ગ્રીન ગ્રોથ અને દેશના સસ્ટેનેબલ વિકાસમાં મહત્વનો ફાળો આપતી યોજનાનો સુરતીઓનો બહોળો પ્રતિસાદ

સુરતના સંકેત શ્રોફને ૬ વર્ષથી થઈ રહ્યો છે બમણો લાભ: વીજળી બિલ શૂન્ય અને વધારાના યુનિટની બચત

તાજેતરમાં અમલી બેનેલી પીએમ સૂર્યઘર વીજળી યોજનામાં પણ સરકારની સબસિડી મળવાપાત્ર:

સુરત:મંગળવાર: રિન્યુએબલ એનર્જીનો ઉપયોગ કરી દેશને ઉર્જા ક્ષેત્રે આત્મનિર્ભરતા અપાવવા અને સસ્ટેનેબલ ફ્યૂચરના ધ્યેયને પરિપૂર્ણ કરવા કેન્દ્ર અને રાજ્ય સરકાર દ્વારા સહિયારા પ્રયાસના ભાગરૂપે ગુજરાતમાં પુન:પ્રાપ્ય ઉર્જા ક્ષેત્રે કેન્દ્ર અને રાજ્ય સરકાર દ્વારા પી.એમ. સૂર્યઘર મફત વીજળી યોજના અમલી છે. જે અંતર્ગત રહેણાંક અને ઔદ્યોગિક એકમોમાં સોલાર પેનલો દ્વારા સૌર ઉર્જાનો ઘર વપરાશના ઈલેક્ટ્રિક સંસાધનો માટે ઉપયોગ તેમજ વધારાની વીજળીનું વેચાણ કરી શકાય છે.

રાજ્યભરમાં સૌ પ્રથમ વર્ષ ૨૦૧૯માં શરૂ થયેલી “સૂર્ય ગુજરાત” રેસિડેન્સિયલ રૂફટોપ સોલાર યોજનાને સુરતવાસીઓએ આવકારી તેનો મહત્તમ લાભ લીધો છે. જેમાં અઠવાગેટ સ્થિત દિવાળીબાગ ખાતે રહેતા સંકેતભાઈ શ્રોફનો પણ સમાવેશ થાય છે. માતા-પિતા સાથે ચાર વ્યકિતનો પરિવાર ધરાવતા સંકેતભાઈને સુરત સહિત અન્ય ૪ રાજ્યોમાં પાયલોટ પ્રોજેક્ટ તરીકે શરૂ કરાયેલી રૂફટોપ સોલાર યોજના વિષે માહિતી મળતા જ તેમણે રસ દાખવી યોજના અંગે જરૂરી માહિતી મેળવી લીધી હતી. અને માસિક વપરાશના આધારે પોતાના ઘરે ૩kv સોલાર પેનલ્સ ઈન્સ્ટોલ કરાવી હતી. જેમાં ૪૦ ટકા સબસિડી મળતા ૮૦ હજારના ખર્ચે આ યોજનાનો લાભ મેળવ્યો હતો.
વર્ષ ૨૦૧૯થી રૂફટોપ સોલાર યોજનાનો લાભ લેતા સંકેતભાઈ જણાવે છે કે, શરૂઆતથી જ આ યોજના દ્વારા મને બમણો લાભ થઈ ગયો છે. પહેલા માસિક રૂ.૧૫૦૦ સુધી આવતું વીજબિલ છેલ્લા ૬ વર્ષોથી શૂન્ય જેવુ જ થઈ ગયું છે. અને સાથે જ વધારાના યુનિટો પ્રતિમાસ જમા થતાં ઉનાળાના સમયમાં એ.સી.નો વપરાશ વધતા બિલ સરભર થઈ જાય છે. સાથે જ પુન:પ્રાપ્ય ઉર્જા સ્ત્રોતના વપરાશને કારણે પર્યાવરણને થતું નુકસાન પણ ઘટાડી શકાય છે, જે એકંદરે સૌના જીવનધોરણમાં સુધારો કરે છે.
રાજ્યસરકાર દ્વારા અપાતાં સોલાર સિસ્ટમના પ્રોત્સાહનને બિરદાવતાં તેઓ દરેકને આ યોજનાનો લાભ લેવા અનુરોધ કર્યો હતો. ઉલ્લેખનીય છે કે, રહેણાંક ક્ષેત્રમાં સોલાર રૂફટોપને પ્રોત્સાહનને વેગ મળે તે હેતુથી રાજ્ય સરકાર દ્વારા તા.૦૫-૦૮-૨૦૧૯ના રોજ ‘સૂર્ય-ગુજરાત યોજના’ હેઠળ સબસીડી આપવામાં આવતી હતી.
વડાપ્રધાન શ્રી નરેન્દ્રભાઈ મોદીએ દેશમાં ‘ગ્રીન અને ક્લીન એનર્જી’ના મંત્ર થકી દેશમાં પુનઃપ્રાપ્ય ઊર્જાનો વ્યાપ વધારી પર્યાવરણ સુરક્ષાના પ્રયાસો હાથ ધર્યા છે, જેમાં કેન્દ્ર સરકાર દ્વારા પી.એમ. સૂર્ય ઘર વીજળી યોજના હેઠળ એક કિલો વોટ થી ૨ કિલો વોટ સુધી ૩૦,૦૦૦ અને ૨ કિલો વોટ થી ૩ કિલો વોટ સુધી રૂ. ૧૮૦૦૦ તથા ૩ કિલો વોટ કરતાં મોટી સિસ્ટમ માટે મર્યાદિત રૂ.૭૮,૦૦૦ની સબસિડી આપવામાં આવે છે. યોજના હેઠળ લોકો પોતાની મનગમતી કંપની પસંદ કરીને સોલાર ઈન્સ્ટોલ કરાવી શકે છે. યોજનાનો લાભ મેળવવા માટે pmsuryaghar.gov.in પર ઓનલાઈન રજીસ્ટ્રેશન કરાવીને લાભ મેળવી શકાય છે. જેના કારણે પણ લોકો મોટી સંખ્યામાં પોતાની અગાસી પર સોલાર પેનલો લગાવી રહ્યા છે. પર્યાવરણની દ્રષ્ટ્રિએ પણ રિન્યુએલબ એનર્જી આશીર્વાદરૂપ બની છે.

