વાંઝગામમાં પ્રતિમાનું અનાવરણ કરી ડો.બાબાસાહેબ આંબેડકરની ૧૩૩મી જન્મજયંતીની ભવ્ય ઉજવણી કરવામાં આવીઃ
સુરતઃ રવિવાર:- સામજ સેવક એડવોકેટ જતીનભાઇ દેવેન્દ્રભાઇ વાંઝવાલાની સખત મહેનત અને પરિશ્રમ થકી આજ રોજ ભારતરત્ન ડો.બાબાસાહેબ આંબેડકરની ૧૩૩મી જન્મજયંતિના પાવન અવસરે ચોર્યાસી તાલુકાના વાંઝગામ ભારત ફળિયાના આંબેડકર ભવન ખાતે બાબા સાહેબની પ્રતિમાનું અનાવરણ કરાયું હતું.આ અવસરે મહ્યાવંશી સમાજ અને ગ્રામજનોએ દ્વારા બાબા સાહેબની પ્રતિમાને પુષ્પ અર્પણ કરી જન્મજયંતિની ભવ્ય ઉજવણી કરાઇ હતી. સમાજના અગ્રણીઓએ બંધારણના ઘડવૈયા બાબાસાહેબ ભીમરાવ રામજી આંબેડકરની જન્મજયંતિના અવસરે સૌને અભિનંદન પાઠવ્યા હતા.
આ પ્રસંગે મહ્યાવંશી સમાજના અગ્રણીશ્રીઓ, એડવોકેટશ્રી જતિનભાઇ વાંઝવાલા, ભુપેન્દ્રભાઇ સુરતી, સરપંચશ્રી હિનાબેન પટેલ,તલાટીશ્રી મહેશભાઇ, અગ્રણીશ્રીઓ પ્રિતેશભાઇ વાંઝવાલા, નિવૃત શિક્ષિકા શ્રીમતી નયનાબેન સુરતી, લક્ષ્મણભાઇ સુરતી,નરેશભાઇ વાંઝવાલા સહિત મહ્યાવંશી સમાજના લોકો અને ગ્રામજનોઉપસ્થિત રહ્યા હતા.
