સંચાલક રોશન સિંગ તેમજ ચાર ગ્રાહકની ધરપકડ કરવામાં આવી.
પોલીસ દ્વારા દરોડો કરવામાં આવ્યો ત્યારે વેલનેસ સેન્ટરનો સંચાલક રોશન સિંગ તેમજ ચાર ગ્રાહકો પોલીસના હાથે ઝડપાયા હતા અને આ ચાર ગ્રાહકમાં એક કાયદાના સંઘર્ષમાં આવેલ બાળ કિશોર હોવાનું પણ સામે આવ્યુ છે. ઉપરાંત પોલીસ દ્વારા હની અને અભય સાળુંકે નામના બે અને ઈસમોને વોન્ટેડ જાહેર કરવામાં આવ્યા છે.
પોલીસની તપાસ દરમિયાન સામે આવ્યું હતું કે, ગ્રાહક પાસેથી શરીર સુખ માણવાના 5000 રૂપિયા લેવામાં આવતા હતા અને સંચાલક દ્વારા આ વિદેશી યુવતીઓને 2000 રૂપિયાની ચુકવણી કરવામાં આવતી હતી. પોલીસને એવું પણ જાણવા મળ્યું હતું કે, હની નામની મહિલા અને અભય સાળુકે નામનો ઈસમ રોશન સિંગ સાથે મળીને વેલનેસ સેન્ટરની જગ્યા ભાડે રાખીને તેની અંદર દેહ વ્યાપારની પ્રવૃત્તિ કરાવતા હતા.
વડાપ્રધાનશ્રી નરેન્દ્ર મોદીના યોજના સંતૃપ્તિકરણ અભિગમ તેમજ મુખ્યમંત્રી શ્રી ભૂપેન્દ્ર પટેલના અંત્યોદય કલ્યાણની પ્રાથમિકતાને ધ્યાનમાં રાખીને સુરતમાં ‘સુરત જિલ્લા અન્ન સુરક્ષા સંતૃપ્તિકરણ અભિયાન’ હાથ ધરવામાં આવ્યું. આ અભિયાન હેઠળ પાત્ર ગરીબ પરિવારોના લાભાર્થીઓની ઓળખ માટેના પ્રયાસો હાથ ધરવામાં આવ્યા. તેમાં ખાસ કરીને ગંગાસ્વરૂપા (વિધવા) બહેનો, વૃદ્ધ વ્યક્તિઓ, દિવ્યાંગો તેમજ હાંસિયામાં રહી ગયેલા દૈનિક વેતન મેળવતા લોકોને પ્રાથમિકતા આપવામાં આવી.
સમાજ સુરક્ષા હેઠળ સંબંધિત યોજનાકીય લાભો મેળવતા લાભાર્થીઓની ચકાસણી કરતા જાણવા મળ્યું કે, સુરત જિલ્લામાં લગભગ ૧,૫૦,૦૦૦ લાભાર્થીઓ ગંગા સ્વરૂપા યોજના, વૃદ્ધ પેન્શન સહાય યોજના અને દિવ્યાંગ સહાય યોજનાના લાભો મેળવી રહ્યા છે. ત્યારબાદ જિલ્લા વહીવટીતંત્ર દ્વારા તાલુકા અને ઝોન કક્ષાએ ટીમો બનાવીને એ બાબતની તપાસ કરવામાં આવી કે આમાંથી કેટલા લાભાર્થીઓ NFSA હેઠળ આવરી લેવાયા છે અથવા તો તેમને કેવી રીતે પ્રધાનમંત્રી ગરીબ કલ્યાણ અન્ન યોજનાનો લાભ આપી શકાય. તાલુકા તથા ઝોન કક્ષાની ટીમોએ મિશન મોડમાં ખૂબ ટુંકાગાળામાં NFSA કાર્ડ ધરાવતા તેમજ ન ધરાવતા તમામ પરિવારોની ઓળખ કરી. પ્રવર્તમાન લાભાર્થીઓની ઓળખ કર્યા પછી બાકી રહી ગયેલા લાભાર્થીઓનું સર્વેક્ષણ હાથ ધરવામાં આવ્યું, અને છેલ્લા ૧ વર્ષમાં વહીવટીતંત્ર દ્વારા બાકીના હાંસિયામાં ધકેલાઈ ગયેલા લોકોની ઓળખ કરવામાં આવી, જેથી તેમને NFSA હેઠળ આવરી લઇ શકાય.
