સુરતઃ રવિવારઃ- વિધાનસભા સામાન્ય ચૂંટણી-૨૦૨૨ સંદર્ભે સુરત જિલ્લા મેજિસ્ટ્રેટશ્રી આયુષ ઓકે એક જાહેરનામા દ્વારા ચૂંટણીલક્ષી પ્રચાર અર્થે લોકોની માલ, મિલકતોમાં પોસ્ટરો, હોર્ડગ્સ વગેરે માટે અંકુશો મુકવામાં આવ્યા છે.
આ જાહેરનામા અનુસાર કોઈપણ સરકારી જગ્યા કે મિલકત, મકાન પર પોસ્ટર, પેપર્સ, કટ આઉટ, હોર્ડિંગ્સ, બેનર્સ ચોંટાડવા કે પ્રદર્શિત કરવા નહીં. કોઈ જાહેર સ્થળે કાયદા અનુસાર સૂત્રો, પોસ્ટર્સ, કટ આઉટ, હોર્ડિંગ્સ, બેનર્સ વગેરે ચુકવણીના ધોરણે કે અન્ય રીતે પ્રદર્શિત કરવાની છૂટ હોય તો તે અંગેના પ્રવર્તમાન સ્થાનિક કાયદાનું ચુસ્ત રીતે પાલન કરવાનું રહેશે. જાહેર કે ખાનગી મકાન, મિલકત, જમીન, દિવાલ કે કમ્પાઉન્ડ પર માલિકની પરવાનગી વગર ધ્વજ/પતાકા, બેનરો, નોટિસો, સૂત્રો, લખાણ કે કોઈપણ ચૂંટણીલક્ષી પ્રચાર માટેનું કાર્ય કરીને મિલકતને નુકસાન કરી શકાશે નહિ. જાહેર કે ખાનગી મકાનો પર સૂત્રો લખવા, પોસ્ટર્સ, પ્રચાર સામગ્રી ચોંટાડવા કાયદાનો ચુસ્તપણે અમલ કરવો. રાજકીય પક્ષના કાર્યકરો કે ટેકેદારોએ અન્ય રાજકીય પક્ષો દ્વારા આયોજિત કાર્યક્રમમાં તેમના પક્ષનું સાહિત્ય વિતરણ કરી ખલેલ પહોંચાડી શકશે નહિ તેમજ એક પક્ષ દ્વારા લગાવવામાં આવેલ પોસ્ટર્સ બીજા પક્ષના કાર્યકરો કે ટેકેદારો દૂર કરી શકશે નહીં.
આ જાહેરનામાના ભંગ બદલ ભારતીય દંડ સહિતની કલમ-૧૮૮ મુજબ કાર્યવાહી થશે. આ જાહેરનામું તા.૧૦/૧૨/૨૦૨૨ સુધી અમલમાં રહેશે.

સુરતઃ રવિવારઃ- વિધાનસભા સામાન્ય ચૂંટણી-૨૦૨૨ સંદર્ભે સુરત જિલ્લા મેજિસ્ટ્રેટશ્રી આયુષ ઓકે એક જાહેરનામા દ્વારા ચૂંટણી પ્રક્રિયા દરમિયાન રાજકીય પક્ષો, ઉમેદવારો, તેમના કાર્યકરો દ્વારા ધાર્મિક સંસ્થાઓનો ઉપયોગ કરવા પર જરૂરી નિયંત્રણો મુકવામાં આવ્યા છે.
જાહેરનામાં અનુસાર સુરત જિલ્લામાં સમગ્ર વિસ્તારમાં કોઈપણ રાજકીય પક્ષો, ઉમેદવારો તથા તેમના કાર્યકરો, સમર્થકોએ ચુંટણી પ્રક્રિયા દરમિયાન ભાષણો, પોસ્ટરો, સંગીત વગેરે સહિત મંદિરો, મસ્જીદો, ચર્ચ, ગુરૂદ્વારા જેવા ધાર્મિક સ્થળો/સંસ્થાઓ/સંસ્થાઓ અથવા કોઈપણ પ્રકારના પ્રાર્થના સ્થળોનો ચૂંટણી પ્રચાર માટે ઉપયોગ કરવો નહી. આ હુકમ તા.૧૦/૧૨/૨૦૨૨ સુધી અમલમાં રહેશે. આ જાહેરનામાનો ભંગ કે ઉલ્લંધન કરનાર શિક્ષાને પાત્ર થશે.

