મુળ યુપીનો વતની અને સુરતમાં લિંબાયતમાં રહેતો દત્તુ નામદેવ એકલવાયુ જીવન જીવે છે અને મજૂરીકામ કરી વતનમાં પરિવારનું ગુજરાન ચલાવે છે. આજુબાજુમાં રહેતા નાના બાળકો દત્તુના ઘરે ટીવી જોવા માટે જતા હતા. દરમિયાન દત્તુની સામે જ રહેતી 8 વર્ષની બાળકી પણ ત્યાં ટીવી જોવા જતી હતી. જેની ઉપર દત્તુની દાનત બગડી હતી. બુધવારે સવારના સમયે બાળકી ટીવી જોવા ગઇ ત્યારે દત્તુએ બાળકીના કપડા કાઢી નાંખી, પોતે પણ નગ્ન થઇ ગયો હતો અને બાળકીને પલંગ ઉપર સૂવડાવી પોતે તેની ઉપર સૂઇ ગયો હતો. બાળકીની માતા તેણીને શોધી રહી હતી ત્યારે એક વ્યક્તિએ તેણીને કહ્યું કે, આ બાળા દત્તુના ઘરે ટીવી જોતી હતી. દરમિયાન મહિલા ત્યાં તાત્કાલીક પહોંચીને દરવાજો ખોલતા જ નગ્ન બાળકી ઉપર નગ્ન દત્તુને જોઇ ચોંકી ઉઠી હતી. મહિલાએ ઝડપભેર બાળકીને પોતાની બાહોમાં લેતા બુમાબુમ કરી હતી અને આજુબાજુના લોકોને બોલાવી દત્તુને માર માર્યો હતો. આ સાથે જ પોલીસને પણ જાણ કરવામાં આવતા લિંબાયત પોલીસે દત્તુની સામે છેડતીનો ગુનો નોંધી તેની ધરપકડ કરી હતી.
