સુરત, સચિન જીઆઇડીસી વિસ્તાર ની પાસે આવેલ ગભેણી રોડ ઉપર આવેલ મ્હામહાલક્ષ્મી સોસાયટીમાં રહેતી 40 વર્ષીય મહિલાએ માનસિક બીમારીથી કંટાળીને ફાંસો ખાઇ જીવન ટૂંકાવી લીધું હતું.બનાવની જાણ થતાં સચિન જીઆઇડીસી પોલીસ ઘટના સ્થળે ધસી ગઇ હતી. પોલીસ તપાસમાં મહિલાએ બીમારીથી કંટાળી આપઘાત કર્યાનું સામે આવ્યું છે. સચિન જીઆઇડીસી ગભેણી રોડ મહાલક્ષ્મી સોસાયટીમાં રહેતા 40 વર્ષીય શિલા દિનાનાથ ચૌહાણ છેલ્લાં 20 વર્ષથી માનસિક બીમારીથી પીડાઇ રહ્યા હતા.બે દાયકાથી ચાલતી દવાથી કંટાળી તેમણે આ પગલું ભર્યું હતું. જેની લાંબા સમયથી સારવાર પણ ચાલી રહી હતી. બીમારીથી કંટાળીને મંગળવારે બપોરે પોતાના ઘરે ફાંસો ખાઇ આપઘાત કરી લીધો હતો.