સૂરતઃરવિવારઃ- વિધાનસભા સામાન્ય ચૂંટણી-૨૦૨૨ સંદર્ભે સુરત જિલ્લા મેજિસ્ટ્રેટશ્રી આયુષ ઓકે એક જાહેરનામા દ્વારા રાજકીય પક્ષો માટે ચુંટણી પ્રચારમાં વાહનોના ઉપયોગ સંદર્ભે નિયંત્રણો મુકયા છે.
જાહેરનામા અનુસાર પોલિસ કમિશનરશ્રીની હકુમત સિવાયના સમગ્ર જિલ્લાના વિસ્તારોમાં કોઈપણ રાજકીય પક્ષો કે ઉમેદવાર કે તેના ચુંટણી એજન્ટ કે કાર્યકર ધ્વારા ચુંટણી પ્રચાર માટે પરવાનગી મેળવી માત્ર બે ચક્રીય/ત્રણ ચક્રીય/ચાર ચક્રીય વાહનોનો ઉપયોગ કરી શકાશે. સુરત ગ્રામ્ય વિસ્તારના જાહેર રસ્તાઓ ઉપર દસથી વધુ વાહનોના કાફલામાં સાથે જઈ શકાશે નહી અને આવો કાફલો જો કોઈ કિસ્સામાં દસથી વધુ વાહનોનો હોય તો તેને દસ વાહનોથી વધુ ન થાય તે રીતે ભાગ પાડી અલગ કરવાના રહેશે. આવા ભાગ પાડેલા બે કાફલા વચ્ચે પણ ઓછામાં ઓછુ ર૦૦ મીટરનું અંતર રાખવાનું રહેશે. આ હુકમનો ભંગ કરનાર કે ઉલ્લંઘન કરનાર શિક્ષાને પાત્ર થશે. આ જાહેરનામું તા.૧૦/૧૨/૨૦૨૨ સુધી અમલમાં રહેશે.

સચિન અનાજ તસ્કરી કૌભાંડમાં કાંડમાં સોમવારે રિપોર્ટ સબમીટ થશે ત્યારે ઘણાના ચહેરા-નામો ખુલી શકે

સચિન સ્ટેશન વિસ્તારમાં આવેલાં સરકારી અનાજના ગોડાઉનમાંથી અનાજની તસ્કરી મામલે એક નામ શોધો ત્યાં બીજા પાંચ નામો સામે આવી રહ્યાં છે. આ સમગ્ર પ્રકરણમાં મુખ્ય સૂત્રધાર એમ.ડી શાહ સહિત તેના ભત્રીજા રાકેશ શાહ સંપૂર્ણ રીતે કાયદાની રડારમાં છે. સોમવારે સિંચન પોલીસને સમગ્ર રીપોર્ટ સબમીટ થવાનો છે ત્યારે પોલીસ તમામ આરોપીઓને શોધી કાઢી તેમની આકરી પૂછપરછ કરે તેવાં આકરા એંધાણ વર્તાય રહ્યાં છે. ક્રાંતિ સમય દૈનિકમાં અનાજની તસ્કરી મુદ્દે અહેવાલો પ્રકાશિત થતાં સચિન ગોડાઉનમાંથી અનાજની તસ્કરી કરનારા ચોરોમાં ફફડાટ ફેલાઇ ગયો છે. જોકે, ગોડાઉન મેનેજર પ્રીતિ ચૌધરી સસ્પેન્ડ છે પરંતુ તેના વિરૂદ્ધ પણ કેસ દાખલ થવાની પૂરેપૂરી શક્યતાઓ છે. અને અન્ય લોકો જે પર્દા પાછળ ની કામગીરીમાં સામેલ છે તેની સામે પણ કાર્યવાહી થવાનું વિભાગ તરફ થી તપાસ કરવામાં આવી રહ્યા છે.