આમ, સંપૂર્ણ પ્રક્રિયા પૂર્ણ થયા પછી સુરત જિલ્લા અન્ન સુરક્ષા સંતૃપ્તિકરણ અભિયાન હેઠળ લગભગ બે લાખ લાભાર્થીઓની ઓળખ કરવામાં આવી છે. જેઓને લાભ આપવા માટે વડાપ્રધાનશ્રી સુરતના આંગણે આવ્યા હતા.
મહારાષ્ટ્રમાં પ્લોટ વેચવાનું કહી પાંચ લોકો સાથે રૂપિયા ૪.૬૬ લાખની છેતરપિંડી.
સુરતઃ મહારાષ્ટ્રના નવાપુર ખાતે શ્રી રામ રેસિડેન્સીના નામે પ્લોટિંગ કરી પાંડેસરા કર્મયોગી સોસાયટીમાં રહેતા દુબેબંધુએ પાંચ વ્યક્તિ પાસેથી ૪.૬૬ લાખ પડાવી લઈ પ્લોટનો કબજો નહીં આપી ઠગાઈ આચરતાં મામલો પોલીસમથકે પહોંચ્યો છે.
દુબે બંધુએ ચાર જણા પાસેથી રૂપિયા ઉઘરાવ્યાઃ ફોન રિસીવ કરવાનું બંધ કરતા તપાસમાં ભાંડો ફૂટયો કે તેમના નામે કોઈ જમીન જ નથી.
શહેરના પાંડેસરા-બમરોલી રોડ આસ્થા રેસિડેન્સીમાં રહેતા યજ્ઞપ્રકાશ રામરામ મોર્ય ઉધના-મગદલ્લા રોડ નવજીવન સર્કલ ખાતે ગીરધર-૨માં આવેલા એમ્બ્રોઈડરીના ખાતામાં નોકરી કરી પરિવારનું ભરણપોષણ છે. પાંડેસરામાં વિણાપાણી સ્કૂલમાં આવેલી શ્રી રામ રેસિડેન્સી નામે ઓફિસ ધરાવતા સંજયપ્રતાપ નારાયણ દુબે, અજય નારાયણ દુબે (રહે., કર્મયોરી સોસાયટી, પાંડેસરા) દ્વારા મહારાષ્ટ્રના નંદુરબારના નવાપુર ખાતે શ્રી રામ રેસિડેન્સીના નામે પ્લોટિંગ કર્યું હતું, જેમાં વર્ષ-૨૦૧૫માં યશપ્રકાશે પ્લોટ ખરીથો હતો. યજ્ઞપ્રકાશ પાસેથી દુબેબંધુએ પ્લોટ તેમજ ડેવલોપમેન્ટ ચાર્જ સહિત ૧,૦૬,૦૦૦ પડાવ્યા હતા અને સામે અલગ અલગ ૧૧ રસિદ તેમજ સાટાખાત બનાવી આપ્યા હતા. બાદ પ્લોટનો કબજા આપ્યો ન હતો. યજ્ઞપ્રકાશે તપાસ કરતાં દુબેબંધુએ જે જમીન ઉપર પ્લોટિંગ કર્યું હતું. એ જમીન તેમના નામે નહીં હોવાનું બહાર આવ્યું હતું. જેથી તેમણે તેમના પૈસાની પરત માંગણી કરતાં દુબેબંધુએ ફોન ઉપાડવાના બંધ કરી દીધા હતા. આ મામલે યજ્ઞપ્રકાશે ગતરોજ ફરિયાદ નોંધાવતાં પોલીસે દુબેબંધુ સામે ગુનો દાખલ કરી તપાસ હાથ ધરી છે. દુબેબંધુ અન્ય ચાર લોકો સાથે પણ ઠગાઈ કરી મહારાષ્ટ્રના નવાપુર ખાતે શ્રી રામ રેસિડેન્સીના નામે પ્લોટિંગ કરી દુબેબંધુએ યજ્ઞપ્રકાશ મોર્ય પાસેથી ૧,૦૬,૦૦૦ લાખ રૂપિયા પડાવી લીધા હતા. આ રીતે પડિસરા વિસ્તારમાં રહેતા બૈજનાથ રાજકિશોર મોર્ય પાસેથી ૧,૯૨,૧૦૦, બ્રિજેશકુમાર જગદીશ પટેલ પાસેથી ૬૬,૦૦૦, રામચંદ્ર માન્ગુલ પાત્રા પાસેથી રૂ.૬૬,૦૦૦ અને પ્રભાસીની બીપીનચંદ્ર બેહરા પાસેથી રૂ.૬૬,૦૦૦ મળી પાંચેય જણા પાસેથી કુલ રૂ.૪,૯૯,૧૦૦ પડાવી પ્લોટનો કબજો આપ્યો ન હતો.
