ગરીબ કલ્યાણ મેળામાં પીએમ સ્વનિધિ યોજનાના થકી ડિંડોલીના ભાવનાબેન પાટીલને મળી સહાય
સરકારની પીએમ સ્વનિધિ યોજના થકી લોન સહાય પ્રાપ્ત થતા વ્યવસાયને આગળ ધપાવવાનો માર્ગ મળ્યો: લાભાર્થી ભાવનાબેન પાટીલ
સુરતઃશુક્રવારઃ- ગરીબ કલ્યાણ મેળાએ અનેક લોકોનું કલ્યાણ કર્યું છે. આજે કતારગામ ખાતે યોજાયેલા મેળામાં ડીંડોલીના મહાદેવ નગરમાં રહેતા ભાવનાબેન પાટીલને સુરત મહાનગર પાલિકાના યુસીડી વિભાગ દ્વારા પીએમ સ્વનિધિ યોજના અંતર્ગત રૂ.૨૦ હજારની હાથોહાથ સહાય મળી હતી. તેમણે હર્ષ સાથે કહ્યું કે,મને સ્વનિધી યોજના થકી લોન સહાય મળતા અગરબતી વેચાણના વ્યવસાયને આગળ ધપાવવાનો માર્ગ મળ્યો છે અને જેનાથકી મને આત્મનિર્ભર બનાવવાની પ્રેરણા મળી છે.
સ્વનિધી યોજનાના લાભાર્થી ભાવનાબેન પાટીલે જણાવ્યું કે, મારો મધ્યમવર્ગી પરિવાર છે. અમારા બે સંતાન છે, જે શાળામાં અભ્યાસ કરે છે, મારા પતિ પણ મારી સાથે અગરબતીના વેચાણનો વ્યવસાય કરે છે. આજની મોંઘવારીના સમયમાં બન્ને સાથે મળીને છેલ્લા સાત વર્ષથી અગરબતીનો વ્યવસાય કરી પગભર બન્યા છે.
તેમણે વધુમાં જણાવ્યું હતું કે,સમાજના અગ્રણીઓ દ્વારા પીએમ સ્વનિધિ યોજના વિશે સાભળ્યું હતું. ત્યારબાદ સુરત મહાનગર પાલિકાના યુસીડી વિભાગ તરફથી તમામ માહિતી વિગતવાર સમજાવી ફોર્મ આપ્યું હતું. જે ફોર્મ ભરી જરૂરી ડોક્યુમેન્ટ સાથે જમા કરાવતા ટુંક સમયમાં રૂ.૧૦ હજારની લોન સહાય પાપ્ત થઇ હતી. ત્યારબાદ આ લોન પુર્ણ થતાં બીજી રૂ.૨૦ હજારની લોન મંજુર થઇ છે. તેનો ચેક આજે ગરીબ કલ્યાણ મેળામાં મહાનુભાવોના હસ્તે હાથોહાથ આપવામાં આવ્યો છે. લોનની રકમ દ્વારા સામન-સામગ્રીમાં વધારો થતા વ્યવસાયને વેગ આપીને આત્મનિર્ભર બનીશ.
રાજ્યની સંવેદનશીલ સરકારનો હદય પુર્વક આભાર વ્યક્ત કરી અન્ય લોકો પણ સરકારની યોજનાનો લાભ લઇને આત્મનિર્ભર બનવાનો અનુરોધ કર્યો હતો. તેમજ વડાપ્રધાન નરેન્દ્રભાઇ મોદીના આત્મનિર્ભર ભારતના સપનાને સાકાર કરવા તેમને સાથ સહકાર આપવો જોઇએ એમ તેમણે જણાવ્યું હતું.