સચિન સ્ટેશન નજીક આવેલાં સરકારી અનાજના ગોડાઉનમાંથી અનાજની તસ્કરીનો કિસ્સો તા.૨૭-૧૦-૨૦૨૨ રોજે સામે આવ્યું છે. તેમાં ક્રાંતિ સમય ના તરફ થી કરવામાં માં આવેલ ફરિયાદ ના આધારે ભારત ના પ્રધાનમંત્રી કાર્યલાયમાં આ બાબત ની જાણ કરતા. ગુજરાત માં થી સુરત જીલ્લા , તાપી જીલા, વલસાડ જીલ્લા ના પુરવાડા અધિકારી અને જિલ્લા અને ગાંધીનગરની ટીમે તપાસ કરતાં સ્ટોકના આધારે અનાજની મોટી ઘટ ઉતરી આવી છે. આ રીપોર્ટના આધારે હવે પોલીસ સોમવારથી હરકતમાં આવશે અને આ ચોરીના પ્રકરણમાં ચેઇન સિસ્ટમમાં જોડાયેલાં કેટલાંય લોકોના માથા સપાટી ઉપર આવી ઓળખાય જશે. જેમાં હાલ આ સમગ્ર પ્રકરણમાં મુખ્ય સૂત્રધાર એમ.ડી શાહ અને તેના ભત્રીજા રાકેશ શાહ કાયદાની રડારમાં છે. આ સાથે સરકારી અનાજ ગોડાઉનના મહિલા મેનેજર પ્રીતિ ચૌધરી સસપેન્ડ છે

પરંતુ તેમના વિરૂધ્ધ પણ કેસ ફાઇલ થવાની અનેક ઘણી શક્યતાઓ છે. જોકે, તમામ ટોળકી પોતાને બચાવવા માટે આમ તેમ ફાંફાં મારી રહી છે પરંતુ તેમનું હાલ કંઇ ઉગતું હોય તેવું નથી. વર્ષ-૨૦૧૩માં સુરત જિલ્લા કલેક્ટર રહી ચૂકેલાં જયપ્રકાશ શિવહરેએ અનાજની તસ્કરી કરનારા રાકેશ શાહ ઉપર ‘પીબીએમ’નો કેસ કરી નાંખ્યો હતો. રાકેશ શાહ શાસકપક્ષના અમુક નેતાઓ સાથે સાંઠગાંઠ ધરાવે છે. સચિન સ્ટેશન બજાર વિસ્તારમાંથી જ્યારે અનાજની ગાડીઓ પકડાઇ ત્યારે પોલીસની બીકે ગોડાઉન મેનેજર ગોડાઉન ખૂલ્લુ મૂકી ભાગી છૂટ્યા હતાં અને પોતાનો ફોન સ્વીચ ઓફ પણ કરી દીધો હતો જેને કારણે શાહ કાકા-ભત્રીજા ખીચડી બનાવી શક્યા નહી જેથી આખુ ભોપાળું ખુલીને છટ્ટાપાટ સામે આવી ગયું હતું. જો પ્રીતિ ચૌધરી ભાગે નહીં તો શાહ કાકા-ભત્રીજા આ પ્રકરણને પણ રોલા-પીડા કરીને ઠંડુ પાડી દેત એવું વિશ્વસનીય શાહ સૂત્રએ જણાવ્યું હતું.

નોંધનીય છે કે અંદાજે ૬૭૩ મેટ્રીક ટન અનાજનો લોચો તપાસમાં અધિકારીઓએ પકડ્યો હોવાનું જાણવા મળ્યું છે અને આ પ્રકરણમાં મુખ્ય સૂત્રધાર એમ.ડી શાહનું નામ છાશવારે આવતું હોવાથી તેમનો સંપર્ક કરવામાં આવ્યો ત્યારે તેમણે વાતને રફેદફે કરવા માટે પોતે રાજકોટ હોવાનું જણાવ્યું હતું. જ્યારે તેમને એવું જણાવવામાં આવ્યું કે તમે જે કહેશો તે લખી દેવાશે અને તમારો ફોન રેકોર્ડિંગ મોડ ઉપર છે ત્યારે તેમણે રૂબરૂ મળીને ચર્ચા કરવાનું જણાવ્યું હતું.

