નો ડ્રગ્સ ઈન સુરત સિટી અભિયાન વચ્ચે ઔદ્યોગિક વિસ્તારમાં વહીવટદાર નું ખુલ્લેઆમ વેચાણ ની પરવાનગી
પી.આઈની મરજી વિરુધ્ધ વહીવટદારના વહીવટ, કાયદા ની ઉપર ગેરકાયદેસર કામગીરી કર્તા વહીવટદાર.
પાંડેસરા અને ભેસ્તાનમાંથી ગાંજા સાથે ત્રણ પકડાયા, પાંડેસરા માં બે વોન્ટેડ
પોલીસ દ્વારા નો ડ્રગ્સ ઇન સુરત સિટી અભિયાન ચલાવવામાં આવી રહ્યું છે પરંતુ આશ્ચર્યની બાબત એ છે કે સુરત શહેરના ઔદ્યોગિક એકમોથી ધમધમતા પોલીસ સ્ટેશનના વિવાદીત વહીવટદાર પોલીસકર્મીએ ગાંજા વેચાણની પરમીશન આપ્યાનું પોલીસ બેડામાં ચર્ચાય રહ્યુ છે. જો કે આ બાબત ડીસીપી સુધી પહોંચતા પોલીસકર્મીની સાંઠગાંઠમાં ગાંજો વેચનારને સકંજામાં લેવાના આદેશ આપવામાં આવ્યા છે.
છેલ્લા કેટલાક સમયથી નો ડ્રગ્સ ઈન સુરત સિટી અભિયાન ચલાવવામાં આવી રહ્યું છે. જે અંતર્ગત એમડી ડ્રગ્સ, ચરસ, અફીશ હોય કે પછી ગાંજી સહિતના કોઈ પણ પ્રકારના નશીલા પદાર્થના હેરાફેરી કરનાર, કારોભાર કે પછી સપ્લાયરને ઝડપી પાડી માદક પદાર્થના કારોબારની કમ્મર તોડી નાંખવામાં આવી છે. પરંતુ આશ્ચર્ષની ભાબત એ છે કે સુરત શહેરના ઔદ્યોગિક એકમોથી ધમધમતા પોલીસ સ્ટેશનમાં તાજેતરમાં એક વિવાદીત પોલીસકર્મીએ વહીવટદાર બનવા એડીચોટીનું જોર લગાવ્યું હતું. વિવાદીત પોલીસકર્મીએ પોલીસ ઇન્સ્પેક્ટરના પારિવારીક સંબંધનો ઉપયોગ કરી ઔદ્યોગિક એકમથી પમધમતા પોલીસ સ્ટેશનના ઇન્સ્પેકટરની મરજી વિરૂધ્ધ વહીવટદાર તો બની ગયો છે, પરંતુ આ વિવાદીત વહીવટદારે દારૂ-જુગાર તો ઠીક ગાંજા વેચાણની પરમીશન આપી હતી. એક તરફ પોલીસનું નો ડ્રગ્સ ઇન સુરત સિટી અભિયાન અને બીજી તરફ વહીવટદારે ગાંજા વેચાણનો ધંધો શરૂ કરાવતા પોલીસ બેડામાં ગણગણાટ શરૂ થયો હતો. જો કે આ વાત જે તે વિસ્તારના ડીસીપી સુધી પહોંચતા ડીસીપી અકળાયા હતા. ડીસીપીએ પોતાની એલસીબીની ટીમને વિવાદીત વહીવટદારની સાંઠગાંઠમાં ગાંજાનું વેચાણ કરનારને સકંજામાં લેવા આદેશ આપ્યા છે.
હાલમાં પાંડેસરા અને ભેસ્તાનમાંથી ગાંજા સાથે ત્રણ પકડાયા, બે વોન્ટેડ
પાંડેસરાના તેરેનામ રોડની તુલસીધામ સોસાયટીમાં રહેતા બલરામ ઉર્ફે જામની દિવાકર શાહુ (ઉ.વ.૩૦ મૂળ રહે. નિમુંડીયા, તા. ખોઈરાની, ગંજામ, ઓડિયા) અને આદર્શ દિનેશ ગુપ્તા (ઉ.વ. ૧૮ મૂળ રહે. રામાદેવી, ઉનાઉ, જી, કાનપુર, યુ.પી) ને ત્યાં દરોડા પાડી ૫૭૫ ગ્રામ ગાંજાનો જથ્થો અને વેચાણના રૂ. ૫૫ હજાર મળી રૂ. ૭૯ હજારનો મુદ્દામાલ કબ્જે લીધો છે. જયારે ગાંજો સપ્લાય કરનારને વોન્ટેડ જાહેર કર્યો છે. ભેસ્તાન પોલીસે ઉન પાટિયા હેલો મોબાઈલ સામે જાહેર રસ્તા ઉપરથી ૧૮૬.૭૬૦ ગ્રામ ગાંજા સાથે મોહમુદ સોહેલ મોહમદ શૌકત મન્સુરી (રહે. તિરૂપતિ નગર, ઉન ની પરપકડ કરી છે. જયારે ગાંજો સપ્લાય કરનાર ઇમરાન ઉર્ફે મુડી સાહબુદ્દીનને વોન્ટેડ જાહેર કર્યો છે.
