સુરત શહેરમાં કાયદો અને વ્યવસ્થાની સ્થિતિ જળવાઈ રહે તે માટે પોલીસ દ્વારા મેગા કોમ્બિંગ કરવામાં આવે છે. સુરત પોલીસ દ્વારા પાંડેસરા વિસ્તારમાં આવેલા વિઘ્નવંશી આવાસ પર કોમ્બિંગ કરવામાં આવ્યું હતું. PI, PSI અને 46 પોલીસકર્મીઓની 7 અલગ-અલગ ટીમો બનાવવામાં આવી હતી. કેમ્બિંગમાં 12 બિલ્ડીંગના 216 મકાનોની તપાસ કરવામાં આવી હતી. આ રાત્રિ કોમ્બિંગ દરમિયાન 61 લોકોની ધરપકડ કરવામાં આવી હતી. ઓછામાં ઓછા 51 વાહનો અને ચપ્પુ અને તલવાર જેવા હથિયારો પણ જપ્ત કરવામાં આવ્યા હતા.
પાંડેસરા બુડિયા રોડ ખાતે આવેલા વિધ્નવંસી આવાસમાં એન્ટ્રી એક્ઝિટ પોઈન્ટ પર નાકાબંધી કરી કોમ્બિંગ હાથ ધરવામાં આવ્યું હતું. પોલીસ દ્વારા 12 બિલ્ડિંગના કુલ 216 મકાનો ચેક કરવામાં આવ્યા હતા અને હાજર મળી આવેલા લોકોની સઘન પૂછપરછ કરી તથા આવાસના રૂમોની ઝડતી અને તપાસ કરી હતી. કોમ્બિંગ દરમિયાન પોલીસ દ્વારા 85 ભાડુઆતો ચેક કરવામાં આવ્યા હતા. પીધેલાના 20 કેસ, 63 શંકાસ્પદ ઈસમોને ચેક કરવામાં આવ્યા હતા. આમ કોમ્બિંગ દ્વારા પોલીસે 61 ઇસમોને અટક કરવામાં આવ્યા હતા અને 51 વાહનો તેમજ તલવાર અને ચપ્પુ જેવા હથિયારો પણ જપ્ત કરીને કાયદેસરની કાર્યવાહી હાથ ધરવામાં આવી હતી.