દિવાળીમાં ૨૦મી ઓક્ટોબરના રોજ ઓડિટ કાર્ય પૂર્ણ થયું હતું

દિવાળી દરમિયાન લાંબી રજાઓ આવતી હતી જેને કારણે ઉચ્ચકક્ષાએથી ડોર સ્ટેપ અનાજ સપ્લાય કરનારા વાહનચાલકોને સ્પષ્ટ સૂચના હતી કે માંગણી મુજબનું અનાજ પહોંચાડી દેવું અને તે સમય દરમિયાન એટલે ગત.૨૦મી ઓક્ટોબર-૨૦૨૨નાં રોજ શાર્પ એન્ડ કંપનીના ઓડિટરે સચિન ગોડાઉનનું ઓડિટ કાર્ય પણ કરી નાખ્યું હતું. હવે ઓડિટ થઇ ગયાં પછી સરકારી અનાજના ગોડાઉનમાંથી અનાજ નીકળતું હોય તો આ વાત ક્યાં તો ઓડિટરને શંકાનાં દાયરામાં લાવે છે અથવા તો ઓડિટ થઇ ગયા બાદ સ્પેશિયલ અનાજની તસ્કરી કરવા માટે અનાજને સિંચન ગોડાઉનમાં લવાયું હોઇ શકે! સૂત્રોએ એવું પણ જણાવ્યું હતું કે ઓડિટ રીપોર્ટ ગાંધીનગર ઉચ્ચ કચેરીએ પણ પહોંચી ગયો છે અને તેમાં હવે ફેરફાર થવાની શક્યતાઓ નહીવત બરાબર છે, અને જો ઓડિટ રીપોર્ટમાં ચેનચાળા થાય તો એવું ચોક્કસપણે બહાર આવી શકે કે સરકારી તંત્રના અમુક અધિકારીઓ પણ તસ્કરીના કિસ્સામાં અંદરો-અંદર સામેલ છે.

કમ્યુટર ઓપરેટર નું શું ભૂમિકા:

સચીન અનાજ કૌભાંડમાં કોઈ પણ જગ્યા ગોદામ માં કામગીરી કરતા કમ્યુટર ઓપરેટર ની ભૂમિકા અંગે પણ તપાસ કરવામાં આવે તો અનેક પરિબળોની ભૂમિકા નું ખુલાશો થશે અમે લાગી રહ્યા છે.

જે આવનાર સમય માં જ તેનું ખુલ્લાશો થશે જે સમય પુલીસ વિભાગ તરફ થી તપાસ કરી ને યોગ્ય રીપોર્ટ કાનૂની પ્રકિયા અંતગર્ત કરવામાં આવશે.

સુરતઃશનિવાર: ભારતના ચૂંટણી આયોગ દ્વારા ગુજરાત વિધાનસભાની સામાન્ય ચુંટણી-૨૦૨૨ના અનુલક્ષીને સુરત શહેરના પોલીસ કમિશનરશ્રી અજયકુમાર તોમરએ એક જાહેરનામું પ્રસિધ્ધ કયુ છે. તે મુજબ સુરત પોલીસ કમિશનરશ્રીની હકુમત હેઠળના સમગ્ર વિસ્તારમાં કોઇપણ રાજકીય પક્ષ અથવા વિધાનસભાની ચુંટણીના ઉમેદવાર દ્વારા અથવા આવા ઉમેદવાર માટે કોઈ મંડળ, સંગઠન અથવા વ્યકિત દ્વારા રાજ્ય સરકાર, મહાનગર પાલિકા, નગરપાલિકાએ અથવા બોર્ડ, નિગમો, પંચાયતોના રસ્તાઓ, માર્ગો, મકાનો અથવા તેઓના હસ્તકની જગ્યાઓ ઉપર કોઇ પણ રાજકીય પક્ષ અથવા ચુંટણીના ઉમેદવાર દ્વારા સમાચાર, બોર્ડ અથવા જાહેર નોટીસ ન હોય એવા કોઇ પણ પ્રકારના કટ આઉટ જાહેરાત પાટીયા, પોસ્ટર, ધજા, પતાકા, બેનર્સ મુકી શકશે નહીં. સાથે આ દિવાલો પર ચિત્રો દોરાવી શકશે નહીં કે કમાનો દરવાજા વિગેરે ઉભા કરી શકશે નહીં. કોઈપણ રાજકીય પક્ષ અથવા ઉમેદવાર દ્વારા આવા ઉમેદવાર માટે કોઈ મંડળ, સંગઠન અથવા વ્યકિત દ્વારા કોઈ પણ ખાનગી મિલકત ઉપર રાજકીય નેતાઓના કટઆઉટ, જાહેરાતના પાટિયા, બેનર્સ વગેરે તે જગ્યાના માલિકની પૂર્વ મંજુરી વગર મુકી શકાશે નહી. આ જાહેરનામું તા.૧૦/૧૨/૨૦૨૨ સુધી અમલમાં રહેશે, જેથી આ હુકમનો ભંગ કે ઉલ્લંધન કરનાર સાથે શિક્ષાત્મક કાર્યવાહી કરવામાં આવશે.

