વ્યવસાય વેરો ઓછું કરી આપવા માગ્યા પૈસા
સુરત કોર્પોરેશનમાં આજે નામોશીભર્યો દિવસ ઉગ્યો હતો. એક જ દિવસમાં બે અલગ-અલગ કોર્પોરેશનનાં કર્મચારીઓ લાંચ લેતા ઝડપાયાની ઘટના સામે આવી છે. વરાછામાં જુનિયર એન્જિનિયર અને પટાવાળા લાંચ લેતા પકડાયા બાદ સાંજે સુડા ભવનના ડિસ્પેચ મહિલા ક્લર્ક એસીબીના હાથે લાંચ લેતા ઝડપાયા હતા.
ફરિયાદીનો 54,000 રૂપિયાનો વ્યવસાય વેરો બાકી હોવાની વાત કરીને 34 હજાર રૂપિયામાં સેટિંગ કરી આપવા માટે સંપર્ક કર્યો હતો. ફરિયાદીએ આ બાબતે એન્ટી કરપ્શન બ્યુરોમાં જાણ કરી હતી અને અધિકારીઓ દ્વારા આરોપીઓને પકડવા છટકુ ગોઠવવામાં આવ્યુ હતું. લાંચ લેવા આવનાર સેન્ટ્રલ ઝોનમાં કોન્ટ્રાક્ટ ઉપર કોમ્પ્યુટર ઓપરેટર તરીકે અંકિત પટેલ ફરજ બજાવતો હતો. ફરિયાદી સાથે તેણે વાત કરી હતી કે, 54 હજારને બદલે 34 હજારમાં કામ પતી જશે અને વ્યવસાય વેરાની 11,000ની રસીદ પણ આપવામાં આવશે. ફરિયાદીએ અધિકારી સાથે વાત કરાવવાનું કહેતા અંકિત પટેલે સુડા ભવનમાં ડિસ્પેચ તરીકે કામ કરતા મહિલા કલાર્ક નિરાલી દવે સાથે વાત કરાવી હતી અને તેમણે બંને લાંચની એક સરખી માંગણીને સમર્થન આપ્યું હતું. એસીબી અંકિત પટેલને રંગે હાથે ઝડપી લીધો હતો અને કોન્ફરન્સ કોલ પર વાત કરનાર સુડા ભવનની કર્મચારી નિરાલી દવે સામે કાર્યવાહી શરૂ કરવામાં આવી છે.
સુરત મહાનગરપાલિકામાં ખૂબ મોટાપાયે ભ્રષ્ટાચાર થતો હોવાના આક્ષેપો સતત થતા રહે છે. એક જ દિવસમાં બે કેસ નોંધાતા સુરત મહાનગરપાલિકામાં ખળભળાટ ફેલાયો છે. સુડા ભવન ખાતે ડિસ્પેચ કલર તરીકે ફરજ બજાવતા નિરાલી દવે કોમ્પ્યુટર ઓપરેટર સાથે મળીને લાંચની માંગણી કરી હતી. તમામ બાબતના પુરાવા એન્ટીકરપ્શન બ્યુરોના હાથમાં લાગી ગયા છે. છટકુ ગોઠવતા બંને ટ્રેપ થઈ ગયા હતા. મહાનગરપાલિકાના કર્મચારીઓ દ્વારા કરવામાં આવતા ભ્રષ્ટાચારને કારણે સ્થાનિક પ્રજા પણ ખૂબ જ પરેશાન છે પરંતુ, ભ્રષ્ટાચારનો દૂર કરવો ખૂબ જ મુશ્કેલ જણાઈ રહ્યો છે
સુરત મહાનગરપાલિકામાં ખૂબ મોટાપાયે ભ્રષ્ટાચાર થતો હોવાના આક્ષેપો સતત થતા રહે છે. એક જ દિવસમાં બે કેસ નોંધાતા સુરત મહાનગરપાલિકામાં ખળભળાટ ફેલાયો છે. સુરત મહાનગરપાલિકામાં ખૂબ મોટાપાયે ભ્રષ્ટાચાર થતો હોવાના આક્ષેપો સતત થતા રહે છે. એક જ દિવસમાં બે કેસ નોંધાતા સુરત મહાનગરપાલિકામાં ખળભળાટ ફેલાયો છે.
