અઠવાલાઈન્સ નવચેતન સોસાયટીના કરોડોની મિલકતના વિવાદના કેસમાં દિનકરરાયે બારોબાર સમાધાન કરી અન્ય પીડિત વ્યક્તિ સાથે ઠગાઈ કરી હતી.

સુરતઃ અઠવાલાઈન્સ સ્થિત નવચેતન સોસાયટીમાં કરોડોની મિલકતના વિવાદમાં સાર્વજનિક ટ્રસ્ટના ઉપ પ્રમુખ દિનકરરાય નાયક અને સિટીલાઈટના નિલેશ નાકરાણી સહિત ૪ મહિલા સામે સુરતની કોર્ટે ઠગાઈ મુજબનો ક્રિમિનલ કેસ નોંધવાનો આદેશ કર્યો છે.

આ કેસની વિગત એવી છે કે, મૂળ અમરેલીના વતની અને હાલ સિટીલાઈટ રોડ માહી રેસીડેન્સીમાં રહેતા નિલેશ મનસુખ નાકરાણીએ અઠવાલાઈન્સની નવચેતન સોસાયટીની કરોડો રૂપિયાની એક મિલકત વરાછા લક્ષ્મણનગરમાં રહેતા શંભુ વેલજી સવાણીને અને બાદમાં સાર્વજનિક એજ્યુકેશન ટ્રસ્ટના ઉપપ્રમુખ દિનકરરાય છોટુ નાયક (ઉ.વ.૮૦, રહે.,મેઘદુત સોસા.,અઠવાલાઈન્સ હેડ ક્વાર્ટસને પણ વેચી કાઢી હતી.

નિલેશ નાકરાણીએ શંભુ સવાણી અને દિનકરરાય નાયક સાથે ઠગાઈ કરી હતી. જેથી દિનકરરાય અને શંભુભાઇએ નિલેશ નાકરાણી સામે ઉમરા પોલીસમાં ફરિયાદ કરી હતી. આ કેસમાં ફરિયાદી દિનકરરાય બન્યા હતા અને સાહેદ તરીકે શંભુભાઈને દર્શાવવામાં આવ્યા હતા. દરમિયાન નિલેશ નાકરાણી અને દિનકરરાય તેમજ શંભુભાઈ વચ્ચે સમાધાન થયું હતું. સમાધાનમાં શંભુભાઈને રૂ.૮૦ લાખ નિલેશ નાકરાણીએ ચુકવવાની વાત થઈ હતી. બીજી તરફ આ કેસની કોર્ટ કાર્યવાહી વચ્ચે જ શંભુભાઈને અંધારામા રાખી નિલેશ નાકરાણી અને દિનકરરાયે ભેગા મળીને કોર્ટમાં આ ઠગાઈનો કેસ પુરો કરી નાંખ્યો હતો.

જેથી શંભુભાઈના નિલેશ નાકરાણી પાસેથી લેવાના રૂ.૮૦ લાખ ડુબી ગયા હતા. જેથી શંભુભાઈએ નિલેશ નાકરાણી અને દિનકરરાય તેમજ બે મહિલા સામે પ્રાઈવેટ ફરિયાદ કરી હતી.

કોર્ટે દલીલો અને રેકર્ડ પરના પુરાવા ધ્યાને લેતા શંભુભાઈ સાથે નિલેશ નાકરાણી અને દિનકરરાયે ઠગાઈ કરી હોવાનુ ફલિત થયું હતું. કોર્ટ દિનકરરાય, નિલેશ નાકરાણી અને બે મહિલા સામે ક્રિમીનલ કેસ દાખલ કરવાના હુકમ સાથે આરોપીઓ સામે પ્રોસેસ ઇસ્યુ કર્યા હતા.