સુરતઃશનિવાર: ગુજરાત વિધાનસભાની સામાન્ય ચુંટણી-૨૦૨૨ ના સંદર્ભમાં અનુલક્ષીને સુરત પોલીસ કમિશનરશ્રી અજયકુમાર તોમરએ એક જાહેરનામું પ્રસિધ્ધ કર્યું છે, જાહેરનામાં અનુસાર સુરત પોલીસ કમિશનરશ્રીની હકુમત હેઠળના સમગ્ર વિસ્તારમાં કોઈ પણ વ્યકિતએ શસ્ત્ર અધિનિયમની વ્યાખ્યામાં આવતું કોઈપણ હથિયાર કે શસ્ત્રો, તલવાર, ભાલા, ઘોડા, બંદુક, છરા, ચપ્પુ, લાકડી અથવા શારીરીક ઈજા પહોંચાડી શકાય તેવું કોઈ પણ યંત્ર, શસ્ત્ર કે સાધન, કોઈપણ ક્ષયકારી પદાર્થ અથવા સ્ફોટક પદાર્થ સાથે લઈ જવું નહિ, પથ્થરો અથવા ફેંકી શકાય તેવી બીજી વસ્તુઓને ફેંકવા કે નાંખવાનાં યંત્રો, શસ્ત્રો અથવા સાધન સાથે લઈ જવું નહિ તેમજ મનુષ્યો અથવા આકૃતિઓ અથવા પુતળાં દેખાડવા નહિ, જેનાથી સુરૂચિનો અથવા નીતિનો ભંગ થાય તેવું ભાષણ કરવું નહિ, તેવા હાવભાવ કે ચેષ્ટા કરવી નહિ, ચિત્રો, પત્રિકા કે પ્લે કાર્ડ અથવા બીજા કોઈ પદાર્થ અથવા વસ્તુ તૈયાર કરવી નહિ અથવા તેનો ફેલાવો કરવો નહિ, કોઈ સરઘસમાં જલતી અથવા પેટાવેલી મશાલ લઈ જવી નહિ અને લોકોને અપમાનિત કરવાના ઈરાદે જાહેરમાં બુમો પાડવી નહિ, ગીતો ગાવા નહીં કે વાદ્ય વગાડવા ઉપર પ્રતિબંધ કરાયો છે.

અહી સરકારી અધિકારી અથવા ચુંટણી કામગીરીમાં કામે આવું કોઈ હથિયાર લઈ જવા ફરમાવ્યું હોય અથવા આવું કોઈ હથિયાર લઈ જવાની જેમની ફરજ હોય, જિલ્લા મેજીસ્ટ્રેટશ્રીએ અથવા તેમના દ્વારા અધિકૃત કરેલ પોલીસ અધિકારી દ્વારા જેની શારિરીક, અશકતતાને કારણે શરીરને ટેકો આપવા લાકડી અથવા લાઠી લઈ જવાની પરવાનગી આપવામાં આવી છે. આ જાહેરનામું તા.૧૦/૧૨/૨૦૨૨ સુધી અમલમાં રહેશે, જેથી આ હુકમનો ભંગ કે ઉલ્લંધન કરનાર શિક્ષાને પાત્ર થશે.