સુરત શહેરમાં બીઆરટીએસનો સૌથી લાંબો રૂટ છે, એ જ રીતે ગુજરાતનો સૌથી લાંબો અંડરપાસ પણ અહીં નિર્માણ પામ્યો
અંડરપાસથી સમય અને ઈંધણની બચત થતા ઉદ્યોગકારોને તેમના વ્યવસાયનો વ્યાપ વધારવામાં ઉપયોગી નીવડશે:કેન્દ્રીય જળશક્તિ મંત્રીશ્રી સી.આર.પાટીલ
માહિતી બ્યુરોઃસુરત:રવિવાર: કેન્દ્રીય જળશક્તિ મંત્રીશ્રી સી.આર.પાટીલ હસ્તે સુરત મહાનગર પાલિકા દ્વારા સાઉથ ઈસ્ટ ઝોન (લિંબાયત) વિસ્તારમાં ઉધના યાર્ડ ખાતે, સુરત-ભુસાવલ રેલ્વે લાઇન પર આવેલા સાઈબાબા મંદિર નજીક રૂ.૫૩.૫૮ કરોડના ખર્ચે નિર્માણ થયેલા ‘લિંબાયત-ડિંડોલી જોડતા અંડરપાસ’નું લોકાર્પણ કરાયું હતું.
આ પ્રસંગે કેન્દ્રીય જળશક્તિ મંત્રીશ્રીએ જણાવ્યું હતું કે, સુરત શહેરમાં ગુજરાતનો સૌથી લાંબો ૫૦૩ મીટરની લંબાઈનો અંડરપાસ નિર્માણ પામ્યો છે. મહાનગર પાલિકા અને રેલ્વેની સંયુક્ત ભાગીદારીથી રૂ.૫૩.૫૮ કરોડના ખર્ચે આ પ્રોજેક્ટ તૈયાર કરવામાં આવ્યો છે. અગાઉ લોકોએ ૨ થી ૩ કિલોમીટરનો લાંબે ફરી આવવું પડતું હતું, પરંતુ હવે અંડરપાસ બનતા માત્ર ૫૦૦ મીટરમાં જ પોતાના સ્થળે પહોંચી શકશે. બ્રિજ વાહનવ્યવહારમાં જીવાદોરી સમાન હોય છે, ત્યારે લિંબાયત -ડિંડોલીને જોડતા અંડરપાસથી સમય અને ઈંધણની બચત થતા ઉદ્યોગકારો સહિત વાહનચાલકોને તેમના વ્યવસાયનો વ્યાપ વધારવામાં ઉપયોગી નીવડશે. વધુમાં તેમણે ઉમેર્યું કે, લિંબાયત -ડિંડોલી જોડતા નવનિર્મિત અંડરપાસ ઉપરથી સાત રેલ્વે લાઇન પસાર થાય છે, એવો સૌથી લાંબો અંડરપાસ છે, જેમાં ઓક્સિજનની માત્રા ઘટી ન જાય તે માટે વિશેષ વ્યવસ્થા કરવામાં આવી છે. સુરત શહેરમાં બીઆરટીએસનો સૌથી લાંબો રૂટ છે, એ જ રીતે ગુજરાતનો સૌથી લાંબો અંડરપાસ પણ અહીં નિર્માણ પામ્યો છે. જે બદલ મહાનગર પાલિકાની આ કામગીરીની બદલ અભિનંદન પાઠવ્યા હતા. આ પ્રસંગે મેયરશ્રી દક્ષેશભાઈ માવાણી, સાસંદશ્રી મુકેશભાઇ દલાલ, ધારાસભ્ય સર્વશ્રી સંગીતાબેન પાટીલ, પુર્ણેશભાઇ મોદી, પ્રવિણભાઇ ઘોઘારી, મનુભાઇ પટેલ, ડેપ્યુટી મેયર ડૉ.નરેન્દ્ર પાટીલ, સ્થાયી સમિતિના ચેરમેન રાજન પટેલ, દંડકશ્રી ધર્મેશભાઈ વાણીયાવાલા, કોર્પોરેટરોશ્રીઓ, સમાજના અગ્રણીઓ, મનપાના કર્મચારી સહિત શહેરીજનો ઉપસ્થિત રહ્યાં હતા.