સુરત શહેર ગોવિંદા ઉત્સવ સમિતિના પ્રમુખ ગણેશભાઈ પી. સાવંત એમની અખબાર યાદીમાં જણાવે છે કે દર વર્ષની જેમ આ વર્ષે પણ શ્રીકૃષ્ણ જન્માષ્ટમી નિમિત્તે તારીખ ૨૭/૦૮/૨૦૨૪ મંગળવાર ના રોજ સાંજે ૪.૦૦ ક્લાકે ભાગળ ચાર રસ્તા ખાતે કેબિનેટ જળશક્તિ મંત્રીશ્રી, ગુજરાત ભાજપ પ્રદેશ પ્રમુખ તેમજ સાંસદ શ્રી સી.આર.પાટીલ સાહેબના અધ્યક્ષ સ્થાને મટકી ફોડવાનો કાર્યક્રમ રાખવામાં આવ્યો

ગોવિંદામાં જલશક્તિ કેબિનેટ મંત્રીશ્રી સી.આર.પાટીલ ઉપસ્થિત રહેશે.

શ્રીકૃષ્ણ જન્માષ્ટમી નિમિત્તે તારીખ ૨૭/૦૮/૨૦૨૪ મંગળવાર ના રોજ સાંજે ૪.૦૦ કલાકે ભાગળ ચાર રસ્તા ખાતે કેબિનેટ જળશક્તિ મંત્રીશ્રી, ગુજરાત ભાજપ પ્રદેશ પ્રમુખ તેમજ સાંસદ શ્રી સી.આર.પાટીલ સાહેબના અધ્યક્ષ સ્થાને મટકી ફોડવાનો કાર્યક્રમ રાખવામાં આવ્યો છે.

