત્ર્ય સેનાનીઓના પરિવારજનોનો સન્માન-અભિવાદન કાર્યક્રમ યોજાયો હતો. જે અંતર્ગત દેશની આઝાદીમાં પોતાનું અમૂલ્ય યોગદાન આપનારા ૩ સ્વાતંત્ર્ય સેનાનીઓના પરિવારજનોનું અભિવાદન કરાયું હતું. મૂળ સુરતના સ્વતંત્રતા સેનાનીઓ લલિતાબેન નાયક અને કમલાબેન ચૌધરીના વારસદારોનું મોમેન્ટો, શાલ અને પુષ્પગુચ્છ દ્વારા સ્વાગત કર્યું હતું.

જિલ્લા યુવા વિકાસ અધિકારી સુશ્રી રાધિકા લાઠીયાએ ઉપસ્થિત સ્વાતંત્ર્ય સેનાનીઓના પરિવારજનોને આવકારી દેશને આઝાદી અપાવનાર વીર સપૂતોનાં બલિદાનને યાદ કરી આઝાદીનું ખરૂ મૂલ્ય સમજાવ્યું હતું. આ પ્રસંગે જિલ્લા રમત ગમત અધિકારીશ્રી જી.જી.વળવી, વિવેકાનંદ મંડળ પ્રમુખશ્રી વિજયભાઇ રાદડિયા તેમજ રમત-ગમત વિભાગના અન્ય સભ્યો ઉપસ્થિત રહ્યા હતા.