આપઘાતના પહેલા બનાવમાં, મૂળ મધ્યપ્રદેશ અને સચિનમાં ગણેભીગામ પાસે ડાયમંડ ઇન્ડસ્ટ્રીયલ પાર્ક પાસે ઝૂંપડામાં 15 વર્ષીય તરુણી પરિવાર સાથે રહેતી હતી. તેની એક બહેન અને ચાર ભાઈ છે. તેના પિતા મજુરી કામ કરે છે. તે પણ મજુરીકામ કરતી હતી. તરૂણી આજે ઘર નજીક ઝાડ સાથે દુપટ્ટો બાંધી ગળે ફાંસો ખાઇ જીવન ટુંકાવ્યું હતું. જયારે તરૂણીના પરિવારના જણાવ્યા પ્રમાણે, તરૂણી ગત મોડી રાતે તેના પ્રેમી સાથે બેસીને વાતચીત કરતી હતી. તે સમયે તરૂણીનો ભાઈ બંનેને જોઈ ગયો હતો. જેથી પ્રેમી ત્યાં ગભરાઈને ભાગી ગયો હતો. બાદમાં તેણે આ પગલુ ભર્યુ હતું.
સુરત શહેરમાં 50.46 લાખના બોગસ બિલિંગ દ્વારા ટેક્સ ક્રેડિટમાં છેતરપિંડી કરવાના મામલે આરોપીની ધરપકડ કરવામાં આવી છે. આ ગુનામાં આરોપી હાર્દિક રમેશભાઈ ગુરિયાને ઝડપી લેવામાં આવ્યો છે, જે ભાવનગર સ્થિત એક્સિસ બેંકમાં સેલ્સ એક્ઝિક્યુટિવ તરીકે કામ કરતો હતો. હાર્દિક ગુરીયાએ “પરિલ ટેકસ, લીલા ટ્રેડિંગ, ફર્મ ના GST નંબરો ની ખાતરી કરી નહોતી. જે પેઢી ના ખાતાઓ ત્રાહિત વ્યક્તિઓને વીમો કઢાવી આપવાનું કહી, તેઓના ડોક્યુમેન્ટ મેળવ્યા બાદ તેના આધારે બોગસ પેઢી ઊભી કરી હતી. જે પેઢીના નામે બેન્ક ખાતાઓ ખોલાવી ત્રાહિત વ્યક્તિઓના નામના મોબાઈલ નંબરો લખી, બેંક ખાતાની પાસબુક, ચેકબુક, ATM કાર્ડ, બોગસ બિલિંગ આચરતી ટોળકીને આપ્યો હતો.
સચીન પુલીસ સ્ટેશન ખાતે કનકપુર વિસ્તારમાં રહેતી 14 વર્ષીય કિશોરીને પિયુષ રાઠોડ નામના યુવકે લગ્ન કરવાનો વાદો આપ્યો હતો. તેની નિર્દોષતા અને ભોળાપાનો ગેરલાભ ઉઠાવતાં, પિયુષે કિશોરી સાથે શારીરિક સંબંધો બનાવ્યા હતા. તે સમય ગાળામાં આ તરૂણી ગર્ભવતી બની હતી અને તેને બે મહિનાનો ગર્ભ હોવાની હકીકત પરિવારજનોના ધ્યાનમાં આવી.કિશોરીના પરિવારજનો ચિંતિત થયા અને તુરંત જ સચીન પોલીસ સ્ટેશનમાં ફરિયાદ નોંધાવી. તપાસ દરમિયાન પિયુષ રાઠોડ વિરુદ્ધ બળાત્કાર અને પોક્સો એક્ટ હેઠળ ગુનો દાખલ કરવામાં આવ્યો છે.
જૂતાની કિંમતને લઈને વેપારી અને તેના પુત્ર પર તલવાર વડે હુમલો
બૂટના ભાવમાં ફેરફાર થતાં વેપારી અને તેના દીકરા સાથે માથાકૂટ કરી.