જેમાં સંયોજક તરીકે ‘બેગમપુરાનું જય કિશન ગ્રુપ ઓફ સુરત જોડાશે, જેઓને ૫,૧૦૦/- રૂપિયાનું રોકડ ઇનામ તથા ટ્રોફી આપવામાં આવશે.આ વર્ષે મહિલાઓ માટે ભાગળ ખાતે વિશેષ ૨ મટકી બાંધવામાં આવશે, જેમાં “અંબાજી રોડનું જય ભવાની સ્પોર્ટ કલબનું મહિલા મંડળ મટકી ફોડશે. તેમજ “રૂદરપુરા બારવા વાડનું આર.કે સ્પોર્ટ ક્લબનું મહિલા મંડળ- મટકી ફોડશે એમ આ વર્ષે ભાગળ ખાતે મહિલા મંડળ દ્વારા બે મટકી ફોડવામાં આવશે. જેઓને પણ ૧૬,૦૦૦/- નું રોકડ ઇનામ તેમજ ટ્રોફી આપવામાં આવશે તેમજ આ વર્ષે ૨૫ વર્ષ જૂના ગોવિંદા મંડળ માટેની ભાગળ ખાતે મટકી બોધવામાં આવે છે જેમાં ડ્રો કરવામાં આવ્યો હતો એમાં *અડાજણનું શ્રી સિદ્ધિ સ્પોર્ટ્સ ક્લબ” નું નામ ખુલ્યું હતુ જેઓ મટકી ફોડશે. જેઓને *૧૧,૦૦૦/- રૂપિયાનું રોક્ડ ઇનામ તથા ટ્રોફી આપવામાં આવશે તેમજ બાકીના મંડળ જે સુરત શહેરની મુખ્ય મટકીને સલામી મારવા આવશે તેઓના મંડળનું સ્વાગત કરી આશ્વાશન ઈનામ તથા ટ્રોફી આપવામાં આવશે… યુથ ફોર ગુજરાત દ્વારા સંજય નગર ચોક લિંબાયત ખાતે મટકીને સલામી આપવા ૧૧ મંડળી હાજર રહેશે અને મટકી ફોડવા ૧૦ મંડળી ભાગ લીધો છે. એમ કુલ ૨૧ ગોવિંદા મંડળોએ લિંબાયત ખાતે ભાગ લેનાર છે. અને બે મહિલા મંડળએ ભાગ લીધો છે. “યુથ ફોર ગુજરાતના પ્રમુખ જીગ્નેશભાઈ પાટીલ દ્વારા ૧,૫૧,૦૦૦/- નું રોકડ ઇનામ જાહેર” કરવામાં આવેલ છે, લીંબાયત ખાતે પણ આ વર્ષે *મહિલાઓ માટે વિશેષ બે મટકી બાંધવામાં આવશે.

જેમાં “કૈલજાઈમાતા મહિલા મંડળ વેડરોડ અને કમલાબા ગાર્ડન મહિલા ગોવિદા મંડળ ગોડાદરા” દ્વારા ફોડવામાં આવશે જેમાં મહિલા ગોવિંદા માટે *૫૧,૦૦૦/- ઈનામ જાહેર’ કરવામાં આવેલ છે. વધુમાં ગણેશભાઈ સાવતે ઉમેર્યું હતું કે ગત વર્ષે ૧૩૫ ગોવિંદા મંડળોએ ફોર્મ ભર્યા હતા જ્યારે આ વર્ષે ૧૪૧ ગોવિંદા મંડળોએ પરમિટ ફોર્મ ભર્યા છે. આ કાર્યકમના અતિથિ તરીકે સુરત મહાનગરપાલિકાના સભ્યશ્રી, ભાજપના ધારાસભ્યો શ્રી, પ્રમુખ શ્રી, મહામંત્રી શ્રી, નગર સેવકો શ્રી, તથા સમાજના અગ્રણીઓ ઉપસ્થિત રહેશે. ગોવિંદા ઉત્સવ સમિતિના અગ્રણીઓ અશોક દુધાણે, દિપક કદમ, જયેશ જાદવ, ચંદ્રકાંત નિબાલકર, હરીશ સપકાલ, લક્ષ્મણ ડીગે, પ્રકાશ મહાનુંગે, પરેશ મોરે, બન્ટી પાટીલ, મહેન્દ્ર પવાર, જયેશ સોનાર, વિજય નિક્રમ, જર્મશ ધનાવડે, પ્રદીપ મોરે, અશોક પોર્ટ, રૂપેશ કોડાલકર, સંતોષ શેડગે, સંજય દેવીલકર ચંદ્રકાન્ત નિંબાલકર, મહેશ ગજ્જર, શરદ સાવંત, નિશાંત મોદી, અવિ શેડગે સંતોષ કદમ મહેશ માનસરે હરીશ પગારે, રમેશ ધુમાલ અને કમલાકર મોરે તેમજ નલીની શેડગે, રેશ્મા રાજીવડે, કામિની કદમ, જપા સાવંત, પ્રેરણા શિદ્દે નયના સાલુંકે, ઉર્મિલા કડુ તેજલ કદમ, અમિ કુંડપાને, ધર્મિષ્ઠા તાંદલકર, શીતલ કદમ, અનિતા ગાયકવાડ, મીનાક્ષી કદમ, હેતલ ઝાઝે, પિન્કી શીરકં, વૈશાલી મોરે પલ્લવી શિંદે સુલોચના કાલગુડે, ફા શિદ્ર આરતી મોરે, ઉર્વી શિટ્ટ, ગીતા પવાર, હિના માળી, દક્ષા દેવીલકર તથા સમિતિના અન્ય તમામ હોદેદારોએ સમગ્ર કાર્યક્રમની વિશેષ વ્યવસ્થા ગોઠવી છે એવું ગણેશભાઈ પી. સાવંત ગોવિંદા ઉત્સવ સમિતિ સુરત શહેર પ્રમુખએ જણાવ્યું છે.