તા.૫ થી ૧૪ નવેમ્બર સુધી (જાહેર રજા સિવાય) સવારે ૧૧:૦૦ થી બપોરે ૩:૦૦ વાગ્યા વચ્ચે ઉમેદવારી પત્ર મેળવી તથા ભરાયેલ ઉમેદવારી પત્ર રજુ કરી શકાશે

તા.૧૭ નવેમ્બરના રોજ બપોરે ૩:૦૦ કલાક પહેલા ઉમેદવારી પરત ખેંચવાની નોટીસ અધિકારી સમક્ષ રજુ કરી શકાશે

સુરતઃશનિવારઃ ગુજરાતની વિધાન સભા સામાન્ય ચુંટણી અંતર્ગત ૧૬૨-કરંજ વિધાનસભા મતદાર વિભાગ અને નાયબ કલેક્ટર સીટી પ્રાંત, સીટી સબડીવીઝન, સુરતના ચૂંટણી અધિકારીશ્રી જી.વી.મિયાણીએ ૧૬૨-કરંજ વિધાનસભા મતદાર વિભાગ માટે ચુંટણીઓના ફોર્મ બાબતે જાહેરનામું પ્રસિધ્ધ કરવામાં આવ્યું છે.
જે મુજબ ચૂંટણી અધિકારી, ૧૬૨-કરંજ વિધાનસભા મતદાર વિભાગ અને નાયબ કલેક્ટર સીટી પ્રાંત,સુરત ઠે.એ/3, જિલ્લા સેવા સદન-૨, અઠવાલાઇન્સ, સુરત અથવા મદદનીશ ચુંટણી અધિકારી ૧૬૨-કરંજ વિધાનસભા મતદાર વિભાગ અને અને મામલતદારશ્રી, પુણા,સુરત ઠે.ગ્રાઉન્ડ ફલોર,જુની કલેક્ટર કચેરી, બહુમાળી,નાનપુરા,સુરત સમક્ષતા ૦૫-૧૧-૨૦૨૨ થી તા.૧૪-૧૧-૨૦૨૨ સુધી (જાહેર રજા સિવાય ) સવારના ૧૧:૦૦ થી બપોરના ૩:૦૦ વાગ્યા વચ્ચે કોરા ઉમેદવારી પત્ર મેળવી શકાશે અને ભરાયેલ ઉમેદવારી પત્ર રજુ કરી શકાશે. જેમા માટે નિયમોનુસાર નોટીસ પ્રસિદ્ધ કરવામાં આવી છે.
ઉમેદવારીપત્રોની ચકાસણી તા.૧૫-૧૧-૨૦૨૨ના રોજ સવારના ૧૧:૦૦ વાગ્યાથી ચૂંટણી અધિકારી ૧૬૨-કરંજ વિધાનસભા મતદાર વિભાગ અને નાયબ કલેક્ટર સીટી પ્રાંત, સીટી સબડીવીઝન, સુરતના ઠે.એ/3, જિલ્લા સેવા સદન-૨, અઠવાલાઇન્સ, સુરત ખાતે હાથ ધરવામાં આવશે.
તા.૧૭-૧૧-૨૦૨૨ના રોજ બપોરના ૩:૦૦ કલાક પહેલા ઉમેદવારી પરત ખેંચવાની નોટીસ ઉપરોકત કોઈ પણ અધિકારી સમક્ષ રજુ કરી શકાશે. મતદાન તા.૦૧-૧૨-૨૦૨૨ના રોજ સવારે ૮:૦૦ થી સાંજના ૫:૦૦ વાગ્યા વચ્ચે થશે. તેમ કરંજ વિધાનસભાના ચૂંટણી અધિકારીશ્રીની યાદીમાં જણાવાયું છે.

નિર્દોષ ગરીબોનું અનાજ ચાઉં કરી જનારા તસ્કરો સહિત ઘણાં લોકો કાયદાની ચપેટમાં આવી જશે

મુખ્ય સૂત્રધાર ‘શાહ’ સહિત અરવિંદ રાજપૂત અને રાકેશ રાજપૂતની મોટી કાળા બજારીમાં સંડોવણી હોવાની પ્રબળ શંકા