સુરતના સચીન સ્ટેશન રોડ પાસે આવેલ અમરસન્સ ફુટવેરની દુકાનમાં બની હતી. ફરીયાદી વિકાસકુમાર શાંતીલાલ શાહની દુકાનમાંથી પાંચ દિવસ પહેલાં મહેશકુમાર મદનમોહન મિશ્રા 360ના બૂટ ખરીદ્યા હતા. બાદમાં, દુકાન પર આવી તેણે 10 નંબરની સાઇઝના બૂટ બદલાવ્યા.પરંતુ, જ્યારે બૂટ ફરીથી માપમાં ફિટ ના થતા, તે 23મી જાન્યુઆરીની સાંજે દુકાન પર ફરી આવ્યો. મિશ્રાને વઘારાના 100 ચુકવવાનું કહેવામાં આવ્યું, કારણ કે નવા બૂટના ભાવ 540 હતા. આ વાતથી મિશ્રા ઉશ્કેરાઈ ગયો. મિશ્રા વહેલી રાત્રે પોતાની ફોર વ્હીલ ગાડીમાં દુકાન પર પરત આવ્યો. આ વખતે તે એક તલવાર લઈને આવ્યો હતો. મિશ્રાએ ગાળ ગલોચ કરતાં તલવાર વડે વેપારી વિકાસ શાહના ડાબા કાન, માથા અને હાથ પર ઘા કર્યા.
આ ક્રૂર હુમલામાં શાહનો દીકરો સિદ્ધાર્થ પણ ઘાયલ થયો, જેના જમણા હાથ પર તલવારનો ઘા લગ્યો હતો.
સાંજે ભીડભર્યા સ્ટેશન રોડ પર આ ઘટના થતા લોકો ભયભીત થઈ ગયા હતા. મિશ્રાએ હુમલાની જગ્યાએથી નાસી છૂટતા લોકોમાં ગભરાટ છવાયો. દુકાનદારે તરત પોલીસને જાણ કરી અને બંને ઘાયલ પિતા-પુત્રને નજીકની હોસ્પિટલમાં ખસેડવામાં આવ્યા.
સચીન પોલીસ સ્ટેશનમાં ગુનો દાખલ કરવામાં આવ્યો છે. IPC કલમ 118(2), 352 અને જીઆરએક્ટ કલમ 135(1) હેઠળ આરોપી મહેશકુમાર મિશ્રા સામે ગુનો નોંધાયો છે. મિશ્રાની ધરપકડ માટે પોલીસે શોધખોળ શરૂ કરી છે.આ ઘટના એ પ્રશ્ન ઉભો કરે છે કે કેવી રીતે સામાન્ય વાત ગંભીર તફડાવમાં બદલાઈ જાય છે. માત્ર 100 રૂપિયાના વધારાના ભાવે મિશ્રા એટલો ઉશ્કેરાયો કે હિંસક થઈ ગયો.
જેથી સચીન ની કાયદા-વ્યવસ્થા ઉપર પણ સવાલ ઊભા કરે છે. શું આ મિશ્રા ની પાછળ કયા પરિબળો હોવાથી ખુલ્લેઆમ સુરત અને ગુજરાત નાં કાયદા-વ્યવસ્થા ને ખૂલ્લેઆમ પડકાર રૂપ હોય તેવું લાગી રહ્યા છે. જેથી સામાન્ય જનતા ને હવે પુલીસ સ્ટેશન જતા પહેલા પણ વિચાર કરે છે. શું અમને ન્યાય ની આશા છે કે નહી. તે સવાલ ?
સુરતના વેપારી અને નાગરિકોમાં આ ઘટનાને લઈને ચિંતાનો માહોલ છે. સાથે રાજનીતિમાં માં સંકળાયેલા લોકો નું સાથ સહકાર અને ભલામણો હોવાથી પુલીસ ની કાર્યવાહી કરવા માં પણ અડચણો ઊભા કર્તા હોય છે. જેમાં અમુક પુલીસ કર્મીઓ રાજનેતા નાં યુવા નેતા નાં સાથે સંડોવણી હોવાથી તપાસ માં પણ ભલામણો કરી નાગરિકોને હેરાનગતિ કરવામાં આવતું હોય છે. તેવું પુરાવા હોવા છતાં નેતા ની ભલામણ થી કામગીરી કરવામાં આવે છે .