મલ્હોત્રા પરિવારની દીકરી કામ્યાએ ટેકવેન્ડો સ્પર્ધાના વિવિધ ચરણોમાં ૧૩ સુર્વણચંદ્રક મેળવવાની સિદ્ધિ પ્રાપ્ત કરી

સરકાર રમત-ગમતને પ્રોત્સાહન આપીને મહિલા સશક્તિકરણનું કાર્ય કરી રહી છેઃ કામ્યા મલ્હોત્રા

સ્પોર્ટ્સ તાલીમ માટે દર મહિને રાજ્ય સરકારની રૂ.૪૫૦૦ સહાય મેળવી રહી છે ટેકવેન્ડો ખેલાડી કામ્યા મલ્હોત્રા

સુરતઃશુક્રવારઃ સુરતના મલ્હોત્રા પરિવારના પાંચ બાળકો ટેકવેન્ડો સ્પર્ધામાં રાષ્ટ્રીય અને આંતરરાષ્ટ્રીય સ્તરે દેશ-રાજ્યનું પ્રતિનિધિત્વ કરી અનેકવિધ સિદ્ધિઓ મેળવી પરિવાર, રાજ્ય અને દેશનું નામ રોશન કરી રહ્યાં છે. પરિવારની બે દીકરી અને ત્રણ દીકરા ટેકવેન્ડોમાં પોતાની પ્રતિભા દર્શાવી રહ્યા છે. મલ્હોત્રા પરિવારના બે ભાઈઓ અમનભાઈ અને આશિષભાઈના પાંચ સંતાનો જેમાં અમનભાઈના કુશલ, દર્શ, અને કામ્યા તેમજ આશિષભાઈના સંતાનો તન્મય, સ્તુતિ ટેકવાન્ડોની રમત માટે સખત મહેનત કરી દેશ-રાજ્યનું પ્રતિનિધિત્વ કરી રહ્યા છે. ખાસ કરીને ૧૮ વર્ષીય દીકરી કામ્યા મલ્હોત્રાએ ટેકવેન્ડો સ્પર્ધામાં ૧૩ જેટલા ગોલ્ડ, ૫ સિલ્વર અને ૨ બ્રોન્ઝ મેડલો મેળવીને સુરતનું ગૌરવ વધાર્યું છે. તેને સ્પોર્ટ્સ તાલીમ માટે દર મહિને રાજ્ય સરકારની રૂ.૪૫૦૦ સહાય મળી રહી છે.
મૂળ નવી દિલ્હીના વતની અને વર્ષોથી સુરત ખાતે સ્થાયી થયેલ મલ્હોત્રા પરિવાર પાર્લે પોઈન્ટ સ્થિત ગોકુલ રોહાઉસ ખાતે રહે છે. પરિવારના અમનભાઈ મલ્હોત્રા ટેક્સટાઈલ બિઝનેસ સાથે સંકળાયેલા છે. તેમની પુત્રી કામ્યાએ રમતગમતની સંઘર્ષમય સફર ખેડીને સફળતા મેળવી છે. કામ્યા સુરતની સ્કેટ કોલેજમાં બીસીએ(બેચલર ઓફ કોમ્પ્યુટર એપ્લિકેશન) ના પ્રથમ વર્ષમાં અભ્યાસની સાથે છેલ્લા દશ વર્ષથી ટેકવેન્ડો રમી રહી છે. જેણે દેશ-વિદેશમાં રાષ્ટ્રીય અને આંતરરાષ્ટ્રીય સ્પર્ધાઓમાં ભાગ લઈ અનેક વિક્રમો પોતાના નામે કર્યા છે. ઉપરાંત, આંતરરાષ્ટ્રીય ટેકવેન્ડો સ્પર્ધામાં ભારતનું પ્રતિનિધિત્વ કરી અત્યાર સુધીમાં ૧૩ ગોલ્ડ, ૫ સિલ્વર, ૨ બ્રોન્ઝ સહિત કુલ ૧૯ મેડલો પ્રાપ્ત કરી આ સ્પર્ધામાં ઉજ્જવળ કારકિર્દી તરફ ડગ માંડ્યા છે.