Surat,મળતી માહિતી પ્રમાણે સરથાણા પોલીસને બાતમી મળી હતી કે, સાવલિયા સર્કલ પાસે આવેલા શુભમ કોમ્પ્લેક્સ માં ફરી સ્પાની આડમાં કુટણખાનું શરૂ થઈ ગયું છે. કોઈપણ નામ ઠામ વિના જ સ્પાની આડમાં કુટણખાનું ચલાવવામાં આવી રહ્યું હતું.દેવ અને લકી નામના બે ઇસમ દ્વારા આ કુટણખાનું ચલાવવામાં આવી રહ્યું હતું. ગુજરાત અને અન્ય રાજ્યો માંથી મહિલાઓને લાવી અહીં દેહવ્યાપાર કરાવવામાં આવી રહ્યો હતો.સરથાણા પી.આઈ એમબી ઝાલા સહિતના પોલીસ જવાનોએ સાવલિયા સર્કલ પાસે શુભમ કોમ્પ્લેક્સમાં સ્પા આડમાં કુટણખાના પર દરોડો પાડ્યો હતો. પોલીસ અચાનક દરોડા પાડતા સ્પા માં હાજર લોકોમાં ભાગદોડ મચી ગઈ હતી. સ્પાના પાછળના ભાગે બારીમાંથી બે સંચાલક તેમજ એક યુવતી કૂદીને ફરાર થવા જતા ત્યારે યુવતીએ પોતાનું બેલેન્સ ગુમાવતા જમીન પણ નીચે પડતા યુવતીના પગ તૂટી ગયા હતા. જ્યારે બે સંચાલક ભાગી જવામાં સફળ થયા હતા.

એક યુવતી પહેલા માળેથી નીચે પટકાઈ હોવાની જાણ થતાં તાત્કાલિક યુવતીને સારવાર માટે સ્મીમેર હોસ્પિટલ સારવાર અર્થે ખસેડવામાં આવી હતી.

સરથાણા શુભમ કોમ્પલેક્ષમાં પહેલા માળે સ્પાની આડમાં ચાલતા કુટણખાના પર બાતમીના આધારે સરથાણા PI એમ.બી.ઝાલાએ દરોડો પાડ્યો હતો. પોલીસ આવ્યાની જાણ થતા સ્પાનો સંચાલક લક્કી પહેલા માળેથી કુદીને નાસી ગયો હતો. એક યુવતી પણ કૂદવા જતા તેને ઇજા પહોંચી હતી. પોલીસે અન્ય 5 યુવતીને પણ મુક્ત કરાવી હતી. ગ્રાહક કુશ નિલેશ કથિરીયા (ઉવ.23, રહે, ઠાકોરદ્વાર સોસાયટી કાપોદ્રા) અને શ્યામ કિશોર યાદવ (ઉવ.31, રહે, રાજનગર સહરા દરવાજા)ને ઝડપી પાડ્યા હતા.

જ્યારે આ દરોડામાં ઈજાગ્રસ્ત મહિલા સહિત પાંચ મહિલાઓને દેહવેપારના ધંધામાંથી મુક્ત કરાવવામાં આવી હતી. આ સાથે જ બે ગ્રાહકોને પણ ઝડપી પાડવામાં આવ્યા હતા. આ બનાવ સંદર્ભે સરથાણા પોલીસ દ્વારા ગુનો નોંધી વધુ તપાસ હાથ ધરવામાં આવી છે. જ્યારે આ કુટણખાનાના સંચાલક દેવ અને લકી ને વોન્ટેડ જાહેર કરવામાં આવ્યા છે. અત્રે ઉલ્લેખનીય છે કે શુભમ કોમ્પ્લેક્સ માં સરથાણા પોલીસ દ્વારા આ પહેલા પણ બે રેડ કરવામાં આવેલી હતી. પહેલા માળે કોમ્પ્લેક્સના બંને સાઇડ સ્પા ચાલી રહ્યા હતા. જમણી બાજુ એકવાર રેડ કર્યા બાદ સ્પાની આડમાં ચાલતું કૂટણખાનું બંધ થઈ ગયું છે. જ્યારે ડાબી બાજુ ચાલતા સ્પામાં આપેલા પણ એકવાર રેડ કરવામાં આવી હતી. જોકે દસ દિવસ પહેલા ફરી અહીં સ્પાની આડમાં કુટણખાનું ચાલુ થઈ ગયું હતું. ભાડેથી ચાલતા આ કુટણખાના નામ માલિક પર પણ કાર્યવાહી કરવામાં આવે તેવી શક્યતાઓ જોઈ રહી છે.

સુરત,શહેરના પોલીસ વિભાગમાં ફરજ બજાવતા ASIની ૨૮ વર્ષની પુત્રીએ ફાંસો ખાઈ આપઘાત કરી લેતા ચકચાર મચી હતી. ખાનગી હોસ્પિટલમાં નર્સ તરીકે નોકરી કરતી યુવતીએ પ્રેમ પ્રકરણમાં પગલું ભર્યું હોવાની શક્યતા લાગી રહી છે. તમામ હકીકત તપાસ પછી સામે આવશે. મૂળ ઉમરપાડાના વતની અને ડિંડોલી વિસ્તારમાં યોગેશ્વર પાર્કમાં રહેતા ગુમાનભાઈ વસાવા પત્ની અને એક પુત્ર અને એક પુત્રી સહિતના પરિવાર સાથે છે. તેઓ શહેરના પોલીસ વિભાગમાં ASI ફરજ બજાવી પરિવારનું ગુજરાન ચલાવે છે.