પ્રતિનિધિ, સચિન, તા.04
સુરતના સચિન વિસ્તારમાં આવેલાં સરકારી અનાજના ગોડાઉનમાંથી ગરીબોના અનાજની તસ્કરીનો મામલો દિવાળીની રજાઓમાં સામે આવ્યો હતો. 6 ટ્રકોમાં 10હજાર ઘઉં-ચોખા અને ચણાનાં કટ્ટા તંત્રએ ઝડપી પાડ્યાં હતાં. આ ઘટના બાદ જિલ્લા કલેક્ટર હરકતમાં આવી ગયાં અને તપાસના આદેશો જારી કર્યા હતાં. ગાંધીનગરની પણ એક ટીમ સચિન ખાતે આવી પહોંચી હતી અને સ્થાનિક ટીમ સાથે મળીને સતત ત્રણથી ચાર દિવસો સુધી તળિયે જાટક તપાસ કરી હતી જેમાં અંદાજે 673 મેટ્રીક ટન અનાજ તસ્કરો અને ચોરોએ ભેગા મળીને વેચી ખાધું હોવાની હકીકત સામે આવી રહી છે. આ સમગ્ર પ્રકરણમાં કેટલાંય દુકાન ધારકો પણ કાયદાની ચપેટમાં આવી જશે.
સચિનના સરકારી અનાજના ગોડાઉનમાંથી મોટા પાયે અનાજની તસ્કરી અને તેનો બારોબાર વેપાર કરી નાંખી રોકડાં કરી લેવાનો કિસ્સો સપાટી પર આવ્યો છે. સમગ્ર પ્રકરણમાં મુખ્ય સૂત્રધાર તરીકે વારંવાર ‘શાહ’ અટકધારી વ્યક્તિનું નામ સપાટી ઉપર આવી રહ્યું છે જ્યારે દક્ષિણ ગુજરાતના વિવિધ સરકારી અનાજના ગોડાઉનથી દુકાન સુધી અનાજ નો જથ્થો હોંચાડનારા રાકેશ રાજપૂત અને અરવિંદ રાજપૂત પણ ખાસ્સા ચર્ચમાં છે. અનાજની કાળા બજારીમાં રાજપૂત બંધુઓની સંડોવણી હોવાની પ્રબળ શંકાઓ સેવાઈ રહી છે અને નજીકના દિવસોમાં રાજપૂત બંધુઓ સહિત માલ ખરીદનારા લોકો ભેરવાશે. આ સિવાય પણ કેટલાંય દુકાનદારો પણ કાયદાની ચપેટમાં આવી જશે. આ મામલો સપાટી ઉપર આવતાં તંત્
રએ લાલ આંખ કરીને તપાસ શરૂ કરી જેમાં અંદાજે 673 મેટ્રીક ટન ગરીબોના હિસ્સાનું અનાજ તસ્કરો અને ચોર ટોળકી ચાઉં કરી ગઈ અને રોકડાં પણ કરી લીધાં. જાણવા મળતી માહિતી મુજબ તપાસ કરનારી પુરવઠા ટીમે તપાસ કરીને સચિન પોલીસ સ્ટેશનમાં રીપોર્ટ સબમીટ કરી દીધો છે જેમાં આવક-જાવકના સ્ટોક પ્રમાણે કયા સમયગાળામાં કોણ સચિન ગ
ોડાઉન ઉપર કાર્યરત હતું તથા ક્યારથી સ્ટોકમાં ગોટાળો આવી રહ્યો છે તેની સંપૂર્ણ વિગત એક રીપોર્ટમાં લખી પોલીસને આપી દેવામાં આવી છે. હવે નજીકના દિવસોમાં સુરત જિલ્લા કલેક્ટર તરફથી ફાઈનલ રીપોર્ટ આવશે અને તેના અનુસંધાને ચોર-ચપાટ ટોળકી વિરૂદ્ધ ગુનો દાખલ કરવાની કાર્યવાહી પોલીસ દ્વારા કરવામાં આવશે.
જાગૃત લોકોનું એવું કહેવું છે કે છેલ્લાં દોઢ-બે વર્ષની અંદર જ મોટી ચોરી થઈ હોય શકે કારણ કે સચિન સ્ટેશન નજીક બજાર પાસે જ સરકારી અનાજનું ગોડાઉન આવેલું છે અને દિવસ દરમિયાન ઘણી ટ્રકો પસાર થતી હોવાનું જોવા મળ્યું છે. એકસાથે પાંચ ટ્રક નિકળતી હોય તેમાં એકાદ ટ્રક બીજી દિશામાં વાળી દેવામાં આવે તો કોઈને કાનોક
ાન પણ ખબર પડે નહીં તેવી તીવ્ર વાતોએ સચિન સ્ટેશન વિસ્તારને ગજાવી મૂક્યું છે. અરવિંદ રાજપૂત તેના સાથીદાર રાકેશ રાજપૂત સાથે મળીને સમગ્ર પ્રકરણમાં પોતાની ભૂંડી ભૂમિકા ભજવી નિર્દોષ ભૂખ્યાં ગરીબ પરીવારોનું અનાજ ચાઉં કરી ગયાં હોવાની ચર્ચાઓ છે. નામ ન જણાવવાની શરતે રાજપૂત ગ્રુપના એક વ્યક્તિએ જણાવ્યું હતું કે
સ્થાનિક પી.આઈ પોતાના ઉપરી અધિકારીઓને વિશ્વાસમાં લઈને અરવિંદ રાજપૂતને બેસાડી દે તો સમગ્ર કાંડમાં કોણ-કોણ સામેલ છે તેની આખી બાજી ખુલી જાય તેમ છે. બીજા તરફ રાકેશ રાજપૂત પણ આવા બે નંબરીયા કામોમાં અનેકોવાર પોતાનું પોત પ્રકાશી ચૂક્યો હોવાની વાતો પણ ચાલી રહી છે. સરકારી તંત્ર કેટલાં ત્વરીત ગુનેગારો વિરૂદ્ધ
પગલાં ભરે છે તેની વાટ લોકો જોઈ રહ્યાં છે.