કામ્યાએ ગુજરાત સ્ટેટ ચેમ્પિયનશીપમાં ૫ ગોલ્ડ અને ૩ સિલ્વર મેડલ મેળવ્યા છે, જ્યારે ખેલ-મહાકુંભમાં ૪ ગોલ્ડ અને ૧ બ્રોન્ઝ મેડલ મેળવ્યા છે. નેશનલ સ્કુલ ગેમ્સમાં ૧ ગોલ્ડ, ૪૦ મી જુનિયર નેશનલ ૧ સિલ્વર, આઈટી ચેમ્પિયન ઓફ ચેમ્પિયન્સ ફાઈનલમાં ૧ ગોલ્ડ, આઈટી જુનિયર નેશનલ ૧ ગોલ્ડ, ઈન્ડિયન ટેકવાન્ડો (IT) ઓપન નેશનલ ૧ ગોલ્ડ, 65મી SGFI નેશનલ ૧ સિલ્વર, ત્રીજી માઉન્ટ એવરેસ્ટ ઈન્ટરનેશનલ ઓપન ટેકવાન્ડો ચેમ્પિયનશિપમાં ૧ બ્રોન્ઝ સહિત ૧૩ ગોલ્ડ, ૫ સિલ્વર, ૨ બ્રોન્ઝ મેડલ પ્રાપ્ત કરવાની ગૌરવભરી સિદ્ધિ મેળવી છે.
કામ્યા મલ્હોત્રાએ પોતાની સંઘર્ષગાથા વિશે જણાવ્યું કે, હું ૬ વર્ષની વયથી ટેકવેન્ડો રમું છું. રાજ્ય સરકારની યોજનાકીય સહાયથી મારી ટ્રેનિંગ વેસુ સ્થિત ડાયનામિક વોરિયર્સ એકેડેમીમાં ચાલી રહી છે. દર મહિને રાજ્ય સરકાર તરફથી તાલીમ માટે મને રૂ.૪,૫૦૦ની સહાય મળી રહી છે. જેથી રમતગમત ક્ષેત્રે આગળ વધવા માટે પીઠબળ મળ્યું છે. માતા-પિતાએ મારી કારર્કિદીને નવી ઉડાન ભરવા માટે સજ્જ કરી હતી. તેમના સંપૂર્ણ સાથ સહકારથી જ મેં ટેકવાન્ડોની નિયમિત તાલીમ શરૂ કરી હતી. સેલ્ફ-ડિફેન્સ માટે માતા-પિતાએ મને ૬ વર્ષની નાની ઉંમરે ટેકવાન્ડોની રમતમાં ભાગ લેવામાં માટે પ્રેરિત કરી હતી. શાળાના કોચે તાલીમ દરમિયાન મારી સુષુપ્ત પ્રતિભાને પિછાણીને આ ક્ષેત્રમાં આગળ વધવા પ્રોત્સાહન પૂરૂ પાડ્યું હતું.
કામ્યાએ જણાવ્યું કે, સૌપ્રથમ જિલ્લાક્ષેત્રની સ્પર્ધામાં મને ટુર્નામેન્ટનો પ્રથમ ગોલ્ડ મેડલ પ્રાપ્ત થયો હતો, ત્યારબાદ વર્ષ ૨૦૧૩ પૂણે(મહારાષ્ટ્ર) અને વર્ષ ૨૦૧૯માં ચેન્નાઈ(તમિલનાડુ) માં નેશનલ ટુર્નામેન્ટમાં ભાગ લીધો જેમાં સફળતા ન મળતા નાસીપાસ થઈ પણ શીખ મળી કે મારે હજુ વધુ મહેનતની જરૂર છે. ત્યારબાદ એ જ વર્ષમાં રાજસ્થાનમાં યોજાયેલી નેશનલ ટુર્નામેન્ટમાં સિલ્વર મેડલ પ્રાપ્ત કર્યો, જે મારા જીવનો મહત્વનો ટર્નિંગ પોઈન્ટ હતો, મારો ઉત્સાહ બેવડાતા સતત ત્રણ વર્ષ તાલીમ લઈ નાસિક ખાતે નેશનલ ટુર્નામેન્ટમાં ભાગ લઈને ગોલ્ડ મેડલ મેળવ્યો હતો.
