સુરત શહેરના નાનપુરા વિસ્તારમાં ગરબા ક્લાસિસ સંચાલકે ફાંસો ખાઈ જીવન ટુંકાવી લીધું. પોલીસથી મળેલી માહિતી મુજબ શહેરના નાનપુરા માછીવાડ મસ્જીદ વાળી ગલીમાં રહેતા ભરતભાઈ કનૈયાલાલ રાંદેરી(24 વર્ષીય ચૌટા બજાર ખાતે ભાગીદારીમાં કલાકક્ષ નામથી દોઢિયા ક્લાસિસ ચલાવતો હતો. તેની એક બહેનના લગ્ન થઈ ગયા છે અને અન્ય એક ભાઈ છે. ભરત રાંદેરીના માતા-પિતાનું અગાઉ અવસાન થયા બાદ તે માસી અને દાદી સાથે રહેતો હતો.
સોમવારે ભરત રાંદેરીએ પોતાના ઘરમાં ફાંસો ખાઈ આપઘાત કરી લીધો હતો. બનાવની જાણ થતા અઠવા પોલીસ ઘટના સ્થળે દોડી ગઈ હતી અને તપાસ શરૂ કરી હતી. જોકે ભરત રાંદેરીએ ક્યાં કારણસર આપઘાતનું પગલું ભર્યું તે પોલીસ હાલ જાણી ન શકી ન હતી. હજુ એક દિવસ પહેલા જ ભરત રાંદેરી એ આહવા ડાંગની ટુરનું આયોજન પણ કર્યું હતું. ત્યારે ટુરમાંથી પરત ફર્યા બાદ સોમવારે અચાનક ફાંસો ખાઇને જીવન ટૂંકાવી લેતા આપઘાતના કારણ અંગે રહસ્ય ઘેરાયું છે. ભરત રાંદેરીએ કયા કારણોસર આત્મહત્યા કરી તે અંગે પોલીસ વધુ તપાસ કરી રહી છે.
