બાપ અને દીકરી ના સંબંધોની ગરિમા ફરી એકવાર લજવાઈ
સચિન પોલીસ સ્ટેશન વિસ્તારમાં સુડા સેક્ટર ખાતે રહેતા સાવકા બાપે જ દીકરી પર અવારનવાર દુષ્કર્મ ગુજારી જાનથી મારી નાખવાની ધમકી આપતા ચકચાર મચી જવા પામી છે. સચિન પોલીસ મથકમાં ફરિયાદ નોંધાવી હતી. જેથી પોલીસે પરિણીતાની ફરિયાદ લઈ તેના પતિ સામે દુષ્કર્મનો ગુનો દાખલ કરી કાયદેસરની કાર્યવાહી હાથ ધરી છે.
જેમાં સાવકા બાપે જ દીકરી પર દુષ્કર્મ આચર્યું છે. મૂળ ઉત્તરપ્રદેશના ઝાલોદ જિલ્લાના વતની અને હાલમાં સુરતના સચિન વિસ્તારમાં આવેલી સાઈનાથ સુડા સેક્ટરમાં રહેતા યુવકના લગ્ન એક મહિલા સાથે થયા હતાં. મહિલાને લગ્ન સમયે જ પહેલા પતિ ના એક દીકરી હતી. લગ્ન બાદ યુવક પત્ની સાથે રહેતો હતો. ત્યારે દીકરી મોટી થતા નરાધમ પિતાએ દીકરી પર નજર બગાડી હતી. જાનથી મારી નાખવાની ધમકી આપી અવારનવાર તેની સાથે શારીરિક સંબંધ બાંધી દુષ્કર્મ આચર્યું હતું. જો કે કિશોરીએ તેની માતાને જણાવતા તેની માતાએ સચિન પોલીસ મથકમાં ફરિયાદ નોંધાવતા પોલીસે દુષ્કર્મનો ગુનો દાખલ કરી કાયદેસરની કાર્યવાહી હાથ ધરી છે.
