ઘરેલું વપરાશના સિલિન્ડરોમાંથી 2-2 કિલો ગેસ ચોરી કર્તા પકડ્યા
પિંકી ગેસ સર્વિસનો માલિક પોતાના માણસો સાથે મળી 7 મહિનાથી ગેસ ચોરીનું નેટવર્ક ચલાવી રહ્યો હતો
સુરત ગ્રામ્ય એલ સી બી અને ઓલપાડ પોલીસે સંયુક્ત રીતે દરોડા પાડી માસમાં ગામની સીમ માંથી ગુજરાતના સૌથી મોટા ગેસ રિફીલિંગ ચોરી કૌભાંડ નો પર્દાફાશ કર્યો છે. ઘરેલુ વપરાશની ગેસ બોટલ માંથી ગેરકાયદે નાની બોટલમાં ગેસ રિફિલ કરી વેચવાનો ખુલ્લે આમ વેપલો કરી પોલીસ તથા પુરવઠા વિભાગને પડકાર ફેંકવા સાથે બેફામ બનેલા ગુનેગારો હવે ગેસ રીફીલીંગનું મોટું નેટવર્ક ઓપરેટ કરતા પોલીસનાં હાથે પકડાયાં છે શુક્રવારની વહેલી સવારથી ઓલપાડ તાલુકાના માસમાં ગામે આવેલી પિંકી ગેસ એજન્સીમાં ઓલપાડ પોલીસ અને જિલ્લા એલસીબીઓ બાતમીના આધારે દરોડા પાડયા હતા. દરોડા પાડયા ત્યારે ગેસ એજન્સીના માણસો ઘરેલુ વપરાશના સીલ પેક બોટલમાંથી ગેસ રિફિલ કરી ચોરી કરી રહ્યા હતા. ઇન્ડિયન ગેસ ના 16 કિલોના દરેક બોટલ માંથી એજન્સીના માણસો દોઢ થી 2 કિલો ગેસ કાઢી ખાલી બોટલ માં ભરી રહ્યા હતા.
મળેલી માહીતી મુજબ પીન્કી ગેશ એજન્સીનો માલીક પરેશ શાંતીલાલ પટેલ (રહે સુરત)ના એ ઈન્ડીયન ગેસ એજન્સી ધરાવતો હોય. જે 7 મહીનાં અગાઉથી ગેસ ચોરી નેટવર્ક ચલાવતો આવેલો જે માણસો રાખી ગેરકાયદેશરની ગુનાહીત પ્રવુતી કરતાં પોલીસ રેડમાં કુલ ચાર આરોપી પોલીસ હાથે પકડાવા સાથે અન્ય 8 ને વોન્ટેડ જાહેર કરી વધુ તપાસ હાથ ધરી હતી.
