સુરત,ક્રાઇમબ્રાંચના નામે ખોટી ઓળખ આપી 4300 રૂપિયા પડાવી વધુ 40 હજાર માંગ્યા હતા. રૂપિયા ન આપે તો રેપકેસમાં ફસાવી દેવાની ધમકી આપી. ભટારના 62 વર્ષીય કાપડ વેપારીને હનીટ્રેપમાં ફસાવી માટે વૃદ્ધ વેપારીએ ફરિયાદ આપતા અમરોલી પોલીસે રાજુ ગુજરીયા, ઋત્વિકા ગુજરીયા, રાજેશ કાથરોટિયા, વિજય માળી, તેજલ ઉર્ફે જાનવી પટેલને ઝડપી પાડ્યા હતા.
કતારગામ,અમરોલી અને કામરેજ સહિત શહેરમાં હનીટ્રેપના નામે ફસાવી રૂપિયા પડાવતી 150થી વધુ ગેંગ સક્રિય હોવાની શંકાસ્પદ કામગીરી.
મૂળ રાજસ્થાનના અને હાલ ભટાર રહેતા 62 વર્ષીય કાપડ વેપારી પર 3 મહિના પૂર્વે પહેલાં મેસેજ મોકલી અને બાદમાં પોતે જાનવી બોલું છું કહી તેમને માયાજાળમાં ફસાવ્યા હતા. 24મીએ જાનવી વેપારીને અમરોલીના સંત એપાર્ટમેન્ટમાં ત્રીજા માળે ફલેટમાં લઈ ગઈ હતી. તે વખતે 3 લોકોએ આવી પોતાની ઓળખ ક્રાઇમબ્રાંચના માણસો તરીકે આપીને 4300 રૂપિયા પડાવ્યા હતા. તોડબાજ ટોળકીએ વૃદ્વને કહ્યું કે આવતીકાલે 40 હજારની રકમ લઈને આવજો, રૂપિયા નહિ આપે તો મહિલા બળાત્કારની ફરિયાદ આપશે અને તમારે 20 વર્ષ સુધી અંદર કરાવી દઈશું, એમ કહી ડરાવ્યો હતો.