ચુંટણીને લગતી કોઈ પણ પત્રિકાઓ, પોસ્ટરો છપાવતા પહેલા ચુંટણીની જોગવાઈનું પાલન કરવાનું રહેશે

સુરત:શુક્રવાર: આગામી વિધાનસભાની સામાન્ય ચૂંટણી તા.૧ ડીસેમ્બર ૨૦૨૨નાં રોજ મતદાન યોજાનાર છે. જે સંદર્ભે સુરત જિલ્લા મેજીસ્ટ્રેટશ્રી આયુષ ઓકે જિલ્લામાં આવેલા તમામ ખાનગી પ્રિન્ટીંગ પ્રેસ તેમજ પ્રકાશનના વ્યવસાય સાથે સંકળાયેલા વ્યક્તિઓ/પેઢીઓએ મુદ્રણ અને પ્રકાશન સંદર્ભે લોક પ્રતિનિધિત્વ અધિનિયમ,૧૯૫૧ ની જોગવાઈને આધારે કામગીરી કરવાની રહેશે.
વિધાનસભાની ચુંટણીમાં જે અનુસાર રાજકીય પક્ષો,ખાનગી વ્યક્તિઓ કે ઉમેદવારો દ્વારા ચૂંટણીને લગતી જે પત્રિકાઓ અથવા પોસ્ટરો ઉપર તેના મુદ્રક અને પ્રકાશકનું નામ અને સરનામા ન હોય એવી કોઇપણ પત્રિકા અથવા પોસ્ટર છાપી કે પ્રસિધ્ધ કરી શકાશે નહિ અથવા છપાવી કે પ્રસિધ્ધ કરાવી શકાશે નહિ.
વધુમાં કોઇપણ વ્યક્તિએ જ્યાં સુધી તેના પ્રકાશકની ઓળખ વિશેના પોતે સહી કરેલા અને પોતાને અંગત રીતે ઓળખતા હોય તેવી બે વ્યક્તિઓએ શાખ કરેલા એકરારની બે પ્રતો મુદ્રકને આપી ન હોય ત્યાં સુધી ચૂંટણી પત્રિકાઓ અથવા પોસ્ટરો છપાવી કે છાપી શકશે નહિ. આવા પોસ્ટરો/પત્રિકાઓ છપાઇ ગયા પછી દિન-૩માં મુદ્રકે તે પોસ્ટર પત્રિકાની એક નકલ સાથે એકરારની એક નકલ અત્રેના જિલ્લામાં એક્ષ્પેન્ડીચર મોનીટરીંગ સેલ ખાતે નિયુક્ત કરાયેલા જિલ્લા આંકડા અધિકારીને મોકલી આપવાની રહેશે. આ જોગવાઈઓનો ભંગ કરવા બદલ વ્યક્તિઓ/ પેઢીઓ વિરૂધ્ધ કાયદેસરની કાર્યવાહી કરાશે જેથી જિલ્લાના પ્રકાશક/મુદ્રણના ધંધા સાથે સંકળાયેલા તમામ વ્યકિતઓએ ઉકત જોગવાઈઓનું પાલન કરવા જીલ્લા મેજીસ્ટ્રેટશ્રી સુરતની યાદીમાં જણાવાયું છે