માહિતી બ્યુરો,તાપી:તા.૨૫-શનિવાર: ૭૬મા પ્રજાસત્તાક પર્વની પૂર્વ સંધ્યાએ રાજ્યપાલશ્રી આચાર્ય દેવવ્રતજી અને મુખ્યમંત્રીશ્રી ભૂપેન્દ્ર પટેલે ‘એટ હૉમ’ કાર્યક્રમ અંતર્ગત વ્યારા જિલ્લાના અગ્રણી મહાનુભાવો અને નાગરિકોને મળી પરસ્પર શુભેચ્છાઓની આપ-લે કરી હતી.
વ્યારાના સયાજી ગ્રાઉન્ડ ખાતે યોજાયેલા ‘એટ હૉમ સ્નેહમિલન’ કાર્યક્રમમાં રાજ્યપાલશ્રીએ વ્યારા સહિત રાજ્યના નાગરિકોને પ્રજાસત્તાક પર્વની શુભકામનાઓ પાઠવી હતી.
આ પ્રસંગે રાજ્યપાલશ્રી આચાર્ય દેવવ્રતજીએ જણાવ્યું હતું કે, વડાપ્રધાનશ્રી નરેન્દ્રભાઈ મોદીના નેતૃત્વમાં દેશ વર્ષ ૨૦૪૭ સુધીમાં વિકસિત બનવા તરફ આગળ વધી રહ્યો છે. ભારતે રોડ નેટવર્ક, આરોગ્ય સુવિધાઓમાં વધારો અને શિક્ષણનું નવીનીકરણ, આધુનિક ટેકનોલોજી, ઔદ્યોગિક ક્રાંતિ અને રોજગારી વર્ધનમાં નવા સીમાચિહ્નો હાંસલ કર્યા છે. એટલું જ નહીં, આજે સમગ્ર દેશ પૂર્ણ સમર્પણભાવ સાથે શહીદો અને સ્વતંત્રતા સેનાનીઓ પ્રત્યે સન્માનની ભાવના સાથે રાષ્ટ્રનિર્માણની નવી ચેતનાનો અનુભવ કરી રહ્યો છે એમ જણાવી તેમણે આપણા ભવ્ય વારસાનું ગૌરવ અને જતન કરવા, રાષ્ટ્રની એકતા અને અખંડિતતા માટે એકજૂથ થવા અને રાષ્ટ્ર પ્રત્યેની ફરજો પાળવા સૌ પ્રતિજ્ઞાબદ્ધ બને એવું આહ્વાન કર્યું હતું.
રાજ્યપાલશ્રી આચાર્ય દેવવ્રતજી:-એક અને નેક બનીને કર્તવ્યનિષ્ઠ રહીશું તો ભારતનું ‘વિશ્વગુરૂ’નું પ્રાચીન ગૌરવ પુન:સ્થાપિત કરી શકીશું
રાજ્યપાલશ્રીએ કહ્યું કે, લોકશાહીના કારણે જ આજે સામાન્ય વ્યક્તિ પણ ઉચ્ચ સ્થાને બિરાજી શકે છે. રાજ્યના નાનકડા નગર વડનગરના શ્રી નરેન્દ્ર મોદી વડાપ્રધાનપદે અને સામાન્ય આદિવાસી પરિવારના શ્રીમતી દ્રૌપદી મુર્મૂ દેશના રાષ્ટ્રપતિ પદે આરૂઢ થયા છે એ લોકતંત્રની તાકાત અને સુંદરતા છે. એટલે જ લોકશાહી મૂલ્યોને જાળવી ‘એક ભારત શ્રેષ્ઠ ભારત’નું નિર્માણ કરવા દેશવાસીઓ આગળ વધે.
રાજ્યપાલશ્રીએ ઉમેર્યું કે, રાષ્ટ્રનું નવનિર્માણ સૌને સમાન ન્યાય, અધિકાર, એકતા અને પરિશ્રમથી થાય છે. દેશનો પ્રત્યેક નાગરિક કર્તવ્યભાવનાનું પાલન કરે તો દેશને ‘વિકસિત ભારત’ બનતાં વિશ્વની કોઈ તાકાત રોકી નહીં શકે. આ સંદર્ભે તેમણે એક અને નેક બનીને કર્તવ્યનિષ્ઠ રહીશું તો ભારતનું ‘વિશ્વગુરૂ’નું પ્રાચીન ગૌરવ પુન:સ્થાપિત કરી શકીશું એવો સ્પષ્ટ મત વ્યક્ત કર્યો હતો.