ખેલ જગતમાં નામ કમાઈ રહેલી સુરતની ટેકવેન્ડો ગોલ્ડ મેડાલિસ્ટ કામ્યા અભ્યાસની સાથે સાથે દિવસના છ કલાક ટેકવેન્ડોની પ્રેક્ટિસ પણ કરે છે. તે રસોઈમાં પણ પાવરધી છે. સ્પોર્ટ્સમાં પુરતું ધ્યાન આપી શકાય એ માટે મોબાઈલ અને ટીવીથી દૂર રહે છે. હોટેલ અને રેસ્ટોરાના ફાસ્ટફૂડ-જંકફૂડના બદલે ઘરનું સાત્વિક ભોજન જમે છે.
કામ્યા કહે છે કે સરકાર રમત ગમતને પ્રોત્સાહન આપીને મહિલા સશક્તિકરણનું કાર્ય કરી રહી છે. રાજ્ય સરકારની સ્પોર્ટ્સ ઓરિએન્ટેડ અનેક યોજનાઓ અને નીતિઓના કારણે ખેલજગતના સેંકડો ઉભરતા બાળકો-યુવાનોને નવી દિશા મળી છે એમ જણાવી વધુમાં કામ્યાએ ઉમેર્યું કે, જીવનમાં એવા દિવસો પણ આવ્યા કે સતત તાલીમ કરવા છતાં વર્ષ ૨૦૧૩ થી ૨૦૧૮ મને એક પણ નેશનલ લેવલનો મેડલ પ્રાપ્ત થયો ન હતો. જેથી હું હતાશ થઈ ગઈ હતી. એવા સમયે પરિવાર અને કોચે મને આશ્વાસન આપી હિંમત વધારી હતી. અવિરત પ્રેક્ટિસના કારણે ત્રણ વર્ષ બાદ નેશનલ ટુર્નામેન્ટમાં વધુ એક ગોલ્ડ જીતી શકી હતી, અને વર્ષ ૨૦૨૨માં ત્રીજી માઉન્ટ એવરેસ્ટ ઈન્ટરનેશનલ ઓપન ટેકવાન્ડો ચેમ્પિયનશીપમાં ભારતનું પ્રતિનિધિત્વ કરવાનો મોકો મળ્યો હતો. મારી કારકિર્દી માટે આ ઉજવવળ તક મળતાં મારી એકેડમીના કોચ તથા મારી સાથે તાલીમ લેતા સાથીમિત્રોના પરિવારજનો મારી વ્હારે આવ્યા હતા. જેથી ફંડીગની સુવિધા થકી હું એશિયન ચેમ્પિયનશિપ રમવા ગઈ હતી. જેમાં ભારતનું પ્રતિનિત્વ કરી નેશનલ બ્રોન્ઝ મેડલ પ્રાપ્ત કર્યો હતો. ત્યારથી લઈને હું સતત વિવિધ સ્પર્ધાઓમાં સારો દેખાવ કરી રહી છું.
કામ્યાના પિતા અમન મલ્હોત્રાએ જણાવ્યું હતું કે,અમારા પરિવારના દરેક સભ્યો કોઈને કોઈ રમતો સાથે જોડાયેલા છે. હું પોતે કરાટે બ્લેક બેલ્ટ ચેમ્પિયન રહ્યો છું. જેથી પરિવારના પાંચ બાળકોને રમતગમતમાં કારકિર્દી માટે પ્રોત્સાહન પુરૂં પાડી રહ્યો છું. પરિવારના પાંચે બાળકોએ ટેકવેન્ડોની રમતમાં સિદ્ધિઓ પ્રાપ્ત કરી છે,જેમાં કામ્યાએ સૌથી વધુ સિદ્ધિ પ્રાપ્ત કરી પરિવાર અને દેશનું નામ વધાર્યું છે.