તેમની મોટી પુત્રી ૨૮ વર્ષની પક્ષા ખાનગી હોસ્પિટલમાં નર્સ તરીકે નોકરી કરતી હતી. દરમિયાન બુધવારે તેણીએ નાઈટ ડડ્યૂટીમાં નૌકરી હોવાથી તેના પિતાને રાત્રે નોકરી સ્થળે મૂકવા આવવાનું જણાવ્યું હતું. બાદમાં પોતાના ઘરમાં છતમાં લગાવેલા લોખંડના હૂક સાથે દુપટ્ટા વડે ફાંસો ખાઈ લીધો હતો. જેથી પરિવારજનો પુત્રીને નીચે ઉતારી સારવાર માટે ખાનગી હોસ્પિટલમાં લઈ જતાં જ્યાં ફરજ પરના તબીબે તેણીને મૃત જાહેર કરી હતી. આપઘાતના બનાવ અંગે ડિંડોલી પોલીસને જાણ કરતાં પોલીસે આગળની કાર્યવાહી સાથે વધુ તપાસ શરૂ કરી હતી.

મૃતકે પ્રેમ પ્રકરણમાં પગલું ભર્યું હોવાની શક્યતા પ્રાથમિક તબક્કે જણાય રહી છે. બનાવ પાછળનું સાચું કારણ જાણવા પોલીસ તપાસ કરી રહી છે.

પોલીસની કાર્યવાહીથી લિસ્ટેડ બુટલેગરોમાં ફફડાટ ફેલાયો

સુરતઃ સચિન જીઆઇડીસી પોલીસ પ્રોહિબિશનના અલગ અલગ ગુનામાં સંડોવાયેલા 7 આરોપીઓને પાસા હેઠળ કાર્યવાહી કરી ગુજરાતની અલગ અલગ જેલમાં મોકલી આપ્યા હતા.પોલીસ પાસે મળતી માહિતી મુજબ પોલીસ કમિશનર દ્વારા ગેરકાયદે પ્રવૃતિમાં સંડોવાયેલા આરોપીઓ વિરૂદ્ધ પાસા હેઠળ કાર્યવાહી કરવા સૂચના આપવામાં આવી હતી. જે સૂચના અંતર્ગત સચિન જીઆઇડીસી પોલીસે દારૂના અલગ અલગ કેસોમાં પકડાયેલા 7 બુટલેગરો વિરૂદ્ધ પાસાની કાર્યવાહી કરી હતી. પોલીસે નીચે મુજબ ની બુટલેગરો ને અલગ-અલગ જેલ ખાતે મોકલ્યા છે.

(1)મુકેશ ઓમપ્રકાશ ચૌધરી (ઉં.વ.33 રહે., બી/૩૬, હરીનગર, ઉધના, મૂળ રાજસ્થાન),

(2) મલખાન રામદુલાર યાદવ (ઉ.વ.૨૭ રહે., હિતેશભાઈની ચાલ, મોગરાવાડી વલસાડ, મૂળ યુપી),

(3)તુષાર ઉર્ફે લાલુ કાન્તીભાઈ પટેલ (ઉ.વ.૨૭ રહે., કનસાડગામ, સચિન જીઆઇડીસી),

(4)સુશીલ સંતોષ પાટીલ (ઉં.વ.૨૪ રહે., અંબીકા બિલ્ડિંગ, વીર નર્મદ હાઇટ્સ, પી.એમ. આવાસ, સચિન હાઉસિંગ, મૂળ જલગાંવ, મહારાષ્ટ્ર),

(5) હિતેશ આશીષ નિશાદ (ઉં.વ.22 રહે.., શીવાભાઈની ચાલમાં, સાઈકૃપા સોસાયટી, પાલીગામ, સચિન જીઆઈડીસી, મૂળ યુપી) તથા

(6)અંતીમ ઉર્ફે નનકુ મહેન્દ્ર ઉર્ફે મુછડ સોનકર (ઉં.વ.૨૪ રહે., જલારામનગર સોસાયટી, પાલીગામ, સચિન જીઆઈડીસી, મૂળ યુપી) અને

(7) ક્રિષ્ના ઉર્ફે માયકલ બાબુરામ મોર્યા (ઉં.વ.૨૬ રહે., મારવાડીની રૂમમાં, આશાપુરી સોસાયટી, હાઉસિંગ સચીન, મૂળ યુપી)

વિરૂદ્ધ કાર્યવાહી કરી રાજકોટ, નડિયાદ, મહેસાણા તેમજ અમદાવાદ જેલમાં મોકલી આપ્યા હતા.