દેશના ભવ્ય વારસાનું ગૌરવ-જતન કરવા, રાષ્ટ્રની એકતા અને અખંડિતતા માટે એકજૂથ થવા અને રાષ્ટ્ર પ્રત્યેની ફરજો પાળવા સૌને પ્રતિજ્ઞાબદ્ધ બનવાનું આહ્વાન કરતા રાજ્યપાલશ્રી
શ્રી આચાર્ય દેવવ્રતજીએ પ્રજાસત્તાક પર્વને અનુલક્ષીને સૌ નાગરિકોને ‘રાષ્ટ્ર સર્વોપરી’ના ભાવ સાથે જવાબદાર નાગરિક બનવા આહ્વાન કરતાં સ્વાતંત્ર્ય સેનાનીઓના સપનાનાં મહાન રાષ્ટ્રનું નિર્માણ કરવા સંકલ્પબદ્ધ થવા અનુરોધ કર્યો હતો.
આ વેળાએ પોલીસ બેન્ડે રાષ્ટ્રગીત અને દેશભક્તિના ગીતોની સુરાવલિ રેલાવી વાતાવરણને રાષ્ટ્રભક્તિમય બનાવી દીધું હતું. કાર્યક્રમમાં સંગીત વૃંદે રજૂ કરેલા એ વતન.. મેરે વતન… સંદેશે આતે હૈ.. યે દેશ હૈ વીર જવાનો કા.. જેવા દેશભક્તિ ગીતોથી ઉપસ્થિત તમામ નાગરિકો રાષ્ટ્રપ્રેમના રંગે રંગ્યા હતા.
કાર્યક્રમ પૂર્વે પોલીસ દળ દ્વારા ગાર્ડ ઓફ ઑનર આપી રાજ્યપાલશ્રીને વિશેષ સન્માન અપાયું હતું.
આ પ્રસંગે સાંસદ શ્રી પ્રભુભાઈ વસાવા, જિ.પંચાયત પ્રમુખ શ્રી જાલમસિંહ વસાવા, ધારાસભ્ય સર્વ શ્રી મોહનભાઈ કોંકણી, મોહનભાઈ ઢોડિયા, ડો.જયરામભાઈ ગામીત, નગરપાલિકા પ્રમુખ શ્રી રિતેષ ઉપાધ્યાય, મુખ્ય સચિવ શ્રી રાજકુમાર, રાજ્ય પોલીસ વડા શ્રી વિકાસ સહાય, તાપી જિલ્લા પ્રભારી સચિવ શ્રી મિલિંદ તોરવણે, પ્રિન્સિપલ ચીફ સેક્રેટરી (સામાન્ય વહીવટ વિભાગ) શ્રી કમલ દયાણી, માર્ગ અને મકાન વિભાગના સચિવશ્રી એ.કે. શર્મા, રાજભવનના અગ્ર સચિવશ્રી અશોક શર્મા, જિલ્લા કલેક્ટર ડો.વિપીન ગર્ગ, જિલ્લા વિકાસ અધિકારીશ્રી વી.એન.શાહ, રેન્જ આઈ.જી. શ્રી પ્રેમવીર સિંઘ, જિલ્લા પોલીસ વડા શ્રી રાહુલ પટેલ, પદાધિકારીઓ, વરિષ્ઠ અધિકારીઓ, સમાજ શ્રેષ્ઠીઓ, સરપંચો, એક્સ આર્મી મેન્સ, ખેડૂતો, અગ્રણી ઉદ્યોગપતિઓ, શિક્ષણવિદો, આરોગ્યકર્મીઓ, સ્વૈચ્છિક સંસ્થાના પ્રમુખ, ખાદ્ય ઉત્પાદક સંગઠન, ઉત્કૃષ્ટ પ્રદર્શન કરનારા સિદ્ધિપ્રાપ્ત રમતવીરો, પ્રબુદ્ધ અને ગણમાન્ય નાગરિકો, જિલ્લા વહીવટીતંત્રના અધિકારી-કર્મચારીઓ ઉપસ્થિત રહ્યા હતા.