ટેકવેન્ડો ગેમ શું છે?

માર્શલઆર્ટ પ્રકારની ટેકવેન્ડો રમત મૂળ દક્ષિણ કોરિયાની રાષ્ટ્રીય રમત છે. જેનો વર્ષ ૨૦૦૦ થી બિજિંગ ઓલિમ્પીકથી ઓલિમ્પીક ગેમ્સમાં સમાવેશ કરાયો છે. હાથ અને પગની મદદથી રમાતી આ રમતમાં બે સ્પર્ધકોએ સર્કલમાં રમવાનું હોય છે. જેમાં સ્પર્ધક કમર પર બાંધેલા બેલ્ટથી નીચે મારી શકતો નથી. છાતી અને મોં પર હાથ અને પગ મારવાથી પોઈન્ટ મળે છે. જેમાં મોં પર કિક કે હાથ વાગતા ૩ પોઈન્ટ જ્યારે પેટ પર હાથ કે પગ લાગતા ૨ પોઈન્ટ મળે છે.

(ખાસ અહેવાલઃમેહુલ વાંઝવાલા)

સુરત,સચીન ના પાલી પ્રધાનમંત્રી આવાસ યોજના માં સુડા તરફ થી આપવામાં આવેલ આવાસમાં ભાડુઆત તરીકે ના રહેઠાણ થી સોસાયટી ના લોકો હેરાનગતિ થતી હોવાનું અનેક રજુઆત કરવામાં આવેલ હોવા છતાં. કોઇપણ તપાસ કે કાર્યવાહી કરવામાં આવેલ નથી.

આવાસ ફાળવણી માં જેતે સમય ના અધિકારી ભષ્ટાચાર કરી પોતનું કરેલ ભૂલો નું લોકો એ ભોગવાનું વારો આવ્યું છે.એક આર.ટી.આઈ ના જવાબ માં આવેલ માહિતી પ્રમાણે અમુક આવાસ ની પુરતી માહિતી રેકોર્ડ ઉપર બતાવામાં આવેલ ન હોવા થી ફાળવણીમાં જે તે સમય ના અધિકારી ની મળી ભગત અને બેદરકારી થી રાજકીય ભલામણો હોવાથી આવાસ ની ફાળવણી માં જેની જરૂરીયાત ન હતી તેની ફાળવણી કરી તેને ભાડા ની આવક મેળવા માટે હાલ આવાસ ભાડે થી આપી ને ૩૫૦૦ થી ૪૦૦૦/- સુધી નું ભાડાનું વસુલાત પણ કરવામાં આવે છે.

જેની તપાસ થાય તો અધિકારી અને આવાસ ની ફાળવણી માં થયેલ ભષ્ફાટાચાર સામે આવે અને જેની જરૂરિયાત હોય તેવા લોકો ને આવાસ મળે રહે અને પ્રધાનમંત્રી આવાસ યોજના નું સફળ થયા.