ફરિયાદી યુવતીના જણાવ્યા અનુસાર, આરોપી ઓમપ્રકાશ ઉર્ફે નનકા રામખદેરુ ધુરીયા છેલ્લા છ મહિનાથી જ્યારે ફરિયાદી કામ પર જતી હતી, ત્યારે પીછો કરી હેરાન પરેશાન કરતા હતા. તેણે અનેકવાર વાત કરવા દબાણ કર્યું હતું. આ ઉપરાંત તેણે મોબાઇલમાં વોટ્સએપ પર અશ્લીલ મેસેજ મોકલ્યા અને અલગ અલગ ફેસબુક આઈ.ડી. મારફતે પણ સેક્સ્યુઅલી હેરાનગતી કરતા મેસેજ મોકલ્યા હતા.અશ્લીલ ઇશારા કરી વાત કરવા દબાણ કરનાર શખ્સ તેમજ તેના બે સાથીઓએ યુવતીના પિતાને પોલીસ ફરિયાદ ના કરે તે માટે કારખાને જઈ જાનથી મારી નાખવાની ધમકી આપી હતી. આખરે ત્રણે આરોપીઓની ધરપકડ કરવામાં આવી છે. મુખ્ય આરોપી બેરોજગાર છે. આરોપી ઓમપ્રકાશ અને તેના બે સાથી રાહુલ જયનારાયણસિંહ અને જીતુ નવલ જાદવે ફરિયાદીના પિતાના કારખાને જઈ જાહેરમાં ધમકી આપી હતી કે જો ફરિયાદ કરશે તો તેને જાનથી મારી નાખવામાં આવશે.ત્રણેય આરોપીઓને તેમના નિવાસસ્થાન પરથી પકડવામાં આવ્યા છે. પોલીસે જણાવ્યું છે કે, આ ત્રણે આરોપીઓએ અગાઉથી મળીને સંપૂર્ણ પ્લાનિંગ સાથે ફરિયાદીને તંગ કરવા અને તેની આસપાસના વાતાવરણમાં ભય ફેલાવવાનો પ્રયાસ કર્યો હતો.

ઝડપાયેલા આરોપી

• ઓમપ્રકાશ ઉર્ફે નનકા રામખદેરુ ધુરીયા (ઉં.વ. 25, ધંધો: બેકાર, રહે. પ્લોટ નં.135, પ્રભુનગર, BRC, ઉધના, સુરત, મૂળ વતન. ગામ- અખંડનગર, તા. જિ. જોનપુર, ઉત્તર પ્રદેશ)
• રાહુલ જયનારાયણસિંહ (ઉં.વ. 32, ધંધો: નોકરી, રહે. પ્લોટ નં. 233, કેશવનગર સોસાયટી, ભેસ્તાન ગાર્ડન પાસે, ભેસ્તાન, સુરત, મૂળ વતન. ગામ- માંડાબાદપુર, તા. જિ. અલ્હાબાદ, ઉત્તર પ્રદેશ)
• જીતુ નવલ જાદવ (ઉં.વ. 25, ધંધો. ટેમ્પો ડ્રાઈવર, રહે. પ્લોટ નં. 86, પ્રભુનગર, અબ્બાસ દાદાની ચાલ, BRC, ઉધના, સુરત, મૂળ વતન. ગામ- માંગરુળ, તા. પારોળા, જિ. જલગાંવ, મહારાષ્ટ્ર)

ઉધના પોલીસ મથકે ત્રણેય શખસો સામે છેડછાડ, ધમકી, અંગે ની ફરિયાદ નોધી ને આગળ ની તપાસ શુરુ કરી.

જુદીજુદી વિધવા સહાય સ્કીમમાં સહાય અપાવવાના બહાને અને બેન્ક એકાઉન્ટ ખોલાવવાના બહાને પોતાના મોબાઇલમાં વિધવાનો ફોટો પાડયો હતો

બે બાળકની ૩૪ વર્ષીય માતા અને ૩૦ વર્ષીય અપરણિત બ્રિજેશ દુબે સાથે નોકરી કરતા હતા

સુરતના સલાબતપુરા વિસ્તારમાં રહેતી બે બાળકની ૩૪ વર્ષીય વિધવા માતાને જુદીજુદી સહાય અપાવવા મોબાઈલમાં ફોટો પાડી બાદમાં મોર્ફ કરી વાયરલ કરવાની ધમકી આપી દુષ્કર્મ કરનાર તેની સાથે નોકરી કરતા તાતીથૈયાના ૩૦ વર્ષીય અપરણિત યુવાન વિરુદ્ધ પોલીસે ગુનો નોંધી ધરપકડ કરી છે.