એક વ્યકિતના વારસદારોને રેકોર્ડ પર લાવવા માટે દાખલ કરાયેલા બે સોગંદનામાંને લઈ ગંભીર સવાલો ઉઠાવી સમગ્ર પ્રકરણમાં આ સોગંદનામાં નોટરાઈઝ કરનાર એડવોકેટ નોટરી જાગૃતિ આઈ.યાદવ વિરૃધ્ધ તપાસ કરવાનો સુરતના પિન્સીપાલ ડિસ્ટ્રીકટ જજને ગુજરાત હાઇકોર્ટના ચીફ જસ્ટિસ સુનિતા અગ્રવાલ અને જસ્ટિસ પ્રણવ ત્રિવેદીની ખંડપીઠને હુકમ કર્યો છે. હાઈ કોર્ટે આ સમગ્ર મામલે વિગતવાર રિપોર્ટ માંગ્યો છે. ચીફ જસ્ટિસની ખંડપીઠે આ હુકમની નકલ રાજ્યના તમામ પ્રિન્સીપાલ ડિસ્ટ્રીક્ટ જજ, જિલ્લાના સંબંધિત નોટરીઓ અને જિલ્લા કલેક્ટરની કચેરીને આદેશ મોકલવાનો પણ આદેશ કર્યો હતો.
સામાન્ય રીતે હાઈકોર્ટમાં દાખલ થતાં સોગંદનામાંઓમાં પેરાવાઈઝ ઓથ સાથે સ્પેસીફિકેશન અને સહી સિક્કા સાથે નોટરાઈઝ્ડ કરેલા સોગંદનામાં રજૂ કરવામાં આવતા હોય છે પરંતુ પ્રસ્તુત કેસમાં જનરલ એફિડેવીટ અને એ પણ સોગંદકર્તાના શપથ(ઓથ) વિના સામાન્ય રીતે ફાઇલ કરવામાં આવતાં ચીફ જસ્ટિસ સુનિતા અગ્રવાલ અને જસ્ટિસ પ્રણવ ત્રિવેદીની ખંડપીઠે બહુ ગંભીર નારાજગી વ્યકત કરી હતી અને પેરાવાઈઝ શપથ વિનાના બંને સોગંદનામાઓને ફગાવ્યા હતા.
હાઈકોર્ટે પોતાના હુકમમાં જણાવ્યું હતું કે, અમે સુરતના પ્રિન્સીપાલ ડિસ્ટ્રીક્ટ જજને આ હકીકતની નોંધ લેવા અને તા.૧૮-૧-૨૦૨૫ના રોજના સોગંદનામાઓને જાગૃતિ આઈ.યાદવ નામના એડવોકેટ નોટરી દ્વારા કેવી રીતે નોટરાઈઝ કરવામાં આવ્યું તેની તપાસ કરવા હુકમ કરીએ છીએ. હાઈકોર્ટે વધુમાં સ્પષ્ટ કર્યું કે, સુરત પ્રિન્સીપાલ ડિસ્ટીકટજજ દ્વારા આ એડવોકેટ નોટરી પાસેથી ખુલાસો આવે કે, સોગંદકર્તા તરફથી કોઈ પેરાવાઇઝ શપથ લીધા વિના તેમના દ્વારા સોગંદનામાને કેવી રીતે અને કયા પ્રકારે નોટરાઈઝ કરવામાં આવ્યું..??
વધુમાં, હાઈકોર્ટે જણાવ્યું કે, અદાલત સમક્ષ સૂચિબદ્ધ સિવિલ અરજી પેન્ડીંગ અપીલમાં) દાખલ કરાયેલા બે સોગંદનામાં અરજદારના કાયદેસરના વારસદારોને રેકોર્ડ પર લાવવા માટેના હતા અને સુરતના ને સુરતના એક એડવોકેટ નોટરી દ્વારા ઉપરોકત સોગંદનામાં યોગ્ય પેરાવાઈઝ નિવેદન આપ્યા વિના જ નોટરાઈઝ કરવામાં આવ્યા હતા., જેને લઈ હાઈકોર્ટે આવા સોગંદનામાં પરત્વે ગંભીર પરનાર્થ ઉઠાવ્યો હતો.હાઈકોર્ટે આ બંને સોંગદનામાઓને લઈ સુરતના પ્રિન્સીપાલ ડિસ્ટ્રીક્ટ જજને તપાસ કરી તેનો વિગતવાર અહેવાલ આગામી મુદતે રજુ કરવા હુકમ કર્યો હતો.