 કિશોરી સ્કૂલે જવાને બદલે, કિશોર ને ઘરે જઈ શરીરસુખ માણતો હતી.જેના કારણે ગર્ભ રહી ગયો હતો.

સુરત, ઘટના પાંડેસરા વિસ્તાર નું ગત 9 મીના રોજ આ વિસ્તાર માંથી એક નવજાત બાકી મળી આવી હતી. આ મામલે પોલીસ વધુ તપાસ દરમ્યાન ભોગ બનેલી કિશોરીના ઘરે પહોંચી હતી.પોલીસે કિશોરીની માતાને તેમની કિશોરી ગર્ભપાત કરી બાળકી ત્યજી દીધી હોવાની હકીકત કહેતા માતા પણ ચોંકી ગઈ હતી.આ મામલે 16 વર્ષીય કિશોરીને પરીક્ષણ માટે સિવિલ ખાતે લઈ જવાઇ હતી.જ્યાં માતાની હાજરીમાં ડોકટર સમક્ષ પોતાની આપવીતી કહી હતી. ત્યાર બાદ ડોકટરે તપાસ કરતા તાજેતરમાં તેની ડિલિવરી થઈ હોવાની હકીકત જાણવા મળી હતી.

મળતી માહિતી અનુસાર પાંડેસરા વિસ્તારમાં મૂળ બિહારનો એક શ્રમિક પરિવાર રહે છે. આ પરિવારની 16 વર્ષની કિશોરી ધો.10 માં અભ્યાસ કરે છે. સોશિયલ મીડિયા મારફત તે આ જ વિસ્તારમાં રહેતાં એક 16 વર્ષીય કિશોરના સંપર્કમાં આવી હતી. જે બાદ બંને વચ્ચે પ્રેમના અંકુર ફૂટ્યા હતાં. કિશોરી જ્યારે સ્કૂલે જવા માટે નીકળતી ત્યારે આ કિશોર તેને તેના ઘરે લઇ જતો હતો અને શરીરસુખ માણતો હતો. જેના કારણે કિશોરીને ગર્ભ રહી ગયો હતો.

મળતી માહિતી અનુસાર પાંડેસરા વિસ્તારમાં મૂળ બિહારનો એક શ્રમિક પરિવાર રહે છે. આ પરિવારની 16 વર્ષની કિશોરી ધો.10 માં અભ્યાસ કરે છે. સોશિયલ મીડિયા મારફત તે આ જ વિસ્તારમાં રહેતાં એક 16 વર્ષીય કિશોરના સંપર્કમાં આવી હતી. જે બાદ બંને વચ્ચે પ્રેમના અંકુર ફૂટ્યા હતાં. કિશોરી જ્યારે સ્કૂલે જવા માટે નીકળતી ત્યારે આ કિશોર તેને તેના ઘરે લઇ જતો હતો અને શરીરસુખ માણતો હતો. જેના કારણે કિશોરીને ગર્ભ રહી ગયો હતો.

DCP વિજયસિંહ ગુર્જરે જણાવ્યું હતું કે, પાડેસરા વિસ્તારમાં અપેક્ષાનગર પાસેથી પોલીસને 9 જાન્યુઆરી,2024ના રોજ એક ભ્રૂણ મળી આવ્યું હતું, આ ભ્રૂણ તાજેતરમાં જન્મ્યુ હોય એવુ લાગતું હતું. તે ભ્રૂણને ત્યાંથી તુરંત જ હોસ્પિટલમાં શિફ્ટ કરવામાં આવ્યું હતું અને બાદમાં ટીમને આ અંગે વધુ તપાસ હાથ ધરી તો પોલીસને તેના બાતમીદારો પાસેથી જાણવા મળ્યું કે, નજીકમાં એક કિશોરી તેના પરિવાર સાથે અહીં રહે છે. પરિવાર મૂળ બિહારનો છે. આસપાસમાં રહેતી એક યુવતીએ તે કિશોરી પર શંકા દર્શાવી હતી, જેના આધારે પોલીસે તપાસ હાથ ધરી.પોલીસે આ મામલે યુવક વિરૂદ્ધ પોસ્કો અને બળાત્કારનો ગુનો કરી તેની અટક કરી વધુ પૂછપરછ હાથ ધરી હતી.