પોલીસ સૂત્રો દ્વારા પ્રાપ્ત થતી વિગતો મુજબ સુરતના સલાબતપુરા વિસ્તારમાં રહેતી બે બાળકની ૩૪ વર્ષીય વિધવા માતા ટિફિન સર્વિસવાળાને ત્યાં નોકરી કરે છે.ત્યાં જ ડિલિવરીમેન તરીકે નોકરી કરતા ૩૦ વર્ષીય અપરણિત બ્રિજેશ રાજેશભાઈ દુબે (રહે. તાતીથૈયા ગામ, તા.પલસાણા, જી.સુરત) એ વિધવા સાથે મિત્રતા કેળવી હતી અને તેને જુદીજુદી વિધવા સહાય સ્કીમમાં સહાય અપાવવાના બહાને અને બેન્ક એકાઉન્ટ ખોલાવવાના બહાને પોતાના મોબાઇલમાં વિધવાનો ફોટો પાડયો હતો, બાદમાં તેણે ફોટો મોર્ફ કરીને નગ્ન બનાવ્યો હતો અને તેના આધારે વિધવાને શરીર સંબંધ બાંધવા મજબુર કરી હતી. એટલું જ નહીં તે વિધવા પાસે પૈસાની પણ માંગણી કરતો હતો અને પૈસા નહીં આપે કે શરીર સંબંધ નહીં બાંધે તો વિધવાના માતાપિતા અને બાળકોને મારી નાખવાની અને તેમને ઊંચકી જવાની ધમકી આપી ફોટા પણ વાયરલ કરવાની ધમકી આપતો હતો.આ અંગે વિધવાએ ગતરોજ બ્રિજેશ વિરુદ્ધ સલાબતપુરા પોલીસ મથકમાં દુષ્કર્મની ફરિયાદ નોંધાવતા પોલીસે તેની ધરપકડ કરી છે.

વરાછા પોલીસ સ્ટેશનના લોકઅપમાં આરોપીએ પોતાના શર્ટથી ગળાફાસોં ખાઈ આપઘાત કર્યો

મળતી માહિતી પ્રમાણે સુરતમાં 45 વર્ષીય યુવક પરિવાર સાથે રહેતો હતો. પરિવારમાં પત્ની અને બે દીકરીઓ છે. જે પૈકી નાની 17 વર્ષની દીકરી સાથે પિતાએ અડપલાં અને દુષ્કર્મ આચર્યું હતું. આ અંગે રાત્રે વરાછા પોલીસ સ્ટેશનમાં પહેલાં પોક્સો અને અડપલાં કરવાની ફરિયાદ નોંધાવવામાં આવી હતી. ત્યાર બાદ 45 વર્ષીય પિતાને ઝડપી પાડવામાં આવ્યો હતો. આ સાથે જ સગીર દીકરીનું વિગતવાર નિવેદન નોંધવામાં આવ્યું હતું.

ઘટના બનતા પોલીસ દોડતી થઈ ગઈ હતી. જોકે, ઘટનાને પગલે 108 એમ્બ્યુલન્સ તાત્કાલિક વરાછા પોલીસ સ્ટેશન પહોંચી હતી. જ્યાંથી મૃતદેહને પોસ્ટમોર્ટમ અર્થે સ્મીમેર હોસ્પિટલ ખસેડવામાં આવ્યો હતો.

સુરત શહેરમાં અસામાજીક પ્રવુતિ તેમજ ગુનાખોરીને ડામવા સારૂ પોલીસ સ્ટેશન વિસ્તારમાં રહેતા અસામાજીક તત્વો વિરૂધ્ધ કડક પગલા લેવા તથા મીલકત સબંધી અને શરીર સબંધી ગુન્હાઓ ઉપર અસરકારક નિયંત્રણ લાવવા અને ગુનેગારો ઉપર સર્વેલન્સ રાખવા સંવેદનશીલ અને ક્રાઇમ પ્રોન એરીયામાં સરપ્રાઇઝ કોમ્બીંગનુ આયોજન કરી કાર્યવાહી કરવાની સુચના આપેલ હોય જે સુચના આધારે સંયુક્ત પોલીસ કમીશનર શ્રી સેક્ટર-૦૨ સાહેબ શ્રી તથા નાયબ પોલીસ કમીશનર શ્રી ઝોન-૦૬ સાહેબ તેમજ મદદનીશ પોલીસ કમીશનર શ્રી “આઇ” ડિવીઝન સાહેબ નાઓની સુચના અને માર્ગદર્શન હેઠળ સચીન GIDC પો.સ્ટે.ના પોલીસ ઈન્સપેક્ટર શ્રી કે.એ.ગોહિલ નાઓએ સચીન જી.આઇ.ડી.સી તથા સચીન તથા ભેસ્તાન તેમજ ડ્રીમસીટી પોલીસ સ્ટેશનના અધીકારી/ કર્મચારીઓની અલગ અલગ-૦૫ જેટલી ટીમો બનાવેલ જેમાં ૦૨ પોલીસ ઈન્સપેક્રટર તથા ૦૫ પોલીસ સબ ઇન્સપેક્ટર તેમજ ૬૦ પોલીસ કર્મચારીઓ સાથે તા.૧૯/૦૩/૨૦૨૫ ના કલાક-૧૮/૦૦ થી કલાક-૨૧/૦૦ વાગ્યા દરમ્યાન જરૂરી લાઠી-હેલ્મેટ તથા ટોર્ચ જેવી પુરતી સાધન સામગ્રી સાથે સચીન GIDC પો.સ્ટે વિસ્તારમાં આવેલ સંવેદનસીલ વિસ્તાર કે,જ્યાં અસામાજીક તત્વો વસવાટ કરતા હોય તથા ઉઠક બેઠક ધરાવતા હોય જેમાં પાલીગામ ડી.એમ.નગર, સુડા સુર્યોદય રેસીડેન્સી તથા સચીન રેલવે સ્ટેશન પાસેના વિસ્તારમાં તેમજ કાલીમાતાના મંદિર પાસેના વિસ્તારમાં કોમ્બીગનુ આયોજન કરવામાં આવેલ હતુ જેમાં અલગ–અલગ ટીમો દ્વારા સઘન સરપ્રાઈઝ ચેકીંગ કરી નીચે મુજબની કામગીરી કરવામાં આવેલ છે.

જેમાં નીચે પ્રમાણે ની કામગીરી કરવામાં આવેલ છે.